English | عربی | Kurdî دواهەواڵ
ڕاستەوخۆ  
 
ئه‌و حزبا به‌حرێ‌ ب ده‌رزیكێ‌ دكۆلیت
2019-07-22 [06:59 AM]

نڤیسینا : شێرزاد نایف


یێ‌ ته‌ماشه‌ی نه‌خشه‌یا وه‌لاتێ‌ توركیا بكه‌ت و یا هه‌رێما كوردستانێ‌ و به‌راوردیه‌كێ‌ دروست بكه‌ت، دێ‌ جوداهیه‌كا مه‌زن بینیت ژ لایێ‌ رووبه‌ری و قه‌باره‌ی ڤه‌، هه‌تا كو مه‌ كوردێن كوردستانا عیراقێ‌ باشۆرێ‌ كوردستانا مه‌زن ـ باكۆرێ‌ عیراقێ‌، هه‌رێما كوردستانا عیراقێ‌ ...هتد، هه‌تا كو مه‌ بنێن هاونان كۆنكرین و ب خوینا گه‌نجان و قوربانیان، جینۆساید و ته‌په‌سه‌ری، ئه‌م ب زۆری گه‌هشتینه‌ ڤێ‌ قووناغا نها بێهن هه‌لكێشانه‌كا بچووك مه‌ ڤه‌دایی، ئه‌ڤرۆ ژ نوو برایێن په‌كه‌كێ‌ یێن هاتین دێ‌ ڤێ‌ ئه‌زمۆنێ‌ ژی ل مه‌ تێكده‌ن، پشتی كو ره‌وشا مه‌ بۆ هه‌یامه‌كێ‌ دكه‌ڤیته‌ سه‌ر سكه‌ی به‌ر ب ئارامیێ‌ و به‌رقه‌راریا سیاسی و ئابووی ڤه‌ دچیت، یا دیاره‌ كو چه‌ندین بزاڤێن تێكدانا هه‌رێمێ‌ هاتینه‌كرن، نه‌مازه‌ پشتی ره‌هه‌ندێن پرۆسا ریفراندۆمێ‌ و فۆبیایا وێ‌ ل سه‌ر گه‌له‌ك وه‌لاتێن دەوروبه‌ر، گه‌له‌ك خه‌وارزمیه‌ت هه‌نه‌ كو توركیا ده‌ستێوه‌ردانێ د هه‌رێما مه‌ دا بكه‌ت، نه‌مازه‌ نها دۆخێ‌ نیڤده‌وله‌تی جیهانی و ده‌ڤه‌را مه‌ یێ‌ هه‌ستیاره‌، بگروڤه‌كێشێن ئه‌مریكا و ئیرانێ‌ و شه‌ره‌كێ‌ چاڤه‌رێكری د ئارا دایه‌، فۆكسا هه‌می جیهانێ‌ یا ل سه‌ر ڤێ‌ سێگۆشا گه‌رم، ب ئه‌گه‌رێ‌ وه‌رگرتنا سیسته‌مێ‌ دژه‌مۆشه‌كا s400 یا رۆسی ل ده‌ف توركیا، ئێدی به‌لانسا ئه‌مریكا گه‌هاندیه‌ رادەیه‌كێ‌ نێگه‌تیڤ كو چو دیرۆكا ب ڤی رادی دژوارتر نه‌بوویه‌، نه‌دووره‌ ئه‌ردێ‌ مه‌ بكه‌نه‌ گۆره‌پانا حنگ و ده‌نگێن شه‌رێ‌ خوه‌، ئه‌ڤجا بژاره‌یا په‌كه‌كێ‌ بۆ توركیا باشترین بهانه‌یه‌ كو ده‌ستێ‌ خوه‌ بدانیته‌ سه‌ر ده‌ڤه‌را مه‌ یا ئارام و هه‌موو به‌لانسان بۆ مه‌ تێكبده‌ت، مه‌ دیت مژارا تیرۆكرنا تیرۆركرنا وی به‌رپرسێ‌ كونسلخانا توركیا ل هه‌ولێر، هه‌تا ره‌نگڤه‌دانا وێ‌ ل ترابزۆنێ‌ ده‌ركه‌فتی و ئه‌و گه‌شتیارێن هه‌رێمێ‌ ئێشاندین، ئه‌و میناكه‌كا بچووكه‌ وه‌كو چریسكه‌كێ‌ كو گه‌له‌ك بۆیه‌رێن وه‌سا رووبده‌ن، ئه‌ڤجا ئه‌و بۆیه‌ر دا گه‌له‌كا مه‌ترسیدار بیت ل سه‌ر مه‌ هه‌كه‌ بزاڤ و هه‌ولێن سه‌رۆكێ‌ هه‌رێمێ‌ نێچیرڤان بارزانی نه‌بان و ئه‌و په‌یاما حه‌كیمانه‌ یا حوكمه‌تا هه‌رێمێ‌، دبیت دا سه‌رشه‌قێن وی ل هه‌مبه‌ری مه‌ یا تیژ و دژوار بیت، هه‌روه‌كو هه‌موو جارێن دی ژی، تێچوونا ئه‌زمۆنا هه‌رێما مه‌ و ئارامیا مه‌ و قه‌یرانێن ل سه‌ر مه‌ ب سیاسه‌تا خوه‌ یا نه‌رم، ده‌ڤێن هه‌می لایه‌نێن هار دگرتن، هه‌تا كو ئه‌م گه‌هاندینه‌ لۆتكه‌یا بێهنفه‌رهێی، هه‌موو بهانه‌ و هه‌جه‌ت ل مه‌ گرتن نه‌شیان، حوكمه‌تا كوردی ژناڤببه‌ن، به‌لێ‌ په‌كه‌كه‌ یا بوویه‌ دووماهی بهانه‌ كو شلقێن وێرانكار ل مه‌ بده‌ن، یا باش هه‌موو خه‌لكێ‌ مه‌ ڤێ‌ ئێكێ‌ بزانیت، هه‌كه‌ ل تێلا هه‌ستیار یا نه‌ته‌وبوونێ‌ بده‌ن، دبێژن بلا دلێن مه‌ و عاتیفه‌ و دلۆڤانیا مه‌، ل سه‌ر مێشكی و حیكمه‌تێ‌ ب ئه‌قل زال نه‌بیت، بلا عاتیفه‌ و دلۆڤانیبرن نه‌بیته‌ كه‌یسه‌ك بۆ بۆراندنا حه‌زێن دوژمنێن مه‌، چونكو پشتی ئه‌وان هه‌موو رێ ل مه‌ تاقیكرین بۆ وان دیاربوو كو ب رێیا لێدانا هه‌ستا مه‌ یا دلۆڤانی بده‌ن. دیمه‌نه‌كی ل پێشچاڤێن هه‌ڤوه‌لاتیێن هه‌رێمێ‌ دروست بكه‌ن شێلی بكه‌ن، هه‌كه‌ نه‌ بۆچی په‌كه‌كه‌ نه‌شیایه‌ هه‌تا نها نیڤ گونده‌كێ‌ كوردستانا باكۆر بگرن، هه‌كه‌ ب ڤی ره‌نگی بكه‌ن، ئه‌و یێن دێ‌ سه‌رو ژنوی به‌حره‌كێ‌ ب ده‌رزیكێ‌ كۆلن!!. پا ئه‌ڤه‌ هنده‌ 
ساله‌ چ دكرن د چه‌لوچیا را؟!.





ئەم هەواڵە 2383جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad