English | عربی | Kurdî دواهەواڵ
ڕاستەوخۆ  
 
ئه‌و سه‌ركرده‌یێ فره‌نسا كریه‌ دۆست..
2019-07-20 [07:56 AM]

نڤیسینا : ئیسكان ره‌مه‌زان


هه‌رێما كودرستانێ ل ته‌مه‌نێ مێژویا حوكمرانیا خوه‌دا و ب تایبه‌ت ل سه‌ر ده‌ستێ نیچیرڤان بارزانى هه‌موو پێنگاف هاڤێتینه‌ ژبۆى په‌یداكرنا په‌یوه‌ندێن بهێز دگه‌ل وه‌لاتێن زلهێزدا، ئه‌گه‌ر ئیرۆ ته‌ماشه‌ى هه‌رێما كوردستانێ بكه‌ى دێ بینى ب ده‌هان كونسلخانه‌ ل هه‌رێما كوردستانێ هاتینه‌ ڤه‌كرن ئه‌ڤه‌ژى نیشانا وێ خه‌مخوریا حكومه‌تا هه‌رێما كوردستانێ یه‌ هه‌مبه‌رى وه‌لاتێ خوه‌ ژبۆ گه‌شه‌كرنا ئابورێ هه‌رێما كوردستانێ و ده‌ربازبوونا هه‌موو قه‌یرانێت ئابورى ب رێیێن دبلوماسى ل بشتى بویه‌رێن 16 ى ئه‌كتوبه‌رێ دا خه‌لكێ هه‌رێما كوردستانێ دبێ ئومێدیه‌كا مه‌زن دا دژیا چنكی‌ هێرشێن حه‌شدا شه‌عبى به‌رده‌وام ببوون ل سه‌ر ئاخا هه‌رێما كوردستانێ و دورپێچێن ئابورى لسه‌ر هه‌رێما كوردستانێ هه‌بون و فروكه‌خانه‌یا نیڤده‌وله‌تى هه‌ولێر و سلیمانیێ هاتبوونه‌ راگرتن ژئالیێ به‌غدایێ ڤه‌ و مه‌رجێن حكومه‌تا به‌غدایێ زور توندبوون لسه‌ر هه‌رێما كوردستانێ و ژئالیه‌كێ دنڤه‌ژى لێدوانێت ئوپزسیۆنا لایه‌نێت سیاسى و را‌یا خه‌لكى لاوازدكرن لسه‌ر ئه‌نجامێت رێفراندوما هه‌رێما كوردستانێ لێ ده‌رگه‌هه‌ك ژنشكاڤه‌كێ ڤه‌ هات ڤه‌كرن كو دلێ هه‌ركوردستانیه‌كى گه‌ش كر ئه‌و ده‌رگه‌هـ ژى فه‌ره‌نسا بوو كو لسه‌ر داخازا وه‌لاتێ فەره‌نسا نێچیرڤان بارزانى هاته‌ داخازكرن كو ب رێیا هشكاتیێ چوو تاكو گه‌هشتیه‌ وه‌لاتێ توركیا ژبوى بده‌ستڤه‌ئینانا مافه‌كى ژبوى وه‌رگرتنا گرنتیه‌كى بۆ مانا هه‌رێما كوردستانێ د جوگراڤیا عیراقێ دا چنكی‌ ل وى سه‌رده‌مى دا ده‌ستهه‌لاتدارێن به‌غدایێ د هنده‌ك لێدوانێت راگه‌هاندنێ دا دانه‌ دیاركرن كو ئیدى هه‌رێمه‌ك نینه‌ ل جوگرافیا عیراقێ بنافێ كوردستان لێ چوونا نیچیرڤان بارزانى بۆ فەره‌نسا كو ژلایێ ئیمانوێل ماكرون ڤه‌ هاتیه‌ پێشوازى كرن و دكونگره‌كێ روژنامه‌ڤانى دا وه‌لاتێ فه‌رنسا پشته‌ڤانیا خوه‌ بۆ هه‌رێما كوردستانێ دا دیاركرن كو ئه‌و هێرشێن حكومه‌تا به‌غدایێ دكه‌ته‌ سه‌ر هه‌رێما كوردستانێ پێشه‌ل كاریه‌  هه‌مبه‌رى ده‌ستورێ عیراقێ و گوت دڤێت ب رێین دوبلوماسى عیراقى كێشه‌ێن خوه‌ دگه‌ل هه‌ولێرێ چاره‌سه‌ربكه‌تن ل وى ده‌مى دا ئه‌ف گوتاره‌ هه‌واله‌كێ هه‌ره‌ دلخوشبوو بۆ هه‌ر تاكه‌كى كوردستانى كو خوزى و ئاواتێن وى ئه‌وبن لبن زولم و زۆرداریه‌تا پۆستالێن شوڤینیان نه‌ژیتن یا گرنگه‌ كو ئه‌م كوردستانێت هه‌رێما كوردستانێ رولێ وه‌لاتێ فه‌رەنسا به‌رچاف وه‌ربگرین و لڤێ داویێ دا ژى چوونا نێچیرڤان بارزانى بۆ پاریس زۆر یا گرنگ بوو بۆ گه‌شه‌كرنا ئابورێ هه‌رێما كوردستانێ كو هاتیه‌ دیاركرن دڤان نیزیكاندا دێ  هند پروتۆكۆلێن ئابورى هێنه‌ ئیمزا كرن دنافبه‌را شاره‌وانیا پاریس ل فه‌ره‌نسادا و پارێزگه‌ها هه‌ولێرێ دا، ئه‌ڤ ئیك ژى پێنگاڤه‌كا هه‌ره‌باش بوو خۆشكرنا ژین وژیارا هاولاتیێن هه‌رێما كوردستانێ چنكی‌ د حكومه‌تا نوو یا هه‌رێما كوردستانێ خه‌لكێ هه‌رێما كوردستانێ چاڤه‌رێیه‌ و گه‌شبینه‌ كو هه‌رێما كوردستانێ دێ داویێ ب هه‌موو وان قه‌یرانێت ئابورى ئینیتن و دێ كاركه‌تن ژبۆى خوشگوزه‌رانیا خه‌لكێ كوردستانێ چنكی دچار سالێن شه‌رێ دژى تیرۆرێ دا خه‌لكێ هه‌رێما كوردستانێ دبارودۆخه‌كێ هه‌ره‌ دژوارێ ئابورى دا ژیان ده‌ربازكرن، ئیروژى دباوه‌ریا كوردستانیا دا دایه‌ كو كابینه‌یا نوویا هه‌رێما كوردستانێ دێ هه‌موو هه‌ول و بزاڤان ئێخیته‌ كارى ژبۆى چاره‌سه‌ركرنا وان هه‌موو پرسگرێكان ئه‌وێن دناڤبه‌را حكومه‌تا به‌غدایێ و هه‌ولێرێ دا ماینه‌ هه‌لاویستى.





ئەم هەواڵە 1207جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad