English | عربی | Kurdî دواهەواڵ
ڕاستەوخۆ  
 
بۆچی ئارمانجا وان ئارامییا مه‌یه؟
2019-08-05 [08:08 AM]

نڤیسینا : رێژین نهێلی


هه‌ر  پشتی بویه‌رێن پشتی پروسا ریفراندومێ‌ ل هه‌رێما كوردستانێ‌ ئه‌جینده‌یێن ژناڤبرنا ده‌ستهه‌لاتا هه‌رێمێ‌ كه‌فتنه‌ دیڤ ئێك و مینا پلانێن ئه‌ی وبژارده‌یێن هه‌مه‌جۆر  ،  هه‌ول هاتنه‌ دان ، ژلایێ‌ دوژمنێن ئه‌زمونا هه‌رێمێ‌ ڤه‌ ، هه‌میان ژی تا راده‌كی كارتێكرنه‌كا رێژه‌یی كرن ، به‌لێ‌ هه‌ر كه‌ستنێ‌ بده‌ستڤه‌ دئینن ، وه‌دیاری سیاسه‌تا هه‌رێما كوردستانێ‌ یا كه‌فتیه‌ د ده‌ست رێڤه‌برنه‌كا زانا و ب هێز دا . . ئه‌گه‌ر وه‌ها نه‌با ، نوكه‌ هه‌می هه‌ولێن خرابناك سه‌رگرتبان . ده‌ستێن ده‌ره‌كی و ده‌ستێوه‌ردانێن ده‌وله‌تێن ده‌وروبه‌ر د دیار و پێشچاڤن، و هه‌میان ژی خالا سه‌ره‌كی یا خوه‌ كو بۆ بوویه‌ ئه‌رمانج ، ئارامی و ته‌ناهیا كوردستانێ‌ یه‌، چونكو ئێكه‌م خاله‌ بوویه‌ جهێ‌ ڤه‌كێشانا ناڤه‌ند و كه‌ساتی و نوونه‌راتی و قونسلخانێن نێڤده‌ولی ، زێده‌باری كۆمپانی و پرۆژه‌یێن ڤه‌به‌رهێنانێ‌، و گه‌شت و گوزاریێ‌ و هتد.. ئه‌و دبینن هه‌كه‌ ئه‌ڤ خاله‌ بهێته‌ لاوازكرن، كو كارتێكرنه‌كا خراب بگه‌هیننه‌ هه‌رێمێ‌ و ده‌ستهه‌لاتا وێ‌ ، فاكته‌رێ‌ ئارامیێ‌ و ئاسایشێ‌ ل هه‌می دونیایێ‌ مه‌رجێ‌ ئێكێ‌ یه‌ بۆ پێشڤه‌برن و ئاڤه‌دانیێ‌ و شارستانیه‌تا وه‌لاتان ، به‌لێ‌ هه‌مبه‌ریكرنا ڤان هێرشان هێزه‌ك و ئه‌قلیه‌ته‌كا خودان ئه‌زمۆنه‌كا دویر و درێژه‌ ، هه‌بوونا سه‌رۆكه‌كێ‌ ده‌وله‌مه‌ند ب په‌یوه‌ندیان و سیاسه‌ته‌كا مه‌نتقی و نه‌رم كو رێزدار نێچیرڤان بارزانی یه‌ ، د گه‌ل دا ژی سه‌رۆكاتیه‌كا حوكمه‌ته‌كێ‌ به‌رێز مه‌سرۆر بارزانی، به‌ری ده‌می بۆ ده‌هان سالان شاره‌زاهیه‌كا بێسنۆر د پاراستنا ئاسایشا هه‌رێمێ‌ دا، پیشه‌یه‌كا گرنگ بوو و دێ‌ ب ڤی ره‌نگی كوردستان ب هێز كه‌ڤیت و یا ب هێزه‌ ماده‌م د په‌یداكرنا ئاسایشێ‌ دا یا ره‌وانه‌یه‌، ژ به‌ر هندێ‌ ژی دوژمنێن ئه‌زمۆنا هه‌رێما كوردستانێ‌ ئه‌و خال ل به‌ر چاڤ دانایه‌ ل سه‌رێ‌ ئارمانجێن خوه‌ یێن لێدانا هه‌رێمێ‌ ب هه‌می ره‌نگان، و ب هه‌می رێكان ژی، به‌ری ده‌می ب رێیا رێكخراوا تیرۆرستی یا داعش هاتن، پاشی ب رێكا بویه‌را 16 ئوكتۆبه‌رێ‌ و پاشی ب رێكا حه‌شدێ‌ و ب په‌یداكرنا قه‌یرانێن دارایی و برسیكرنا خه‌لكێ‌ كوردستانێ‌ ب كارمه‌ند و مووچه‌خۆر ڤه‌، و دابرینا بۆدجێ‌ و هتد. ب هه‌می رێكا هاتن نه‌شیانن نوكه‌ ژی یێن ب رێكا هاندنا په‌كه‌كێ‌ دهێنه‌ مه‌ كو ب ب هێجه‌تا وان بهێنه‌ ل گۆند و ده‌ڤه‌رێن سنۆری بده‌ن ب تۆپبارانكرنێ‌، دا كو ناڤ و ده‌نگیا هه‌رێمێ‌ ب نه‌ئارامیێ‌ بچیت ، ئه‌ڤ هه‌ولدانا تیرۆركرنا به‌رپرسه‌كی ژ قونسلخانا توركیا ژی وه‌كو شه‌رمزاریه‌كێ‌ بوو ژ لایێ‌ تێكده‌ران ڤه‌ ، چونكو ب خه‌مخوری و زیره‌كیا هێزێن ئاسایشێ‌ شیان ب ده‌مه‌كی قیاسی تاوانباران بگرن و بۆ هه‌میان دیاركه‌ن كو ده‌سته‌كێ‌ پوولایی ده‌ستهه‌لاتا هه‌رێما كوردستانێ‌ هه‌یه‌ ، ئێدی هه‌می رێك ل به‌ر دوژمنان یێن دهێنه‌ گرتن ، هه‌ر وه‌كو جه‌نابێ‌ سه‌رۆكێ‌ هه‌رێمێ‌ ڤان دووماهیان فه‌رمۆتی كو پاشه‌رۆژه‌كا گه‌ش ل به‌رامبه‌ری هه‌رێمێ‌ و خه‌لكێ‌ وێ‌ یه‌ و درویشمێ‌ به‌ره‌ف كوردستانه‌كا ب هێز دێ‌ جهێ‌ خۆ گریت ، هه‌می ژی ژ سه‌ربۆر و شانێن هه‌ژی هاتیه‌ . گرنگه‌ باشتر و هوشدارتر چاڤێن خۆ ڤه‌كه‌ین ب گه‌ل و حكوومه‌ت ڤه‌ ژگه‌ره‌كا هه‌ره‌شێن تیرۆری وتێكدانا ئارامیا وه‌لاتێ‌ مه‌ یێ‌ ئارام.





ئەم هەواڵە 907جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad