English | عربی | Kurdî دواهەواڵ
ڕاستەوخۆ  
 
رێڤه‌به‌ریا خوه‌سه‌ر و په‌كه‌كه‌ د پێشنیازه‌كا نێچیرڤان بارزانى دا
2019-07-30 [06:40 AM]

نڤیسینا : كارزان فه‌قى


ل وى ده‌مى رۆژئاڤایێ كوردستانێ هه‌موو ل ژێ كۆنترۆلا په‌یه‌دێ بوو، ئه‌و ل هه‌موو ده‌ڤه‌رێن كوردى خوه‌دان هێز و ده‌ستهه‌لاتا خوه‌ بوون و هێشتا گه‌فێن سوپایێ و هێزێن ئۆپۆزسیۆنێن سه‌ر ب توركیاڤه‌ ل سه‌ر وان نه‌ببوونه‌ جدى و مه‌ترسى، درست ل بیرامنه‌ ل سالا 2016 بوو كو ده‌ما كو نێچیرڤان بارزانى سه‌رۆك وه‌زێرێ وى ده‌می یێ هه‌رێما كوردستانێ، د پانێله‌كێ دا ل زانكۆیا ئه‌مریكى ل دهۆكێ پێشنیاره‌ك ژ بۆ رێڤه‌به‌ریا خوه‌سه‌ر یا رۆژئاڤایێ كوردستانێ كرى و گۆتى: (ئه‌گه‌ر ده‌ستهه‌لاتداریا رۆژئاڤایێ كوردستانێ خوه‌ ژ سیاسه‌تا په‌كه‌كێ قورتال نه‌كه‌ن، بێ گومان ئه‌وا وان هه‌ى ژى دێ ژ ده‌ست ده‌ن). گه‌له‌ك ب سه‌ر ڤێ گۆتنا نێچیرڤان بارزانى دا ده‌رباز نه‌بوو، ل ده‌ستپێكا سالا 2018 و ب به‌هانه‌یا هه‌بوونا په‌یوه‌ندیا وان ل گه‌ل په‌كه‌كێ و ئالۆزكرنا سنورێن توركیا، سوپایێ توركیا ل گه‌ل ئۆپۆزسیۆنا وى وه‌لاتى هێرشی عه‌فرینێ كر و داگیر كر. كه‌واته‌ نێچیرڤان بارزانى كو نها سه‌رۆكێ هه‌رێما كوردستانێ یه‌ و ده‌ستهه‌لاتدارێن هه‌رێمێ باش دزانن مه‌ترسیا په‌كه‌كێ ل هه‌رێما كوردستانێ چیه‌، چونكى كردار و داخویانیێن په‌كه‌كێ گه‌له‌ك د ئالۆز و گوماناوین و تا نها ژى كه‌س نزانیت ئه‌و ژ بۆ كێ و ژ بۆ كیژان وه‌لاتى ڤى شه‌رى دكه‌ن. ئه‌گه‌ر وى ده‌مى رێڤه‌به‌ریا خوه‌سه‌ر و ب تایبه‌ت په‌یه‌دێ وێ پێشنیارا نێچیرڤان بارزانى قه‌بول كربا، نها ره‌نگه‌ رۆژئاڤا د ره‌وشه‌كا دى دابا و خوه‌دان په‌یوه‌ندیێن بهێزێن ئابورى و سیاسى ژى با ل گه‌ل توركیا و وه‌لاتێن جێرانێن خوه‌ ژى. پشتى شكه‌ستنا په‌كه‌كێ ل رۆژئاڤیێ كوردستانێ، هه‌روه‌سا ره‌ڤین و خوه‌شارتنا وان ل چیایێ هه‌رێما كوردستانێ ده‌ست پێكرى و هێرشێن توركیا ل سه‌ر وان دژوار تربووین، نها گه‌فێن خوه‌ ژ بۆ سه‌ر هه‌رێما كوردستانێ زێده‌تر كرینه‌ و ژ ناڤا كون و قولاچكێن چیای ده‌ركه‌فتینه‌ و به‌ره‌ڤ ده‌ڤه‌ر و گوندێن ئاڤه‌دان یێن هه‌رێما كوردستانێ خوه‌ شۆركرینه‌. ئه‌ڤه‌ ژى بوویه‌ گه‌ف ل سه‌ر خه‌لكێ سڤیلێ هه‌رێما كوردستانێ و تا نها ب فه‌رمى هه‌ر سێ سه‌رۆكاتیێن هه‌رێما كوردستانێ خواستینه‌؛ په‌كه‌كه‌ و توركیا شه‌رێ خوه‌ ژ بۆ ناڤا وه‌لاتێ خوه‌ ڤه‌گۆهێزن. لێ په‌كه‌كێ ب لیدوانێن هنده‌ك سه‌ركرده‌ێن خوه‌ و كرێگرتیێن دۆژمنێن كورد گه‌فێ ل ئارامى و ئاسایشا هه‌رێما كوردستانێ دكه‌ت، ئه‌ڤه‌ وێ واته‌یێ دگه‌هینیت و كو په‌كه‌كێ دڤێت شكه‌ستنا خوه‌ یا چه‌ندین سالێن شه‌رى ب ئالۆزكرنا هه‌رێما كوردستانێ ڤه‌شێریت، چونكى ژ سالا 1984و تا نها په‌كه‌كێ ئێك گوندێ باكورێ كوردستانێ ژى رزگار نه‌كریه‌، به‌لكو گوندێن هه‌رێمێ بخوه‌ كریه‌ قه‌لغانێ پاراستنێ و خه‌لكێ وان گوندان ژى ژ هه‌موو خێر و بێرێن گوندێ خوه‌ بێ به‌هربووینه‌، ئیدى ئه‌و كالكانێ نه‌ كورد و سه‌ركرده‌ دناڤا رێزێن په‌كه‌كێ دا، ده‌ما دبێژیت: نابیت هه‌رێما كوردستانێ ژى ئیسراحه‌تێ بكه‌ت هه‌تا كو ئه‌م ئازاد نه‌بین، رامانا فه‌شه‌ل و شكه‌ستنا شه‌رێ چه‌ندین سالان یا په‌كه‌كێ دوپات دكه‌ت، چونكى دوژمنێ كالكانى و په‌كه‌كێ ل هه‌رێما كوردستانێ نینه‌، چما ئارمانجا په‌كه‌كێ ئه‌وه‌ هه‌ڕێم ئارام نه‌بیتن؟ د ده‌مه‌كى دا ئه‌و ژ بۆ ئارامى و ئاسایشا ئه‌نقه‌رێ و ئه‌سته‌نبۆلێ بێ ده‌نگن. ئیدى هیچ به‌هانه‌یه‌ك دده‌ستێ كوردان نه‌مایه‌ كو بگه‌هن وێ راستیێ، په‌كه‌كه‌ هیچ پرۆژه‌ و پلانه‌ك ژ بۆ كوردان نینه‌، به‌لكو ئه‌و بخوه‌ پرۆژه‌ و پلانێن وه‌لاتێن دژه‌ كورده‌ و بوویه‌ دارده‌ستێ وان دوژمنان كو هیچ ده‌مه‌كى سه‌رێ هه‌رێما كوردستانێ و پێشكه‌فتن و ئاسایشا وێ ناخوازن.





ئەم هەواڵە 1018جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad