English | عربی | Kurdî دواهەواڵ
ڕاستەوخۆ  
 
رولێ پارتى د ڤه‌كرنا فروكه‌خانا و بازرگانیێ دا
2019-08-17 [09:05 AM]

نڤیسینا : په‌روین ره‌مه‌زان دوسكى


سه‌روكێ هه‌رێمێ، نێچیرڤان بارزانى د سالێن بورى دا، شیا گه‌له‌ك كارێن ئه‌رێنى بو هه‌رێما كوردستانێ ئه‌نجام بده‌ت و هه‌روه‌سا شیا د كه‌رتێ ڤه‌گوهاستن و گه‌هاندنێ دا پێشكه‌فتنێن مه‌زن ده‌ست خوڤه‌ بینیت و نها هه‌رێم ب رێیا دوو فروكخانێن نێڤده‌وله‌تى یێن هه‌ولێر و سلێمانیێ ب جیهانێ ڤه‌ هاتیه‌ گرێدان و ئه‌ڤه‌ ژى فاكته‌ره‌كێ گرنگه‌ بو وه‌رار و پێشكه‌فتنا هه‌رێمێ ب گشتى و ب رێیا لڤینێن گه‌رم و ب له‌زێن بازرگانى و گه‌شتیاریێ ڤه‌ و ئه‌ڤه‌ ژى سه‌ره‌راى وێ چه‌ندێ یه‌، كو ب ساناهى كرنا كارى یێ بویه‌ سه‌به‌بێ دلخوشیا سیاسى و خه‌لكێ بیانى و وه‌لاتێن جیهانێ بو ڤه‌كرنا کونسلخانه‌ و نووینه‌راتیێن وان ل هه‌رێمێ و گرێدانا ده‌هان كونگرێن جیهانێ و هه‌رێمى و سیاسى و ئابورى و ساخله‌مى و په‌روه‌رده‌یى و چالاكیێن هونه‌رى و كولتورى ب ساناهى كریه‌ و هه‌روه‌سا ژلایێ بازرگانیێ ڤه‌، پارتى دیموكراتى كوردستان ل گه‌ل هه‌ڤپه‌یمانێن خوه‌ هه‌رێما كوردستانێ برێڤه‌ دبر، د بازرگانیێ گه‌شه‌كرنه‌كا به‌رده‌وام روودایه‌ و د ده‌مه‌كى دا كو ل سالا 2004 كوژمێ پێك گوهورینا بازرگانى د ناڤبه‌را هه‌رێما كوردستانێ و وه‌لاتێن جیهانێ ب تنێ 4,224 ملیار و دوو سه‌د و بیست و چار ملیون دولار بوون، د سالا 2012 دا گه‌هشته‌ 14,889 ملیار و هه‌شت سه‌د و هه‌شتێ و نه‌ه ملیون دولاران كو ب رێژا (252%) هاته‌ زێده‌ كرن ل ڤێ سالێ دا.
هه‌روه‌سا ل دووڤ ئامارێن وه‌زاره‌تا پلاندانانا حكومه‌تا هه‌رێمێ، ل سالا 2012 پروژێن وه‌به‌رهینانێ د وارێ بازرگانیێ دا، ژ 73 پروژان پێك دهاتن، 66 یێن خومالى بون و 2 هه‌ڤپشك و 5 پروژه‌ ژى یێن بیانى بون.
بازرگانى ژێده‌ره‌كێ ئابوورى یێ گرنگه‌ و ب ره‌نگه‌كێ كارا پشكداریێ د ڤه‌ژاندنا جڤاكى دا دكه‌ت. له‌ورا لیستا پارتى دیموكراتى كوردستان گرنگیه‌كا زور ب ڤى كه‌رتێ زیندى دده‌ت و دڤێت ب رێیا دانانا قانوون و بریاران لڤینێن زێده‌تر و دروستتر ب ڤى وارى بده‌ت ژ پێخه‌مه‌ت ڤێ یه‌كێ كار دكه‌ت بۆ:
1. دامه‌زراندنا جهێن بازرگانیا ئازاد ل خالێن سه‌ره‌كى و ده‌ڤه‌رێن دى ل هه‌رێما كوردستانێ.
2. ده‌رخستنا وان هه‌موو یاسا و بریارێن گرنگ ب فه‌رمانگه‌هێن چاڤدێریا بازرگانى و ده‌زگه‌هێ پیڤانه‌كرن و كونترولا جۆرى دده‌ن و كارى ل سه‌ر دكه‌ن.
3. راستڤه‌كرنا وان هه‌موو یاسایێن په‌یوه‌ندیدار ب بازرگانیا ناڤخو و ده‌رڤه‌، ژ وانا یاسایێن بازرگانى، كومپانیا، ئێكه‌تیێن گشتى و ژوورا بازرگانى و پێشه‌سازى، ئینان و هنارتنێ و یێن دى.
4. ده‌رخستنا وان هه‌موو یاسا و بریارێن هه‌ڤسه‌نگیێ د ته‌رازیا بازرگانى و ته‌رازیا پێدایان دا دروست دكه‌ت و به‌رهه‌مێن نێشتمانى ژ هه‌ڤركیێ د پارێزن، ب تایبه‌تى ژى ل گه‌ل وه‌لاتێن هه‌ڤسوو.





ئەم هەواڵە 2062جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad