English | عربی | Kurdî دواهەواڵ
ڕاستەوخۆ  
 
ل قەندیلی، ئەنقەرە ناهێتە شکاندن
2019-07-27 [08:21 AM]

نڤیسینا : هەژین رێکانی


تورکیا یەک ژ دەولەتێن دەڤەرێ یێن بهێزە ژلایەنێ سەربازی و چەکی گرنگی و هەبوونا وان دیارە و کار ژ بو پێشڤەبرنا ڤێ یەکێ دایە و بودجەیەکا مەزن سالانە دهێتە تەرخانکرن بو مەبەستا سەربازی و دەولەتا تورکیا دوو دەولەتە د دەولەتەکێ دا ئانکو دەولەتا مەدەنی و دەولەتا سەربازی ئانکو تورکیا دەولەتەک بهێزە ، ل پێشتر پێشی رەجەب تەیب ئەردوغان ببیت ب سەروکێ تورکیا دەولەتا سەربازی زالتر بوو یە و و بێسنور بویە ژ هەمو لایەنا بسەر دەولەتا مەدەنی یا تورکیا لێ ل پشتی هاتنا رەجەب تەیب ئەردوغان گوهرینێت مەزن پەیداکرن و سنور ژبو دەولەتا سەربازی هاتنە دانان وەکی نەدبو سەرکردێن سەربازی بێی دەستیریا دەولەتا مەدەنی ب ئازادانە داخویانیا بو راگەهاندنێ بدەن د بابەتێن سیاسی دا و یا ژڤێ جوداتر ژی یەک ژ مەزنترین کودەتایێن ل تورکیا هاتینە ئەنجامدان ب مەبەستا ژناڤبرنا ئەردوغان ڤێ کودەتایێ شکەستن ئینا ژبەرکو سیاسەتا ئەردوغانی یا بهێز وەکر ئەو پەنایێ ببەتە بەر رایا گشتی و شیا ڤێ ئاستەنگێ دەربازبکەت ، ل ڤێرێ ب گشتی تورکیا و وەلاتیێن وێ ب گشتی تەنازولێ بو هیچ وەلاتەکێ جیهانێ ناکەت هوسا هاتینە فێرکرن کو ژلایێ نەتەوەیی ڤە د خوپەرست بن و ب تایبەت پشتی هاتنا ئەردوغان بو سەر دەستهەلاتێ پشتبەستن ل سەر خو و خاکا خو پتر ل وی وەلاتی بەرچاڤە و ئەردوغان دبوارێ گوتاربێژیێ دا شیانێت هەری باش هەنە کارتێکرنەکا راستەوخو ل رایا گشتی یا تورکیا و بەلکو ل جیهانێ ژی هەیە ب شێوەی پەیامێن توند دگەهینیتە هند وەلاتان و گیانێ تولڤەکرنێ ل دەف هەیە کو روژانە د گوتارێن خو یێن جەماوەری دا بەرسڤا دژایەتیێن دەولەتێن دن یان پارتێن سیاسیێن هەڤرک ددەت دیاردبیت بەردەوام د ئاخفتنێت خو دا توندە تا ل هەمبەر دەولەتەکا زلهێز وەکی ئەمریکا ئانکو ئەنجام ب دیارکرنا ئیرادەیەکا بهێز ژ لایێ تورکیا ئەو دکاریت ببیتە هەڤرکەک سیاسی و سەربازی سەرسەخت بو هەر دەولەتەکا هەبیت دبیت هەر ئەڤە ببیتە ئەگەر کو هەبونا پەیوەندیێن تورکیا پشتی هاتنا ئەردوغان بەرەڤ کێمبون چویە دگەل جیهانێ و ئانکو تورکیا زێدەتر د چارچوڤێ بەرژەوەندیێت خو دا گرنگیێ ددەتە پەیوەندیا ب وەلاتێن دەستنیشانکری ،، یا گرنگ پەیوەندیێن هەرێما کوردستانێ دگەل وەلاتێ تورکیا د ئاستەکێ هەری باش دایە نێچیرڤان بارزانی سەروکێ هەرێما کوردستانێ ل پێشتر و ل نها ژی بەردەوام هەول بو پەیداکرنا ئێمناهیا هەرێمێ داینە و ئەو ژی ب رێیا پەیوەندیێن دبلوماسیێن بهێز دگەل جیهانێ ب گشتی و دەولەتێن زلهێز و دەولەتێن جیران ب تایبەتی ، مادەم کورد نە دەولەتین و دەولەتێن جیران ب هێزن ژ هەر لایەنەکێ هەبیت نابیت ب چ شێوازەکێ بکەڤینە د هەڤرکیێن دژایەتی و شەرو توندوتیژی دا دگەل وان وەلاتان ژبەرکو د ئەنجام دا دێ بەرسڤ ب توندی ژبو هەرێمێ زڤریت و نە ئارامیێ ل کوردستانێ پەیداکەت یا ئاشکەرایە کورد خودان ئیرادەنە کورد بهێزن کورد شەرکەرن کورد دەستێوەردانێت چ دەولەتەکێ قەبولناکەت لێ دڤێت ژ وێ راستیێ ژی نە رەڤین کو ئەم هەرێمین نە دەولەتین کو مە دەستهەلات تمام هەبیت و سنورێن کوردستانێ نەهێنە بەزاندن ، یا دیتر دەما پێنگاڤ بو شەری دهێتە دانان دڤێت ئەو وەلات هەڤرکێ خو بنیاسیت ب بەرچاڤ وەرگرتنا ژمارا دانیشتوان رێژا هێزا سەربازی یێ دەولەتێ و ژمارە و جورێ چەکێن بکاردئینن و هەین ددەولەتێ دا ئانکو نە یا واقعی یە ل بەندا هەموو دەولەتان ب جەنگین ئەگەر جیهان هەموو دوژمن بیت بتنێ یێ دهێتە سەر ئاخا مە دێ بەرەڤانیێ ژ ئاخا خو کەین کورد هیچ دەمەکێ لایەنێ ئێکەم نەبویە بو هێرشا سەربازی بەلکو ب درێژاهیا دیروکێ بەرەڤانی کریە ئەڤجا نە یا واقعی یە ب کەڤینە د شەرەکێ توند دا بەرامبەر تورکیا ، و نە یا راستە تورکیا بهێتە ئازراندن ل هەمبەر گەلێ مە ب رێیێت نە ئاسایی وبرێیا پلانێت کوژەک یێن پەکەکە . پەکەکە وەکە گروپەکێ چەکداری یێ بێبنەما و دویر ژ یاسا و رێسایێت نیڤدەولەتی و نەبونا چ رێکخستن و چ سیستەما   دخازیت و کار ژ بو وێ یەکێ دکەت تومەتا ل سەر هەرێما کوردستانێ ددەرهەقا تورکیا دا دروستبکەت ژبو تێکدانا پەیوەندیێن هەرێم و تورکیایێ و ژبو تێکدانا ئێمناهیا هەرێمێ ، پەکەکە دهێتە سەر ئاخا هەرێمێ کارێن خو یێن تیرورستی و پلانێت خو یێن ئاژاوەگێری جێبەجێدکەت ژبو هەرێم ببیتە مەیدانا شەری بو پەکەکە و تورکیا ، یان ژبو هەرێم و تورکیا ل هەمبەر یەک راوەستن یان پەکەکە ئارمانج پێ ئەوە هەرێمێ ل هەمبەر تورکیایێ شەرمزاربکەت ئانکو دیاردبیت گروپێ چەکداریێ پەکەکە چ بنەما و سیستەمەک نەبویە ئەگەر نە بوچی دێ لایەنەکێ دی ئیننە د بابەتی دا کو نە دگەل هزرا وانە . یا گرنگ دنها دا هەبونا ئێمناهیێ یە ژ بو هەرێما کوردستانێ و پاراستنا پەیوەندیێن هەرێمێ یە دگەل تورکیا و ب جیهانێ ب گشتی ژبەرکو ل دیڤ گوتارا بارزانی هەرێما کوردستانێ بەرەڤ ئاڤەدانی و پێشکەفتنێ بچیت و دویربیت ژ ئاژاوە و شەر و کوشتن ، گروپەک نە بیتە سەدەما تێکدانا رەوشا ئێمناهیا هەرێما کوردستانێ و زێدەتر هەرێم بەرەڤ ئاشتی و بهێزکرنا پەیوەندیێن دبلوماسی و ئابوری و پەیداکرنا ئێمناهیێ بچیت .





ئەم هەواڵە 2443جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad