English | عربی | Kurdî دواهەواڵ
ڕاستەوخۆ  
 
رێگری لە ھاتنەناوەوەی مەوادی زیان بەخش دەکرێت
2019-07-22 [11:16 AM]

ZNA - هه‌ولێر


 

له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌اڵی زاگرۆس هاتووه‌، قایمقامی سلێمانی رایگه‌یاند، لە دەروازەو خاڵە سنورییەکانی پارێزگای سلێمانی مەرجەکانی سەلامەتی و پشکنین توندتر دەکرێنەوە و رێگری تەواو لەھاتنەناوەوەی ھەموو جۆرەکانی کاڵا و خواردنی  زیان بەخش بەتایبەت ماددە پلاستیکیەکان دەکرێت ,

ئەمڕۆ دووشەممە لەدیوانی قائیمقامیەتی سلێمانی و بە ئامادەبونی سەرجەم لایەنە پەیوەندیداەکان کۆبوونەوە یەکی فراوان بەسەر پەرشتی ئاوات محەمەد قائیمقامی سلێمانی بەڕێوەچوو , ئامانج لە کۆبوونەوەکە توندکردنی رێوشوێنەکانی پشکنین و مەرجەکانی سەلامەتی و ئەو رێکارە یاسایانەیە  کە لە دەروازەو خاڵە سنورییەکان لەکاتی ھاتنەناوەی کاڵاو شتومەک دەگیرێتەبەر ,

ئاوات محەمەد قائیمقامی سلێمانی رایگەیاند: ھاتنەناوەی ھەندێک مەوادی زیان بەخش وەک "پلاستیک و نایلۆن" زیان بە ژینگەو تەندروستی ھاوڵاتیان دەگەیەنێت و پێویستە بەر لە ھاتنەناوەی ئەو مەوادانە لە خاڵە سنورییەکانی رێگری لێبکرێت , ئاماژەی بۆ ئەوەشکرد دەبێت رێکار و رێشوێنەکانی پشکنین توندتر بکرێنەوە و  رێگری لە ھەموو ئەو مەواد و کاڵایانە بکرێت کە دەبێتە ھۆی زیان گەیاندن بە تەندروستی ھاوڵاتیان , قائیمقامی سلێمانی راشیگەیاند: لەپاڵ توندکردنی مەرجەکانی سەلامەتی و کوالێتی ئەو مەوادانەی کە دێنەھەرێمی کوردستان بۆ بوژانەوەی کەرتی ئابوری و زیادبونی جموجوڵە بازرگانییەکان کارئاسانی و ھەماھەنگی پێویست پێشکەشی بازرگان و سەرمایەداران دەکرێت, دوای تاوتوێکردنی ھەموو ئەولایەنانەی کە پەیوەستن بە مامەڵەی خاڵە سنورییەکان و ھاوردەکردنی کاڵاوشتومەک و گۆڕینەوەی راوسەرنجی لایەنەپەیوەندیدارەکان , بەشداربوانی کۆبوونەوەکە گەیشتنە ئەم ئەنجامەی خوارەوە :

١.لە دەروازەوخاڵە سنورییەکان رێگری تەواو لە ھاتنەناوەوەی ھەموو جۆرە کاڵاو شتومەکێکی زیان بەخش بکرێت بە تایبەت "پلاستیک و نایلۆن" ی زیان بەخش

٢.ئەو مەوادە پلاستیک و نایلۆنانە کە لە خاڵە سنورییەکانەوە ھاوردە دەکرێت پێویستە مەرجەکانی کوالیتی کۆنتڕۆڵی تێدا بێت,

٣.رێکاری و مەرجەکانی پشکنین لە خاڵە سنورییەکان توندتر بکرێنەوە بە ئامانجی پاراستنی تەندروستی ھاوڵاتیان

٤. لە چوارچێوەی یاساو رێنماییەکان لە خاڵە سنورییەکان ھاوکاری و کارئاسانی پێویست پێشکەش بە بازرگان و سەرمایەدارەکان بکرێت

٥.لایەنەپەیوەندیدارەکان لە ھەماھەنگی و پەیوەندی بەردەوامدا دەبن بۆ ئەوەی گرفت و کەموکورتییەکان دەست بەجێ چارەسەر بکرێن .

٦.ئەو کارگانەی کە لەناوخۆی پارێزگای سلێمانی "سەتڵی پلاستیک" دروست دەکەن پابەند دەکرێن بە مەرجەکانی کواڵیتی و تەندروستی ھەر کارگەیەک مۆڵەتی نەبێت یان مەوادی زیان بەخش بەرھەم بھێنێت رووبەڕووی سزای توند دەبێتەوە.

٦.پێویستە کارگەکانی ئاوی خواردنەوە ئەو دەبانەی کە بەکاری دەھێنن  لەمەوادی سەرەتایی دروست بکرێن و مەوادی ریسایکلین نەبن  لەکانی گواستنەوەشدا داپۆشراوبێت و لە بەر تیشکی خۆر نەگوازرێنەوە .

 

 





ئەم هەواڵە 3751جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad