English | عربی | Kurdî دواهەواڵ
ڕاستەوخۆ  
 
سیستمى بۆلۆنیا له‌ زانكۆكان جێبەجێ دەکرێت
2019-07-25 [11:53 AM]

ZNA - هه‌ولێر


وەزاره‌تی خوێندنى باڵا رایگه‌یاند، بۆ داڕشتنەوەى چوارچێوەى بڕوانامەکانى خوێندن وه‌زاره‌ت لەژێر رۆشنیاى بۆلۆنیا پرۆسێس كار ده‌كات، بەشێوەیەک لەگەڵ سیستم و تایبەتمەندیەکانى خوێندنى باڵا لەسەدەى بیست و یەک هاوتەریب بێت.

شاندێكی ڕێکخراوى یونسکۆ، لە دیوانى وەزارەتی خوێندنی باڵا له‌گه‌ڵ ئارام محمد قادر وەزیرى خوێندنى باڵا و توێژینەوەى زانستى كۆبووه‌وه‌. کە هەریەک لە ڕاوێژکار و بەڕێوەبەرانى گشتى وەزارەت و یاریدەدەرى سەرۆک زانکۆ پۆلیتەکنیکیەکان ئامادەیبون.

له‌ كۆبوونه‌وه‌كه‌ "رۆرى رۆبێرت تشاد" بەڕێوەبەرى نوسینگەى یونسکۆ بەوەکالەت و بەڕێوەبەرى پرۆژەى چاکسازى خوێندن و راهێنانى پیشەیى و تەکنیکى و (د. ئان کاثرین ئیسحاق) شاراەزاى نێودەوڵەتى لە بوارى سیستمى بۆلۆنیا لە دوو وتەى جیادا سوپاسى وەزیرى خوێندنى باڵا و توێژینەوەى زانستیان کرد بۆ ئەم دەرفەتەو دواتر باسیان لە ئەنجامدانى سێ وۆرک شۆپ لە زانکۆ پۆلیتەکنیکیەکانى (هەولێر -  سلێمانى – دهۆک) کرد، کە ئامانج لە سازکردنى ئەم وۆرک شۆپانە جێەجێکردن و بەرەوپێشچونى هەنگاوەکانى جێبەجێکردنى سیستمى بۆلۆنیا بوە لە زانکۆ پۆلیتەکنیکیەکان. وتیسى بابەتەکانمان لەبوارى بەرەو پێشبردنى پرۆگرامەکان و تواناکان و چۆنیەتى دۆزینەوەى هەلى کار و پێشخستنى بوارى پیشەیى کە بازاڕى کار پێویستیەتى، هەروەها گرنگى دان بە بوارى تەکنیکى و خوێندنى پیشەیى لە هەرێمى کوردستان.

لەلایەن خۆیەوە د. ئارام محمد قادر وەزیرى خوێندنى باڵا و توێژینەوەى زانستى سوپاس و بەخێرهاتنى وەفدى ڕێکخراوى یونسکۆى کرد و ڕایگەیاند: یونسکۆ لەڕابردوو بۆ وەزارەتەکەمان هاوکارو هەماهەنگ بوە، بەڵام ئەوەى دەیبینین بەهۆى قەیرانى دارایى و شەڕى دژ بە داعش و کۆمەلێک بابەتى دیکەوە،  پەیوەندیەکانمان وەک پێویست نەبونە، بەڵام ئێستا قۆناخێکى تازەیەو دۆخى هەرێمى کوردستان و عێراق بەرەو پێشچونى باشترى بەخۆیەوە بینیوە، بۆیە بە بایەخەوە لە پەیوەندىیەکانمان لەگەڵ ڕێکخراوى یونسکۆ دەڕوانم و ئامانجمانە ئەو پەیوەندیانە لەسەر ئاستى فراوانتر و پرۆژەى نوێتر پەرەپێبدەین، بۆ ئەمەش وەزیرى خوێندنى باڵا و توێژینەوەى زانستى ڕایگەیاند دەمانەوێت پرۆژەکانى یونسکۆ لەمەودوا بەشێوەیەک بێت لەگەڵ ستراتیژى وەزارەتەکەمان بەتەواوى یەکانگیر بێت و خۆى لە سێکتەرى خوێندنى باڵا بەباشى ببینێتەوە. بەتایبەت لە بوارەکانى چەسپاندنى دڵنیاى جۆرى و متمانە بەخشین و جێبەجێ کردنى بۆلۆنیا پرۆسێس و ڕیفۆرمى خوێندنى تەکنیکى لە زانکۆ پۆلیتەکنیکیەکان.

لە کۆتایى قسەکانیدا وەزیرى خوێندنى باڵا و توێژینەوەى زانستى دوپاتیکردەوە لەژێر رۆشنیاى بۆلۆنیا پرۆسێس کاردەکەین بۆ داڕشتنەوەى چوارچێوەى بڕوانامەکانى خوێندن و یەکەکانى خوێندن و ئاکامەکانى پرۆسەى خوێندن و فێرکردن لە زانکۆکان، بەجۆرێک لەگەڵ سیستم و تایبەتمەندیەکانى خوێندنى باڵا لەسەدەى بیست و یەک هاوتەریب بێت.

لە بەشێکى دیکەى کۆبونەوەکەدا هەریەک لە ڕاوێژکار و بەڕێوەبەرانى گشتى وەزارەت و یاریدەدەرانى سەرۆکى زانکۆ پۆلیتەکنیکیەکان باسیان لە کارەکانى یونسکۆ لەبوراى خوێندنى باڵا و جێبەجێکردنى سیستمى بۆلۆنیا لە زانکۆ پۆلیتەکنیکیەکان و فراوانکردنى ئەم پرۆژانە کرد.





ئەم هەواڵە 4678جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad