English | عربی | Kurdî دواهەواڵ
ڕاستەوخۆ  
 
چۆن خۆت لە شێرپەنجەی مەمک دەپارێزی
2019-07-30 [01:29 AM]

ZNA- ھەولێر 


یەکێک لەو نەخۆشیانەی لەم سەردەمە گەشەی سەندووە بریتیە لە شێرپەنجەی مەمک، پێویستیشە خانمان وریای خۆیان بن و خۆیان بپارێزن لە تووشبوون بەم نەخۆشییە . 


پێویستە بۆ خۆپاراستن لە تووشبوون بە شێرپەنجەی مەمک رەچاوی ئەم خاڵانەی بکەیت . 
•    دوور کەوتنەوە لە جگەرە کێشان و نێرگەلە کێشان، چونکە کاریگەری راستەوخۆیان ھەیە لەسەر تووشبوونی ئافرەتان بە شێرپەنجەی مەمک . 
• دوور کەوتنەوە لە خواردنەوەی مەی، ئەگەر ھەتا ئەوانەی کەمێکیش دەخۆنەوە ئەوا کاریگەرییەکی خراپی لەسەر تەندروستیان ھەیە . 
• پارێزگاری کردن لە کێشێکی تەندروست، چونکە ئەوانەی کێشیان زیاد دەبێت زیاتر رووبەرووی ئەو نەخۆشیە دەبنەوە، بەتایبەتی ئەو خانمانەی تەمەنیان لەسەرووی ٤٥ ساڵە. 
• ئەنجامدانی راھێنانی وەرزشی، توێژەران تەئکیدیان لەوە کردووتەوە کە ئەنجامدانی راھێنانی وەرزشی کاریگەرییەکی زۆری لەسەر تەندروستی مرۆڤ ھەیە و ئەمەش وا دەکات لەلای خانمان سوودی بۆ تەندروستیان ھەبێت و دووریان بخاتەوە لە تووشبوون بە شێرپەنجەی مەمک، لەبەر ئەمە پێویستە رۆژانە بەلایەنی کەم کاتژمێرێک وەرزش بکەن و بەتایبەتی وەرزشی سینگ . 
• شیردانی سروشتی، ئەو خانمانەی ھاوسەرگیریان کردووە، پێویستە شیری سروشتی بە منداڵەکانیان بدەن ، چونکە ئەم کارە دووریان دەخاتەوە لە تووشبوون بە شێرپەنجەی مەمک . 
• دوور کەوتنەوە لە وەرگرتنی جۆرەھا چارەسەری ھۆرمۆنی، بەتایبەتی بۆ ئەو ئافرەتانە گەیشتوونەتە تەمەنی سەروو ٤٥ ساڵ 
• دوور کەوتنەوە لە شوێنە پیسەکان و شوێنی تیشک گرتن (اشعە) ، چونکە ئەمانە کاریگەرییان لەسەر خانمان زیاترە و ئەگەری توشبوونیان بەم نەخۆشییە زیاتر دەکات . 
• خواردنی خۆراکێکی تەندروست ، گەر خانمان سیستەمێکی خۆراکی تەندروستیان پەیرەو کرد ئەوا بەدوور دەبن لەم نەخۆشییە ، وەک خواردنی میوەجات و سەوزەوات و چەرەزات و ماسی و دوور کەوتنەوە لە خواردنی گۆشتی سوور بەرێژەیەکی زۆر و دوور کەوتنەوە لە خواردنی زۆر چەور . 


یاسین ئەحمەد 
 





ئەم هەواڵە 6919جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad