English | عربی | Kurdî دواهەواڵ
ڕاستەوخۆ  
 
به‌هۆی په‌كه‌كه‌وه‌ زیانی ملیاره‌ها دۆلار به‌ر هاووڵاتیانی هه‌رێم كه‌وتووه‌ و 400 گوندیش چۆڵكراون
2019-07-29 [07:42 AM]

ZNA- هه‌ولێر


فەرماندەیه‌كی پاسەوانى سنوور رایگەیاند، بە هۆى پەکەکەوە زیانێکى زۆری گیانى و ماددى بە هاووڵاتیانى هەرێمى کوردستان .

لیوا شێرکۆ زەنگەنە به‌ ئاژانسى ئانادۆڵوی توركی راگه‌یاند: "بە هۆى جموجۆلەکانى پەکەکە و نزیکبوونەوەیان لە گوندەکانى ناوچە سنوورییەکانى نێوان تورکیا و هەرێمى کوردستان، رۆژانە گوندنشینانى سنوورەکە ماڵ و حاڵى خۆیان جێدەهێڵن و گوندەکانیان چۆڵدەکەن و ئاوارەى شار و شارۆچکە و گوندەکانى دوور لە پەکەکە دەبن، ئەمەیش بۆ هەموو لایەکمان مایەى نیگەرانییە".

فەرماندەكه‌ی پاسەوانى سنوور گوتیشی: تا ئێستا زیاتر لە ٤٠٠ گوند بە هۆى پەکەکەوە چۆڵکراون و ئاوارەبوونى گوندنشینەکانى ناوچە سنوورییەکانى نێوان تورکیا و هەرێمى کوردستان رۆژانە بەردەوامى هەیە .

له‌به‌شێكی تری قسه‌كانیدا ده‌ڵێت: هەرجارێک بنکە و بارەگاکانى پەکەکە لە ناوچە سنوورییەکان بۆردومان دەکرێت، پەکەکە زیاتر خۆى لە گوندە سنوورییەکان نزیک دەکاتەوە و بە هۆیەوە خەڵکى زیاتر ئاوارە دەبن.

زەنگەنە ئاشكراشی كرد:  کە بە هۆکارى بوونى پەکەکە ساڵانە زیانێکى گەورە کە بە ملیارەها دۆلار مەزندە دەکرێت بەر بەربوومى جووتیارانى هەرێمى کوردستان لە ناوچە سنوورییەکان دەکەوێت.

فەرماندەكه‌ی پاسەوانى سنووری سەربە حکوومەتى عێراق دەشڵێت "هەرێمى کوردستان شوێنى پەکەکە نییە و ناکرێت بۆ بەرژەوەندى و ئامانجە سیاسییەکانى خۆیان زیان بە هەرێمى کوردستان بگەیەنن و بەوجۆرە دەست لە ژیانى هاووڵاتییان وەربدەن و خەڵک بێزار بکەن".

له‌كۆتایشدا ئاماژه‌ی به‌وه‌ كرد: لەگەڵ هەر بۆردومانێک ئێمە سەرووى خۆمان کە حکوومەت و سوپاى عێراقە ئاگادار دەکەینەوە و تەواوى وردەکارییەکان بۆیان دەخەینەڕوو.

 





ئەم هەواڵە 2104جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad