English | عربی | Kurdî دواهەواڵ
ڕاستەوخۆ  
 
نێچیرڤان بارزانی ، سەرۆکەک بۆ ھەمی تەخ و چینا
2019-08-10 [07:00 AM]

نڤیسینا : غیاس خالد زێباری


پشتی رازینەبوونا سەرۆک مەسعوود بارزانی ب دووبارە ھەلبژاردەنەڤا وی وەکی سەرۆکێ ھەرێما کوردستانێ ، پشکەکا ئەرکێن سەرۆکێ ھەرێمی ب نێچیرڤان بارزانی سەرۆکێ کابینا بەرێ یا حکومەتا ھەرێما کوردستانێ ھاتنە سپاردن ، د وی دەمی دا ئەرکێن نێچیرڤان بارزانی زۆر گرانتر بوون ژبەرکۆ ژبەرکۆ ھەرێما کوردستانێً د ڕەوشەکا تایبەت دا بوو ژلایێ سیاسی و ئابووی و ئەمنی و جڤاکی ، لێ شیا ب شانازی ڤە ئەرکێن سەرۆکاتیا حکومەتێ و  وان دەسھەلاتێن سەرۆکێ ھەرێمێ پێ ھاتیە راسپاردن بجھ بینیت ، سەرەرای قەیرانا ئابووری و گەماروویێن سیاسی و ئاریشەیێن نافخۆیی . 
پشتی ڤێ سەرکەفتنا نێچیرڤان بارزانی د وارێن سیاسی و کارگێری دا ، دوست و نەیارێن کوردا دانپێدان کر کۆ نێچیرڤان بارزانی کەسایەتیەکێ مەزنێ سیاسی یە ، دشێت کاریگەریێ لسەر یێ بەرامبەر بکەت . 
خۆ گۆنجاندن لگەل ھەمی تەخ و چینێن جڤاکی و گیانێ ئاشتیێ و پێکڤە ژیانێ و رێزگرتن ل ئەوێ دی ، پشکەکە ل ڤەرێژا سیاسەت و سەرەدەریێن نێچیرڤان بارزانی ، ئەڤێ چەندێ ژی وەکریە کۆ کەسایەتیا وی نە تنێ لسەر ئاستێ کوردستانێ و عیراقێ بلند ببیت ، لێ لسەر ئاستێ جیھانێ و نیڤ دەولەتی و بوویە ئەگەر کۆ پشتەڤانێن ھەرێما کوردستانێ و پرسا سیاسی یا گەلێ کورد زێدە ببن . 
ئەگەر ھەلویست و پشتەڤانیا نێچیرڤان بارزانی بۆ پێکھاتێ ئێزدی ل ھەرێما کوردستانێ دێ دیار بیت کۆ سەرۆک نێچیرڤان بارزانی سەرۆکەکە بۆ ھەمی تەخ و چینێن جڤاکی ل ھەرێما کوردستانێ بێ جوداھیێن ئایینی و نەتەوی و ئەتنی . 
لدەمێ سەرۆکاتیا حکومەتا ھەرێما کوردستانێ ، درێکا نڤیسینگەھەکا تایبەتا جەنابێ وی زێدەتر ل ( ٣٠٠٠) سێ ھزار کوردێن ئێزدی لبن دەستێ تیرۆرستێن داعش ھاتنە رزگارکرن و ھەر لسەر دەمێ جەنابێ وی حکومەتا ھەرێمێ پێشوازی ل سەدان ھزار ئاوارەیێن ئێزدی کر و د (٢٠ ) کەمپان دا ھاتنە ڤەحەواندن .
ڤەکرنا نڤیسینگەھەکا تایبەت یا سەرۆکێ حکومەتێ بۆ رزگارکرنا گرتیێن ئێزدی د وان کاودانان دا و رزگارکرنا ڤێ ژمارێ ، نیشانێ خەمخۆریا جەنابێ وی یە بۆ پێکھاتێ ئێزدی ، چونکی رزگارکرنا وان لبن دەستێ داعشێن تیرۆرست بێ ماندیبوون و خەرجی نەبوویە ، کۆ ب مەلیۆنان دوولار لێ ھاتینە خەرجکرن و ھەول دبەردەوامن بۆ رزگارکرنا ئەوێن مایی ژی . 
دیسان ڤەحەواندنا وێ ژمارەیا ئاوارێن ئێزدی ل کەمپێن کوردستانێ و دابینکرنا ھەمی پێتڤیێن وان یێن ژیانێ ژلایێ حکومەتا ھەرێما کوردستانێ لسەردەستێ نێچیرڤان بارزانی ، سەرەرای وێ قەیرانا ئابووری ، بسەدان مەلیۆن دولار بۆ ھاتینە مەزاختن ، ئەڤەژی رێز و وەفاداریا وی یە بۆ ڤی پێکھاتیێ جڤاکێ کوردستانێ . 
پشتی دەست بکاربوونا نێچیرڤان بارزانی وەک سەرۆکێ ھەرێما کوردستانێ ، کارێن نڤیسینگەھا وی بۆ رزگارکرنا گرتی و بێ سەرۆشوونێن ئێزدی ددەستێ تیرۆرستان دا پشتەڤانیا سەرۆکێ ھەرێما کوردستانێ بۆ ڤی پێکھاتێ جڤاکێ کوردستانێ یا بەردەوامە.
 سەرەدانا سەرۆکێ ھەرێما کوردستانێ بۆ میرێ ئێزدیان میر ( حازم تەحسین بەگ ) ب ھەلکەفتا دەستنیشانکرنا وی بڤی ئەرکی و پشکداریا وی ل رێ رەسمێن پێنج ساڵیا جینۆساید کرنا کوردێن ئێزدی بدەستێ تیرۆرستێن داعش ، راستە رێزگرتنا جەنابێ سەرۆکێ ھەرێما کوردستانێ یە بۆ کوردێن ئێزدی ، لێ نیشانە کۆ نێچیرڤان بارزانی ، ھەلگرێ خەمێن تەڤایا جڤاکێ کوردستانێ دایە  و سەرۆکەکە بۆ تەڤایا تەخ و چینێن جڤاکێ کوردستانێ ب ھەمی ئایین و مەزھەبڤە ، سەرۆکەکە پشکداریێ ل خۆشی و نەخۆشیێن خەلکێ کوردستانێ دکەت و خۆ ل پرسێن ھەمیان دکەتە خودان .





ئەم هەواڵە 871جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad