English | عربی | Kurdî دواهەواڵ
ڕاستەوخۆ  
 
شاندێكی سه‌ربازی باڵای ئەمەریکا لەگەڵ هه‌سه‌ده‌ كۆبوونه‌وه‌
2019-07-22 [03:43 AM]

ZNA - هه‌ولێر


 

جەنەڕاڵ کێنث مەککەنزی فەرماندەی گشتی فەرماندەیەتی ناوەندی سوپای ئەمەریکا و شاندی یاوەری كه‌ باڵیۆز ولیەم ڕۆبەک جێگری نێردراوی ئەمەریکا بۆ هاوپەیمانێتی نێودەوڵەتی شەڕی دژی داعش ئاماده‌بوو، سەردانی ناوچەکانی باکوری سوریایان کرد و لەوێ لەگەڵ مەزڵوم عەبدی فەرماندەی گشتی هێزەکانی سوریای دیموکرات کۆبوونەوە.

بەپـێی ڕاگەیاندنی هێزەکانی سوریای دیموکرات، تەوەرەکانی کۆبوونەوەکە، بریتی بوو لە گرژیـیەکانی سەر سنووری نێوان باکوری سوریا و تورکیا لەگەڵ چۆنیەتی چارەسەرکردنی، هەروەها پـلان و هەماهەنگیـیەکانی نێوان هەسەدە و هێزەکانی نێودەوڵەتی بۆ ڕووبەڕووبوونەوەی پاشماوەکانی داعش، کێشە و گرفتی کەمپەکان و دیلەکانی داعش لەلای هەسەدە.

دوای كۆبوونه‌وه‌كه‌ ،مەزڵوم عەبدی رایگه‌یاند، هەردوولا لەسەر زۆربەی بابەتەکان تێڕوانینی هاوبەشیان هەبووە.

مستەفا بالی بەڕێوەبەری بەشی ڕاگەیاندنی هەسەدە ئەویش لەسەر تویتەرەکەی نووسیویەتی "جەنەڕاڵ عەبدی: لە کۆبوونەوەکە تاووتوێی کۆمەڵێک مەسەلە کراون، لەوانە ئەو ناوچە ئارامەی پـێشنیارکراوە، هاوکاری داهاتووی نێوان هێزەکانی سوریای دیموکرات و هاوپەیمانێتی نێودەوڵەتی، دۆخی جیهادیـیەکان (چەکدارە دەستگیرکراوەکانی داعش) و خێزانەکانیان."

 

voa





ئەم هەواڵە 4060جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad