English | عربی | Kurdî دواهەواڵ
ڕاستەوخۆ  
 
شەری، بۆ مەیدانا شەری ڤەگوهێزن
2019-07-23 [05:50 AM]

نڤیسینا : سەعد مەلا مکایل


باشورێ کوردستانێ د دیرۆکا خوەی بزاڤا رزگاریخوازیا گەلێ کورد؛ دگەل شەڕ و بەرخودانێ هەردەم دگەل ئاشتی و دانوستاندنێ بوویە، راستە هێڤێنا ئازادیا مە ل باشوور ب شۆڕەش و بەرخودانێ هاتیە هۆلێ. لێ هەردەم سەرکرداتیا کوردستانێ دگەل ئاشتی و دانوستاندنێ بوونە و دژی شەڕکردنێ داخویانی دانە. و تا نۆکە د دیرۆکی دا چجارا سەرکرداتیا باشورێ کوردستانێ چڤین و دانوستاندن رەفز نەکریە، ئانکو شەڕ و پەڤچوون ب دووماهیک چارەسەریا خوە دیتیە و پاشی دەست بۆ بریە. بۆ نمونە دێ داخویانیەکا جەنابێ سەرۆک بارزانی ئینم د وەختێ خوە دا گۆت ،،دەهان سالێن دانوستاندنێ ب باشتر دبینم ژ ئێک دەمژمێرا شەرکرنێ ،، .
پشتی دامەزراندنا حکومەتا هەرێما کوردستانێ و، نەخاسمە پشتی ژ ناڤچونا رژیما بەعس و، دامەزراندنا دەولەتا عیراقا فدرالی، قۆناغەکا نوو ژ پەیوەندیان دروست بوو، هێڤێنا وێ پەیوەندیێ ژی دانوستاندن و دانانا بەرێ بنیاتێ دبلۆماسیەت و علاقەتان بوو دگەل حکومەتا ناڤەندی و وەلاتێن دەردۆر. ئەندازیارێ پێکڤەژیان و ئاشتیێ نێچیرڤان بارزانی چ وەکی کەساتیا خوەی مەقبوول و نەرم و ئاشتی خواز و خوەدی دبلۆماسیەت و ب باندۆر ژلایەکی و ب سیفەتا سەرۆکێ حکومەتێن ئێک لدویف ئێک وی دەمی، بەرێ بنیاتێ دگەل وەلاتێن دەردۆر و حزبێن کوردی دانا، بوو ئەگەرێ لێک نێزیکبوونا پارت و ئالیێن سیاسی و جهێ باوەریا پارتان.
وەلێ هند ئالی ب ڤێ  پێنگاڤی بهێن تەنگ بوون و پێلا دوژمن کاریێ د بەرگێ براتیێ هاڤیتن. و ل دژی بەرژەوەدیێن هەرێما کوردستانێ دەرکەتن و هەتا ئیرۆژی بەردەوامن. ژ بۆی دیرۆکێ ببێژین پارتی دیموکراتی کوردستان گەلەک بهێن درێژ بوویە ل هەمبەری وان لایەنان و نەخاسمە بەرامبەر پارتا کارکەرێن کوردستانێ. کو بۆ چەندێن سالانە بەشەکە بەرچاڤ ژ ئاخا پارێزگەها دهۆکێ و دەڤەرا بەهدینان هەر ژ ناڤچەیێن ،، ئامێدی و، ئەترووش و، دهۆک و، زاخۆ و شنگال ...،، گرتیە و تێدا ل بەرژەوەندیێن هەرێما کوردستانێ ددەن. هەردیسان بوینە بەهانەکە باش ب دەستێ دوژمنێ مللەتێ کورد تورکێن فاشیست و، ب بەهانەیا وان ب هەمی رەنگان ئێرش و کوشتن و بڕین و سۆتن و داگیرکاریێ ل سەر گەلێ مە دکەن. ل دەمەکی جهێ خەبات و بەرخودانا وان باکورێ کوردستانێ یە.
لێدان و ئازاردانا گەشتیارێن کورد و بێڕێزی ب ئالا پیرۆز د هەمان رۆژا بویەرا کوشتنا دیپلۆماتکارەکی تورک ل هەولێرا پایتەخت نەدویرە کارەساتەکە دن تویشی هەرێما کوردستانێ بکەت، ئەگەر پەیوەندیێن سەرۆکاتیا هەرێما کوردستانێ نەبان نەدویرە ئەو بویەر و کاودان بەر ب ئاقارەکا دی ڤە بچن و دەڤەرێ بەر ب ئالۆزیەکە دی ڤە ببەن.
ل سەر ڤان هەمی بویەران هێشتا هەلبەستا ،،جگەر خوین،، بنیاتا سیاسەتا هەرێما کوردستانێ یە و ب دەنگێ زولالێ ،،شڤان پەروەر،، دبێژن ،،ئەم شەڕ ناخوازن مە دڤێت براتی،،. وەلێ فەرە دەڤەر و گوندێن گوند نشینان بەردەن دا ئەوژی ڤەگەرن و کار و گوزەرانێ خوە بکەن و، هوین ژی ڤەگەرن بۆ جوگرافیا خوەی سیاسی و شۆرەشا خوە بدۆمینن. کوردستانا باشوور ئازادە و جهێ پێکڤەژیان و ئاشتی و تەباییانە و نمونەیا رۆژهەلاتا ناڤین ە.





ئەم هەواڵە 2566جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad