English | عربی | Kurdî دواهەواڵ
ڕاستەوخۆ  
 
ڤەژاندنا هیڤیا ژیانێ بۆ ئێزدیان
2019-08-15 [06:32 AM]

نڤیسینا : سەربەست خالد کوچەر


کوردێن ئێزدی و کوردستان وەک دوو جێمکان هەڤ ژیان و هەڤرا بووینە ب هەمبێزەک کوردایەتی و دوستاتیا ب ئاشتی و گیان مانەڤەیا پێکڤەژیانێ، ئێزدی خودان پێگەهەکێ بهێز، سیاسی، جڤاکی، کەلتوری و ئایینی بوویە ژ بەشە دەسپێکا دامەزراندنا حکومەتا هەرێما کوردستانێ تایبەت ل چاخ و سەردەمێ زێرین و بهادار و دەستهەلاتداریا سەرۆک نێچیرڤان بارزانی کو کوردێن ئێزدی ب سەرەدەریەکا هاولاتیبوون و نیشتمان دوستەکێ ڤی وەلاتی ل قەلەم داینە. ئەگەر ب نموونە باس ل وێ چەندێ بکەین هەر ژ دەسپێکا کارەساتا شنگالێ و ئاوارەبوونا خەلكێ وێ ناڤچەیێ کو مەزنترین فەرمان و کارەسات دهێتە هەژمارتن د چەرخێ ۲۱ێ دا د دیرۆکا مرۆڤایەتیێ دا. سەرۆک نێچیرڤان بارزانی ب هەموو شیان و هێزان ڤە پێداویستی و بەشە مافێن بنەرەتێن ژیانێ بۆ خشک و برایێن ئێزدی دابین کرن مینا ئێمناهی، جهێ ڤەحەواندنێ، سەرجەم کەل و پەل کو پتر  ژ ۲٠ کەمپان وەک پێدڤیەکا سەرەکی خستە دخزمەتا ئێزدییان دا ، ب راستی بارەکێ گەلەک گران بوو ل وی دەمی ل سەر حکومەتا هەرێمێ کو ژ روویەکێ لڤین و گڤاشتنێن سەربازی و تیرۆری و ئابوری وەک مەترسی ل سەر هەرێمێ دروست دبوون، بەلێ نێچیرڤان بارزانی ب ژیراتی و ئەزموون و سەربورا خۆە یا پێشکەفتی خۆش بەختانە شیا کونترۆلا بارودۆخێ سیاسی و ئەمنی و ئابوری یێ هەرێمێ بکەت. ل وی دەمی ئەو یەک ئاشکەرابوو کوردێن ئێزدی و کوردستان د هیچ فەرهەنگ و زاراڤەکێ دا ژێک دوور نەبووینە و بەردەوام ژیان ل ڤی واری دەرباز کرینە ب عەشقەکا کوردبوون و وەلاتیبوونەکێ رەسەنێ ڤێ ئاخێ. ژ بیر نەکەین د ئێکەم پێنگاڤ دا نێچیرڤان بارزانی کو نڤێسینگەهەکا تایبەتمەند ب رزگارکرنا کەچ و ژن و کوردێن ئێزدی ژ دەستێ تاوانکەر و نەحەزێن دژی هەموو پیڤەرێن مرۆڤایەتیێ (داعش) کو ب ڤێ پێنگاڤ و هەڤخەمیا سەرۆک نێچیرڤان بارزانی رێژەیەکا زۆر هاتن رزگارکرن و ژیان جاردن ل بەر وان زیندی و ئاسۆیێ گەشەکرنێ ڤەگەراند دل و دەروونێ وان دا کو پتر ژ ۳٠٠٠ گرتیێن ئێزدی ب رێکا نڤێسینگەها وی هاتن رزگارکرن، کەواتە سەرۆک نێچیرڤان بارزانی خواستێ خزمەتەکا باش و شایستەیە ژ بۆ هەموو ئۆل و نەتەوەیان ل کوردستانێ و ئامرازێ ژیان دوستی و پێکڤەژیانێ یە. هەلبژارتن و دەستنیشانکرنا میرێ نوو یێ ئێزدییان میر حازم تەحسین بەگ و پیرۆزباهیکرنا وی ژ لایێ سەرۆکێ هەرێمێ نێچیرڤان بارزانی بۆ مالا میری ددەمەکێ دایە کو هەردەم پشتەڤانێ کوردێن ئێزدی یە و کار و ئەرکێن سەرۆکێ هەرێمێ ژ بۆ ئێزدییان ئەو چەندە دوپات و سەلماندیە ب زیندوویێ ل دەڤ خوشک و برایێن ئێزدی. ل یادا پێنجەم سالیا کارەساتا شنگالێ سەرۆکێ هەرێمێ دوپات کر کو ب هەموو شێوەیان پشتەڤانێن سەرەکیێن کوردێن ئێزدی نە و دڤێت قەرەبوویا کوردێن ئێزدی بهێتەکرن و خواست کومەلگەهێ نیڤدەولەتی زێدەتر هەفکاربن د ئاڤەدانکرن و سەقامگیریا شنگالێ دا. کو هیچ گرۆپ و لایەنەک نەشێت بیتە رێگر ل بەردەم دوورکرنا کوردێن ئێزدی ژ کوردستانێ وەک هەموو نەتەوەیێن دی و دەستبەرداری خاک و بیرۆباوەرێن خۆە بن. د ڤێ گوتارا خۆە دا سەرۆک نێچیرڤان بارزانی ئومێدەکا نوو ڤەژاند د دلێ هەر کوردەکێ دلسۆز دا کو سەقامگیری و پێکڤەژیان و ئێکبوونا نهۆ ب سایە و خەمخۆریا جەنابێ وی یە کو شنگال و شەرفەدین و بیرۆباوەرێن کوردێن ئێزدی کەس نکاریت ژێک ڤەقەتینیت ژ وارێ باب و باپیران کوردستان.





ئەم هەواڵە 736جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad