English | عربی | Kurdî دواهەواڵ
ڕاستەوخۆ  
 
دوو ھاوسەر دوای ١٦ ساڵ چاوەڕوانی منداڵێکیان دەبێت 
2019-08-14 [11:48 AM]

ZNA- ھەولێر



دوای ١٦ ساڵ چاوەڕوانی دایک و باوکێک لە سلێمانی دەبنە خاوەنی منداڵێک. باوکی منداڵەکە بۆ رووداو دەڵێت: ناوی منداڵەکەمان ناوە زەمەن، چونکە ''زەمەنێکە'' چاوەڕوانین.


ئەو منداڵە شەوی رابردوو (سێشەممە ١٣-٨-٢٠١٩) لە نەخۆشخانەی بەخشین لە سلێمانی لەدایکبووە و منداڵەکەش کچە. باوکی زەمەن دەڵێت: تەندروستی کچەکەم زۆر باشە و ھەرگیز باوەڕناکەم خوای گەورە ئەم دیارە بەنرخەی پێبەخشیوین.

گۆران فەریق، باوکی زەمەن  رایگەیاند: "ھەستێکی زۆر خۆشم ھەیە کە دوای ١٦ ساڵ بووم بە خاوەنی منداڵ، ھیچ شتێک لەوە دڵخۆشترم ناکات کە ئێستا دەتوانم منداڵی خۆم لە باوەشبگرم و تێر ماچی بکەم".

گۆران فەریق لە گوندێ داربەڕوولە سنووری پارێزگای سلێمانی دادەنیشێت و دەشڵێت: "ناوی کچەکەمان ناو ناوە زەمەن، چونکە زەمەنێکە چاوەڕوانی ھاتنەدونیای منداڵمان دەکرد و ئێستا کە خوای گەورە ئەو منداڵەی پێبەخشیون زۆر دڵخۆش و شادوومانم و ئامادەم ھەرچییم ھەیە بیبەخشم، بۆ ئەوەی منداڵەکەم دڵخۆشبێت".

بەگوتەی باوکی منداڵەکە، شەوی رابردوو دایکی لە خۆشیدا خەوی لێنەکەوتووە. ئاشنا محەممەد، دایکی زەمەن بە رووداوی راگەیاند: "ئێستا من دڵخۆشترین کەسم و ھیچ شتێک لەوە خۆشترنییە خاوەنی کچێکم، من ١٦ ساڵە تامەزرۆی منداڵێک بوو، سوپاس بۆ خودا و سوپاس بۆ ھاوژینەکەیشم کە دوای ١٦ ساڵ ئێستاش ھەر لەگەڵمە".

دایکی زەمەن دەشڵێت: "لەگەڵ کچەکەم لە نەخۆشخانەم و دوای ماوەیەکی دیکە دەگەڕێینەوە ماڵەوە و بەوپەڕی خۆشحاڵییەوە لەمەودوا کاتەکانمان بۆ گەورەکردنی کچەکەم بە باشترین شێوە تەرخان دەکەین". 

ی.ا 
سەرچاوە | رووداو 
 





ئەم هەواڵە 3580جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad