English | عربی | Kurdî دواهەواڵ
ڕاستەوخۆ  
 
لیژنه‌ی دارایی: هه‌رێم و به‌غدا له‌سه‌ر هێڵه‌ گشتییه‌كانی كێشه‌كانی نێوانیان گه‌یشتوونه‌ته‌ ڕێككه‌وتن
2019-07-29 [01:28 AM]

ZNA- هه‌ولێر


بڕیارده‌ری لیژنه‌ی داراییی ئه‌نجومه‌نی نوێنه‌رانی عێراق گوتی، هه‌ردوو حکوومەتی هه‌رێم و به‌غدا له‌سه‌ر هێڵه‌ گشتییه‌كانی كێشه‌كانی نه‌وت و بودجه‌ گه‌یشتوونه‌ته‌ ڕێككه‌وتن و بڕیاره‌ چه‌ند لیژنه‌یه‌كی هونه‌ری چاره‌سه‌رێك بۆ ئه‌و كێشانه‌ بدۆزنه‌وه‌.

 

بڕیارده‌ری لیژنه‌ی داراییی ئه‌نجومه‌نی نوێنه‌رانی عێراق، د. ئه‌حمه‌د سه‌فار، گوتی: "پێویسته‌ هه‌ردوو حکوومەتی هه‌رێمی كوردستان و عێراق تاوه‌كو پێش مانگی 10ی ئه‌مساڵ له‌باری به‌شه‌بودجه‌ی هه‌رێمی كوردستانەوە بگه‌نه‌ ڕێككه‌وتن پێش ئه‌وه‌ی پڕۆژه‌یاسای بودجه‌ ڕه‌وانه‌ی په‌رله‌مان بكرێت، ئه‌گه‌رنا به‌و شێوه‌یەی ئه‌مساڵ په‌سه‌ند ناكرێت."

 

د. ئه‌حمه‌د سه‌فار گوتیشی: "هه‌ردوو حکوومەتی هه‌رێم و به‌غدا له‌سه‌ر هێڵە گشتییه‌كانی كێشه‌كانی نێوانیان گه‌یشتوونه‌ته‌ ڕێككه‌وتن و بڕیاریش دراوه‌ هه‌ندێك لیژنه‌ی هونه‌ری پێک بهێندرێن بۆ ئه‌وه‌ی له‌سه‌ر هه‌ردوو پرسی نه‌وت و بودجه‌ بگه‌نه‌ ڕێككه‌وتن و چاره‌سه‌ری پێویستی بۆ بكرێت، چونكه‌ ئه‌و پرسانه‌ پێویستیان به‌ هه‌ندێك ورده‌كاری هه‌یه‌ و به ‌یه‌ك دانیشتن ته‌واو نابێت و پێویستی به‌ چه‌ند دانیشتنێك هه‌یە."

 

سه‌فار باسی له‌وه‌ش كرد: "پێویسته‌ هه‌ردوو حکوومەت په‌له‌ بكه‌ن و پێش ئەوەی کە پڕۆژەیاسای بودحە رەوانەی پەرلەما بکرێ، رێککەون."

 

سه‌فار گوتیشی: "له ‌مانگی پێنجه‌وه‌ كار ده‌كرێت له‌سه‌ر ئاماده‌كردنی پڕۆژه‌یاسای بودجه‌ی ساڵی داهاتوو و سێ ئه‌ندامی ئێمه‌ش تێیدا به‌شدارن و تاوه‌كو پێش مانگی 10ی ئه‌مساڵ ته‌واو ده‌بێت و ڕه‌وانه‌ی په‌رله‌مان ده‌كرێت، به‌ڵام تاوه‌كو ئێستا باسی پشكی كورد نه‌كراوه‌ و چاوه‌ڕێی هه‌ردوو حکوومەت ده‌كرێت له‌سه‌ری بگه‌نه‌ ڕێككه‌وتن."

 

سه‌رچاوه‌: KDP





ئەم هەواڵە 4564جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad