English | عربی | Kurdî دواهەواڵ
ڕاستەوخۆ  
 
سێ ده‌روازه‌ی سنوریی نێوان هه‌رێم و ئێران ده‌كرێنه‌ نێوده‌وڵه‌تی
2019-08-18 [06:13 AM]

ZNA- هه‌ولێر


جێگری پارێزگاری هه‌ڵه‌بجه‌ رایگه‌یاند، كۆماری ئیسلامی به‌ فه‌رمی بڕیاری به‌ فه‌رمیكردنی چه‌ند ده‌روازه‌یه‌كی سنووریی له‌گه‌ڵ هه‌رێمی كوردستان ده‌ركردووه‌.

كاوه‌ عه‌لی كه‌ریم، جێگری پارێزگاری هه‌ڵه‌بجه‌ له‌ به‌یاننامه‌یه‌كدا كه‌ ئاراسته‌ی میدیاكانی كردووه‌ ده‌ڵێت: "سەرۆکایەتی کۆماری ئێران بە نوسراویان لە بەرواری 10/8/2019 ڕەزامەندی لەسەر بە فەرمیکردنی مەرزەکانی (کێلێ) و (شۆشمێ - تەوێڵە) و(شێخ ساڵح- پشتە) وەک مەرزی بازرگانی و گەشتیاریی کردووە".

هه‌روه‌ها گوتوویه‌تی: "هەنگاوی داهاتوو گەیاندنی ئەو ڕەزامەندیەیە بەلایەنی پەیوەندیداری عێراقی و دەستەی دەروازە سنووریەکانی عێراق. بڕیارە لە ئایندەیەکی نزیکدا هەردوو لایەنی عێراقی و ئێرانی کۆبونەوەیەکی هاوبەش لەسەر ئەو پرسە ئەنجام بدەن. چونکە بڕیاری کۆتایی لە دەسەڵاتی هەردوو حکومەتی عێراقی و ئێران دایە".

جێگری پارێزگاری هةڵه‌بجه‌ ئاماژه‌ی به‌وه‌شكردووه‌ كه‌ لە کۆبونەوەیه‌یاندا له‌گه‌ڵ شاندی كۆماری ئیسلامی ئێران كه‌ رۆژی لە 8/8/2019 باسیان لەوەکردووه‌ لە کۆبونەوەی سەرۆکایەتی کۆمار بڕیاریان داوە مەرزەکانی تەوێڵە و کێلێ و پشتە بکرێنە فەرمی و ئێمەش داوای نوسراوی ڕەزامەندی بۆ بەفەرمیکردنی مەرزەکانمان کرد بۆ ئەوەی هاوکار بین لە گەیاندنی بە لایەنی فەرمی عێراق بە سوپاسەوە وێنەی نوسراوەکەیان بۆ ناردین.





ئەم هەواڵە 2773جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad