English | عربی | Kurdî دواهەواڵ
ڕاستەوخۆ  
 
پاریس جوداتره‌
2019-07-19 [08:12 AM]

نڤیسینا : كارزان فه‌قى


پاریس، ئه‌و پایته‌ختا كو جوداتر ژ هه‌موو پایته‌ختێن دى یێن ئه‌وروپا ژبۆ راسته‌ڤه‌كرنا شاشیێن خوه‌ یێن دژى كوردان خه‌باتێ دكه‌ت، هه‌رچه‌نده‌ پشكدارى سایكس پیكۆ بوویه‌ و برینه‌كا سه‌د سالى ددلێ كوردان دروست كریه‌، لێ نها ره‌وش جوداتره‌ و خوه‌دى هه‌لوه‌سته‌كا جوانه‌ ل هه‌مبه‌رى هه‌رێما كوردستانێ، نه‌ ژمێژه‌ و پشتى ئكتۆبه‌را 2017 ب هه‌لوێستێن خوه‌ گه‌له‌ك ژ دۆرپێچێن سه‌ر هه‌ولێرێ راكرن و په‌یاما وان ل وى ده‌مى ژى، نه‌ ژ بۆ به‌غدایێ ب تنێ بوو، به‌لكو په‌یامه‌ك بوو بۆ هه‌موو وان وه‌لاتان گه‌ف ل هه‌رێما كوردستانێ دكرن، دیرۆكا ڤێ په‌یوه‌ندیا هه‌ولێرێ ل گه‌ل پاریسێ ب گه‌له‌ك قوناغان ده‌ربازبوویه‌، لێ ل سه‌رده‌مێ نێچیرڤان بارزانى ده‌ما سه‌رۆكێ حكومه‌تێ بوو، ئه‌و په‌یوه‌ندى گه‌هشتیه‌ گۆپیتكێ و شیایه‌ هه‌رێما كوردستانێ ژ گه‌له‌ك گه‌فان ب پارێزیت، كێم وه‌لاتێن ئه‌وروپى هه‌نه‌ كو ددیرۆكا خوه‌ داگیركارێن وه‌لاتێن رۆژهه‌لاتا ناڤێن بووینه‌ و سته‌م ل كوردان نه‌كرین، یان هه‌ر چ نه‌بیت، ل هه‌مبه‌ر وان سته‌مێن ل گه‌لێ كوردستانێ هاتینه‌ كرن، بێ ده‌نگى هه‌لبژارتینه‌ـ بێگومان ل ده‌ڤ كوردان ژى، بێ ده‌نگى ب واتایا رازیبوونێ دهێـت، لێ ئه‌وێ كو سه‌ره‌ره‌ى بێ ده‌نگى و سته‌ما ل كوردان كرى و نها دۆست و هه‌ڤال و هه‌ڤكاره‌، فه‌ره‌نسایه‌، ل ته‌نشت وێ ژى هه‌موو وه‌لاتێن دى یێن رۆژئاڤا باس ل وێ دۆستانى و پشته‌ڤانیا خوه‌ ل گه‌ل هه‌رێما كوردستانێ دكه‌ن، لێ گرنگه‌ بزانین ئه‌و جوداهیا فه‌رەنسا ل گه‌ل وه‌لاتێن‌ دى هه‌ى ل هه‌مبه‌ر هه‌رێما كوردستانێ چیه‌؟ ب سه‌دان رێكخراوێن جیهانێ ل هه‌رێما كوردستانێ هه‌نه‌ و ب پرۆژه‌یێن خوه‌ كێمه‌ك بارگرانیا ل سه‌ر حكومه‌تا هه‌رێما د سالێن قه‌یران و هاتنا ئاواره‌ و په‌نابه‌ران سڤك كرینه‌، ئه‌ڤ كارێن مرۆڤى ل ده‌ڤ پتریا وه‌لاتان دهێته‌ دیتن، لێ فەرەنسا تشته‌كى زێده‌تر ژ وان وه‌لاتان بۆ هه‌رێما كوردستانێ دكه‌ت، ئه‌وژى ل ده‌ما مه‌ترسیا ل سه‌ر ئێمناهى و قه‌واره‌یا سیاسى یا هه‌رێما كوردستانێ هه‌ى، خوه‌ لێ كریه‌ خوه‌دان و سه‌رۆكێ حكومه‌تا وى ده‌مى نێچیرڤان بارزانى ژ بۆ پاریسێ بانگهێشت كریه‌، نها نێچیرڤان بارزانى د پۆسته‌كێ نوو دایه‌ و سه‌رۆكێ هه‌رێما كوردستانێ یه‌، كه‌واته‌  ئه‌و نوونه‌رێ سیاسیێ ڤێ قه‌واره‌یا هه‌رێمێ یه‌، كۆمبوونا وى ل گه‌ل ئیمانوێل ماكرۆن سه‌رۆكێ فه‌ره‌نسا ل كۆچكا ئیلێزى و گه‌نگه‌شه‌كرن ل سه‌ر پرسێن پشتى ریفراندۆما هه‌رێما كوردستانێ بۆ ده‌ما پتر ژ ده‌مژمێره‌كى، ئاماژه‌یێن هندێنه‌ كو هه‌رێما كوردستانێ ژ بۆ ئێمناهیا ڤێ ده‌ڤه‌رێ گرنگه‌ و ئه‌وروپا پێدڤى ب وێ هه‌یه‌، نێچیرڤان بارزانى ژى د گۆتنه‌كا خوه‌دا ل فه‌رەنسا ئه‌ڤ یه‌ك دۆپاتكر و راگه‌هاند: هه‌رێما هه‌موو ده‌ما دێ عاملێ ئاشتى و ئارامیێ بیت ل ده‌ڤه‌رێ.





ئەم هەواڵە 2542جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad