English | عربی | Kurdî دواهەواڵ
ڕاستەوخۆ  
 
ئێزێدى و كوردایه‌تى
2019-08-09 [07:48 AM]

نڤیسینا : پەروین رەمەزان دوسکی


هه‌ر ده‌مه‌ك لاپه‌رێن مێژوویى دخوێنین، دبینین ئێزێدى كوردێن ره‌سه‌نن، هه‌ر لسه‌ر ئایینێ خو یێ ئێزێدى ماینه‌ و بتنێ كوردێن ئێزێدى بوینه‌ كو خوراگر و خودان هه‌لویست بوینه‌ و هه‌تا نها ب هه‌مى كاره‌ساتێن هاتینه‌ سه‌ر وان، هه‌ر لسه‌ر ئایینێ خو ماینه‌ و ب چ ره‌نگان ل ئایینێ خو  دویر نه‌كه‌ڤتینه‌.
سه‌روكێ هه‌رێمێ نێچیرڤان بارزانى د گوتاره‌كا خو دا به‌حسى ئێزێدیا كریه‌ كو كوردێن ره‌سه‌ن ناڤبریه‌ و به‌حسى ڤێ چه‌ندێ ژى كریه‌ ئه‌وان چو جاران خو راده‌ستى چ كه‌سانه‌ك نه‌كریه‌ و ئایینێ خو ژ ده‌ست نه‌داینه‌ و به‌ژنا خو بو وان دچه‌مینین و هه‌ر ده‌م دێ هاریكار بین و میرگه‌ها شه‌رفه‌دین دێ پارێزین و كوردستان و ئێزێدى چو جاران ناهێنه‌ ژێك جودا كرن.
ئه‌وا تێروریستانى داعش ب سه‌رێ كوردێن ئێزێدى ئیناینه‌، ژن و زاروو و پیر و گه‌نج هه‌مى ئێخسیر كرین و ده‌ست بو ده‌ست هاتینه‌ فروتن و بازرگانى پێ هاتیه‌ كرن و هاتنه‌ ده‌ست درێژى كرن و هه‌روه‌سا ئه‌وێن رزگار بوین ژ ده‌ستێ وان ژى، توشى نه‌خوشیێن ده‌رونى بوینه‌.
كاره‌ساتێن مه‌زن ب سه‌رێ ئێزێدیان هاتینه‌، هه‌تا نها (80) گورێن ب كوم هاتینه‌ دیتێن و (3548) ژن و كچ هاتینه‌ ره‌ڤاندن و پتر ژێ (100) هزار ئێزێدى كوچبه‌رێن دنیایێ بوینه‌ و هه‌روه‌سا ژیانا (5) سالان ل كه‌مپێن ئاواره‌یى، چه‌ند یا ب زه‌حمه‌ته‌ و هه‌ر ده‌م چاڤه‌رێ عه‌زیزانت خونه‌ كو بگه‌رێنه‌وه‌ بو لایێ وان.
تشته‌ك كو ب راستى یا روون و ئاشكرایه‌، ئارمانجا دوژمنێن مه‌ ئه‌وه‌ كو بێ هیڤى بونێ ل ده‌ف ئێزێدیێن كورد دروست ببیت و پێكڤه‌ژیان دناڤ كوردستانێ دا نه‌مینیت و حه‌ز دكه‌ن كو زمان و كه‌لتورێن وان بهێته‌ ژبیر كرن.
هه‌روه‌سا مه‌ هه‌رده‌م ئه‌وا ل شیانێن مه‌ دا هه‌بویه‌، ئه‌نجام دایه‌ كو هه‌ڤكار بین هه‌ر ل ده‌سپێكێ مه‌ ئوفیسه‌كا رزگار بونێ دانا كو بشێن ئه‌و ئێزێدیێن هاتینه‌ ره‌ڤاندن، رزگار بكه‌ین و هه‌تا نها (2225) كچ و ژن هاتینه‌ رزگار كرن و (1245) ژى زه‌لام هاتینه‌ رزگار كرن و (1585) كور نه‌دیارن.
دڤێت ئه‌و كه‌سێن هاتینه‌ رزگار كرن دڤێت بهێنه‌ رێزلێنان ل هه‌رێما كوردستانێ و حكومه‌تا عیراقێ، چونكى ئه‌وانه‌ شه‌ره‌ف و سه‌ربلندیا ملله‌تێ مه‌نه‌ و هاریكار بین كو ئه‌وان كه‌سانه‌ بشێن جاره‌كا دى ژیانه‌كا نورمال ده‌سپێكه‌نه‌ڤه‌ و دڤێتن هه‌مى شیانێن خو مه‌زێخین بو هندێ كو دادپه‌روه‌رى جهێ خو بگریت و شنگال بهێته‌ قه‌ره‌بو كرن و هه‌روه‌سا خه‌لكێ شنگالێ نه‌هێلێن گروپێن چه‌كدار و حزبێن دى بو به‌رژه‌وه‌ندیێن خو دناڤ شه‌نگالێ بمینن و دڤێتن به‌رده‌وام كار بو بهێته‌ كرن كو شنگال ببیته‌ پارێزگه‌ه و هه‌روه‌سا صندوقه‌كا ئاڤاكرنێ بو شنگالێ بهێته‌ دانان و هه‌روه‌سا سالا بهێت بودجه‌یه‌ك ژلایێ حكومه‌تا عیراقێ بو بهێته‌ ته‌رخان كرن.





ئەم هەواڵە 2386جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad