English | عربی | Kurdî دواهەواڵ
ڕاستەوخۆ  
 
مەسرور بارزانی پرسەنامەیەک ئاراستەی بنەماڵە فه‌رید زامدار ده‌كات
2019-07-22 [06:40 AM]

ZNA- هه‌ولێر


مەسرور بارزانی، سەرۆکی حکوومەتی هەرێمی کوردستان، بەهۆی کۆچی دوایی فەرید زامدار، نووسەر و رۆژنامەنووس، پرسەنامەیەکی ئاراستەی بنەماڵە و هاوڕێ و دۆستانی کۆچکردوو کرد.

لە پرسەنامەکەی سەرۆکی حکوومەت هاتووە: "بەداخەوە هەواڵی کۆچی دوایی نووسەر و راگەیەندنکاری ناسراوی کوردستان فەرید زامدار مان بیست".

سەرۆکی حکوومەتی هەرێمی کوردستان پرسە وسەرەخۆشی خۆی ئاراستەی بنەماڵە و هاوڕێ و دۆستانی کۆچکردوو کردووە و لە پرسەنامەکە دەڵێت: "مامۆستا فەرید زامدار نووسەرێکی نیشتمانپەروەریی بە هەڵوێست بوو. خوای مەزن بە بەهەشتی  شاد بکات و ئارامی ودڵنەواییش بە کەسوکاری ببەخشێت".

زامدار لە ساڵی 1952 لە شاری هەولێر لەدایکبووە، یەکێک بوو لە رۆژنامەنووسە ناسراوەکانی کوردستان و لەماوەی ساڵانی 2004 بۆ 2006 سەرۆکی نووسینگەی سلێمانی یەکێتی رۆژنامەنووسانی کوردستان بووە.

جگە لە نووسینەکانی، چەندین دیوانی شیعری هەر لە شەستەکانی سەدەی رابردووەوە تاکو ئێستا بە چاپ گەیاندبوو لەوانەش: هەوری برووسکەی مەبەستێک، ژوانی سێبەر، بێ ناونیشان و چەندینیتر.

له‌ بواری رۆژنامه‌وانیشدا كاری كردووه‌ و ئه‌ندامی یه‌كێتیی نووسه‌رانی كورد بوو، چەندین وتار و كاری رۆژنامەوانی لە رۆژنامە و گۆڤارەكان بڵاوكردووەتەوە، هه‌روه‌ها لەبواری هونه‌رییەوە شێوه‌كارێكی لێھاتوو بوو‌.





ئەم هەواڵە 3988جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad