English | عربی | Kurdî دواهەواڵ
ڕاستەوخۆ  
 
ترەمپ : ئێران ئابوریەکەی گەیشتۆتە قۆناغی مردن
2019-07-23 [06:49 AM]

ZNA- ھەولێر


 

دۆناڵد تره‌مپ، سه‌رۆكی ویلایه‌ته‌ یه‌كگرتووه‌كانی ئه‌مه‌ریكا ده‌ڵێت: "ئابووری ئێران گه‌یشتووه‌ته‌ قۆناخی مردن و هه‌ره‌سهێنان".

تره‌مپ له‌ تویته‌ره‌وه‌ نوسیوویه‌تی: "بارودۆخی ئابووریی ئێران رۆژ له‌ دوای رۆژ زیاتر نه‌خۆش ده‌كه‌وێت و دووچاری هه‌ڵاوسانی زیاتر ده‌بێت، ئێران له‌ ئاژاوه‌یه‌كی گشتگیردا ده‌ژی".

تره‌مپ ناو به‌ ناو قسه‌ له‌باره‌ی داڕووخانی ئابووریی ئێران ده‌كات و ده‌ڵێت، خراپی دۆخی ئابووریی ئێران زیاتر ره‌گ داده‌كوتێت و ده‌بێته‌ رێگر له‌ به‌رده‌م چالاكییه‌كانیدا.

 به‌م دوواییانه‌ش بانكی نێوده‌وڵه‌تی پێشبینی كردبوو، به‌خێرایی ئابووریی ئێران 3.6% داده‌كه‌وێت به‌راورد به‌ ساڵی 2018 كه‌ 1.5% بوو. به‌ڵام له‌ ساڵانی 2020 و 2012 ئابووری ئه‌و وڵاته‌ 1.1% ده‌بوژێته‌وه‌.

له‌ مانگی نیسانی رابردووش، سندووقی نه‌ختینه‌ی نێوده‌وڵه‌تی پێشبینی كردبوو، داكه‌وتنی ئابووری ئێران بگاته‌ 6% له‌ ساڵی 2019 دا، له‌ كاتێكدا ساڵی 2018 داكه‌وتنه‌كه‌ 3.9% بوو.

بارودۆخی ئابووری ئێران له‌ پاش كشانه‌وه‌ی ئه‌مه‌ریكا له‌ رێككه‌وتننامه‌ی ئه‌تۆمی له‌ مانگی 5/2018 وه‌ به‌ره‌و خراپتر رۆشت، واشنتن له‌ مانگی ئابی هه‌مان ساڵ سزا و ئابڵۆقه‌ی زیاتری به‌سه‌ردا سه‌پاند و هه‌ڕه‌شه‌ی له‌ وڵاتانی جیهانیش كرد ئه‌گه‌ر مامه‌ڵه‌ له‌گه‌ڵ ئێران بكه‌ن سزای ئابوورییان ده‌دات.

له‌ رۆژی 5/11/2018 وه‌ قۆناخی دووه‌می گه‌مارۆكانی سه‌ر تارانی راگه‌یاند و كه‌رتی نه‌وت و غاز و وزه‌ و به‌رهه‌مه‌كانی خسته‌ چوارچێوه‌ی سزاكانه‌وه‌.

ته‌نانه‌ت حه‌سه‌ن رۆحانی، سه‌رۆك كۆماری ئێران له‌ سه‌ره‌تای ئه‌مساڵه‌وه‌ به‌ ئاشكرا گووتی: "ئابووری ئێران كه‌وتووه‌ته‌ ژێر فشارێكی گه‌وره‌وه‌ و له‌ ساڵی 1979 وه‌ كه‌ شۆڕشی ئیسلامی ئێران هه‌ڵگیرساوه‌ تا ئێستا فشاری وا به‌هێز یه‌خه‌ی نه‌گرتووین".





ئەم هەواڵە 5197جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad