English | عربی | Kurdî دواهەواڵ
ڕاستەوخۆ  
 
پرسەنامەی سەندیکای هونەرمەندانی کوردستان بۆ کۆچی دوایی فەرید زامدار
2019-07-22 [01:10 AM]

هەولێر - ZNA 


سەندیکای هونەرمەندانی کوردستان، پرسەنامەیەکی بۆ کۆچی دوایی شاعیر، هونەرمەند و شێوەکار فەرید زامدار بڵاوکردەوە.

 

هیوا سوعاد سەرۆکی لقی هەولێری یەکێتیی هونەرمەندانی کوردستان لە پرسەنامەکەدا نووسیوەتی: بەهۆی کۆچی دوایی نووسەر، شاعیر و ‌پێشمەرگە فەرید زامدار، بە ناوی لقی هەولێری سەندیکای هونەرمەندانی کوردستان پرسەو سەرەخۆشی خۆمان ئاراستەی بنەماڵەکەیان دەکەین و جێگەی بەهەشتبێ و خوای دلۆڤان سەبووری هەموو لایەک بدات.

 

ئەمڕۆ دووشەممە 22ـی7ـی 2019 یەکەم رۆژی پرسەکەیەتی لە مزگەوتی ئەبووبەکری سدیق لە هەولێر.

 

فەرید زامدار شەوی دوێنی یەکشەممە بەهۆی نەخۆشییەکی درێژخایەنەوە لە تەمەنی67  ساڵیدا ماڵئاوایی لە ژیان کرد.

 

فەرید زامدار، لە ١٩٥٢ لە هەولێر لە دایکبووە و لە ساڵی ١٩٧١ـەوە سەرقاڵی نووسین بووە، لە نێوان ساڵانی 1982_1983 لە شاخ لێپرسراوی چاپخانەی بزووتنەوەی سۆشیالیستی كوردستان و یەكێتی شۆڕشگێڕانی كوردستان بووە.

 

ماوەی چەندین ساڵ ئەندامی مەكتەبی ناوەندی راگەیاندنی یەكێتی نیشتمانی كوردستان بووە و لە وەزارەتی رۆشنبیری راوێژكار بووە.

 

زامدار چەندین کتێبی چاپکراوی هەیە کە زۆربەیان شیعرن و لە بواری هونەری شێوەکاریشدا خاوەن چەندین تابلۆیە.

 





ئەم هەواڵە 2083جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad