English | عربی | Kurdî دواهەواڵ
ڕاستەوخۆ  
 
فره‌نسا دوستێن گه‌لێ كورد د دوهى و ئه‌ڤرو دا
2019-07-18 [07:01 AM]

نڤیسینا : ئاشتى فه‌تحى بێسفكى


په‌یوه‌ندیێن هه‌رێما كوردستانێ دگه‌ل وه‌لاتێ فره‌نسا په‌یوه‌ندیێن دیروكى یێن كه‌ڤنارن ، وه‌لاتێ فره‌نسا دهێته‌ هژمارتن ژ دوستێن نێزیك بو گه‌لێ كورد ، كو هه‌ر ژ ده‌سپێكا خه‌باتا چه‌كداریا ملله‌تێ كورد ل چیان ل وى ده‌مى وه‌لاتێ عیراقێ دخواست فروكه‌یێن جه‌نگى ژ وه‌لاتێ فره‌نسا بكرن ژ بو لێدانا هێزێن پێشمه‌رگه‌یێن كوردستانێ ، لێ پشتى نامه‌ك ژ سه‌ركردایه‌تیا كوردان گه‌هشتیه‌ وه‌لاتێ فره‌نسا كو د ئه‌ڤێ نامێ دا هات بوو دیاركرن كو ئه‌ڤ فروكه‌ دێ هێنه‌ بكارئینانان ژلایێ هێزێن عیراقى ڤه‌ ژ بو مه‌ره‌ما بومبه‌بارانكرنا گه‌له‌كێ بێ ده‌ستهه‌لات كو تاوانا وان بتنێ ئه‌وه‌ داخازا مافێن خو دكه‌ن ، پاشان وه‌لاتێ فره‌نسا ئێكسه‌ر بریار دا كو ب هیچ شێوه‌یه‌كى فروكه‌یان نه‌ فروشیته‌ وه‌لاتێ عیراقێ ، هه‌ردیسان رولێ هه‌ڤژینا سه‌روكێ فره‌نسا  یێ وى ده‌مى (دانیال میتران) یا كو بناڤ و ده‌نگ ب ناسناڤێ (دایكا كوردان) پالپشتى و پشته‌ڤانیه‌كا بێ سنور ئاراسته‌ى گه‌لێ كورد كر ، وه‌لاتێ فره‌نسا روله‌كێ ئێكجار مه‌زن هه‌بوو یه‌ د ده‌ركرنا بریارا ژماره‌ 688 ل سالا 1991 یا ئه‌نجومه‌نێ ئاسایشا نیڤده‌وله‌تى ژ بو دروستكرنا ناوچه‌یه‌كا ئارام و دژه‌ فرین ژ بو هاولاتیێن هه‌رێما كوردستانێ ، هه‌روه‌سان د ئێكه‌م كومبونا په‌رلەمانێ كوردستانێ ل سالا 1992 ل هه‌ولێرا پایته‌خت (دانیال میتران) ئاماده‌بوو و دووباره‌ پشته‌ڤانیا خو ژ بو هه‌رێما كوردستانێ دووپاتكر ، لده‌ما په‌یدابونا گروپێ تیرورستى یێ ده‌وله‌تا ئیسلامى ل عیراق و شام داعش ل سالا 2014 رولێ وه‌لاتێ فره‌نسا گه‌له‌ك باش بوویه‌ د روى ب روى بونا ئه‌ڤى گروپێ تیرورستى ، هه‌ردیسان پشته‌ڤانیا هێزێن پێشمه‌رگه‌یێن كوردستانێ كریه‌ ب هه‌مى لایه‌كى ڤه‌ ، پشتى ئابلوقه‌یێن جوراوجور لسه‌ر هه‌رێما كوردستانێ هاتینه‌ سه‌پاندن ژلایێ وه‌لاتێ عیراقێ ڤه‌ ب بیانویا ریفراندوما سه‌ربه‌خویا هه‌رێما كوردستانێ ل سالا 2018  وه‌لاتێ فره‌نسا سه‌روك وه‌زیرێن هه‌رێما كوردستانێ یێ وى ده‌مى (نێچیرڤان بارزانى) بانگهێشتى پاریسێ كر ژ بو چاره‌سه‌ركرنا ئاریشه‌یێن دناڤبه‌را هه‌ولێر و به‌غدا دا ، پاش هه‌لبژارتنا سه‌روكێ نوى یێ هه‌رێما كوردستانێ (نێچیرڤان بارزانى) ل 28 ى گولانا سالا 2019 ، ب ئاوایه‌كێ فه‌رمى هاته‌ داخازكرن ژلایێ سه‌روكێ فره‌نسا (ئیمانوێل كانت) و ل 10 ى تیرمه‌ها 2019 هاته‌ پێشوازیكرن ل كوچكا ئه‌لیزێ ب دانانا ئالایێ هه‌رێما كوردستانێ ب ترومبێل و جهێ كومبونێ دا ، ئێكسه‌ر ب ئاوایه‌كێ رون و ئاشكه‌را وێنه‌یێ دوپاتیا په‌یوه‌ندیێن هه‌رێما كوردستانێ د گه‌ل وه‌لاتێ فره‌نسا بو مه‌ دهێته‌ پێش كو ئه‌ڤ په‌یوه‌ندیه‌ دبه‌رده‌وامن و د پێشڤه‌برن و گه‌شه‌كرنێ دایه‌ ، له‌وران كاروانێ سه‌روكێ هه‌رێما كوردستانێ (نێچیرڤان بارزانى) د بهێزكرنا پێگه‌هێ هه‌رێما كوردستانێ ل مه‌یدانا نیڤده‌وله‌تى د به‌رده‌وام بوونێ دایه‌ .





ئەم هەواڵە 2596جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad