English | عربی | Kurdî دواهەواڵ
ڕاستەوخۆ  
 
جینوسایدا شنگالێ بۆ سالا پێنجێ بەردەوامە
2019-08-07 [08:36 AM]

نڤیسینا : ھوزان عەبدوللا


گەلەک جارا کارەسات و جینوسایدێن مەزن ب سەرێ کێم نەتەوەیان ل جیهانێ هاتینە و ب دەهان کۆمکۆژی و جینوساید روداینە، لێ جێوازیا وان کارەساتان دگەل یا کوردێن ئێزدی یا بەریا پێنج سالا جوداهیەکا مەزن هەبوویە، هەم ژ لایێ تەمام بوونا کارەساتێ و هەم ژ لایێ ناساندن و دانپێدانا وەلاتێن جیهانێ ب وێ جینوسایدێ، ژ بەرکو پشتی پێنج سالا هێشتا ئەو جینوساید و کارەسات یا بەردەوامە و چ وەلات ئامادە نەبووینە وێ کارەساتێ ب جینوساید بدەن نیاسین.
قوربانیێن هەرە مەزن یێن کارەساتا شنگالێ کچ و ژنێن ئیزدی بووینە، د دەستپێکا هێرشێ بۆ سەر کوردێن ئێزدی ب هوڤانەترین شێوە زەلام و زارۆ و دانعەمر کۆمکۆژ کرن و پتری سێ هزار ژن و کچان رەڤاندن و ل وان دەڤەرێن ئیراق و سووریێ یێن بن دەستەلاتا وان تیروورستان کڕین و فروتن ب وان کچ و ژنان دهاتە کرن و جڤاکا نێڤدەولەتی ل همبەر وان تاوانان یا بێدەنگ بوو.
حکومەتا ئیراقێ یا وی دەمی ب سەر کێشیا مالکی پتریا باژێرێن مەزن یێن ئیراقی بێ ی شەر تەسلیمی وێ رێکخستنا تیروری کرن، پشتی کارەساتێ ژی حکومەتا ئیراقێ کو رادەستی حەیدەر عەبادی هاتبوو کرن، چ هەول ژ بۆ رزگارکرنا وان کچ و ژنان نەکرن و یا بێ دەنگ بوو ل هەمبەر ڤی بابەتی. دیسان نە ئاڤەدانکرنا شنگالێ و دەڤەرێن دی یێن ئیزدیان خەمساریا حکومەتا ئیراقێ بوویە، تاکە جیهەتێ خوە ل رزگارکرنا کچ و ژنان کریە خوەدان سەرۆکوەزیرێن وی دەمی یێن هەرێما کوردستانێ نێچیرڤان بارزانی بوو، پشتی هێرشێ نڤێسینگەهەکا تایبەت بۆ دیڤچوون و رزگارکرنا کچ و ژنان ڤەکر، هەولێن وان ل مووسلی و باژارێن دی یێن ئیراقی و دیسان ل سوریا ژی ب تایبەت ل رەقە بەردەوام بوون و شیان ب هزاران کچ و ژنان ب رێکێن جودا جودا قورتال بکەن. ئەڤە ب تنێ بەس نەبوو بۆ دەرمانکرنا برینێن ڤان کچ و ژنان بەلکو هەولێن حکومەتێ دگەل وەلاتێن هەڤپەیمان ب تایبەت ئەلمانیا بەردەوام بوون بۆ هاریکاریکرنا ڤان قوربانیان لەورا هەماهەنگیەک دناڤبەرا ئەلمانیا و هەرێمێ دا هاتە کرن و ب هزاران کچ و ژن ل ئەلمانیا و هەرێمێ چارەسەریا دەرونی وەرگرتن. جهێ داخێ یە تا نها کچ و ژنێن ئیزدی یێن مایی ل وەلاتێ سووریا نە و پتریا وان ل کەمپا هولێ نە یا ل بن دەستێ رێڤەبەریا خوەسەر لێ ژ بەر ئایدولۆژیا وان یا سیاسی و نەبوونا گیانێ مروڤاتیێ ل دەڤ وێ دەستەلاتێ، یا ئامادە نینە وان کچ و ژنان بهنێریتە دناڤا کەس و کارێن وان دا ب بهانەیێن جودا جودا، لەورا تا ئەو کوردێن ئیزدی نەڤەگەرنە ناڤ کەس و کارێن خوە و ژ لایێ حکومەتا ئیراقێ ڤە نەهێنە قەرەبوکرن و دەڤەرێن وان نەهێنە ئاڤەدانکرن و ئێمناهی لێ بەرقەرار نەبیت، ل سەر ئاستێ جیهانێ کارەسات ب جینوساید نەهێتە ناساندن، دێ ئەڤ جینوسایدە یا بەردەوام بیت.





ئەم هەواڵە 2380جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad