English | عربی | Kurdî دواهەواڵ
ڕاستەوخۆ  
 
حکوومەت بڕیارێکی نوێ لەبارەی فەرمانبەران دەدات
2019-08-18 [12:33 PM]

ZNA-هه‌ولێر


حکوومەتی هەرێمی کوردستان لە درێژەی چاکسازییەکانیدا کار لەسەر نەهێشتنی فەرمانبەری بندیوار و دوو مووچە و زیاتر دەکات.

پەریخان نووری، بەڕێوەبەری گشتیی بوودجە لە وەزارەتی دارایی و ئابووری حكوومەتی هەرێمی كوردستان، ڕاگەیاند: "هەرچەندە تا ئێستا 840 هەزار مووچەخۆر بایۆمەترییان كردووە، بەڵام ژمارەی فەرمانبەران لە 621 هەزار فەرمانبەر زیاتر نییە".

بەرپرسەکەی وەزارەتی ئەوەشی بۆ ماڵپەڕی فەرمی پارتی دیموکراتی کوردستان گوتووە: "ڕاستە ئێستاش دوو مووچە و زیاتر هەیە، بەڵام یاساییە، چونكە كەسوكاری شەهید مووچەی خۆی هەیە و هی شەهیدانەش وەردەگرێت، یاخود زیندانیی سیاسی یان كەسوكاری ئەنفال، كە هەیە 3 كەسی ئەنفالە و بۆی هەیە مووچەی خۆی و دوو مووچەی دیكەش وەربگرێت".

بەپێی داتاكانی وەزارەتی دارایی، ملیۆنێك و 500 هەزار كەس وەك فەرمانبەر مووچەیان لە حكوومەت وەرگرتووە، بەڵام تاوەكو ئێستا 840 هەزار كەس سیستەمی بایۆمەترییان كردووە و دەركەوتووە تەنیا یەك مووچە وەردەگرن.

هەر لەمبارەیەوە جووتیار عادل، گوتەبێژی حكوومەتی هەرێمی كوردستان، گوتی: "دوای پێداچوونەوە بە میلاكی فەرمانبەران، پڕۆژەیاسایەك لای ئێمەیە و كارمان لەسەری كردووە و تەواو بووە، بۆیە دەینێرینەوە پەرلەمان بۆ پەسەندكردنی".

ڕاشیگەیاندووە: "پڕۆژەكە بۆ نەهێشتنی فەرمانبەری بندیوارە، ئەوانەی كە مووچەی مانگانە لە حكوومەت وەردەگرن و هیچ دەوامێكی فەرمی ناكەن، یان وەك پاسەوان لەلایەن بەرپرسانەوە دامەزراون و دەوامیان پێ ناكرێ".





ئەم هەواڵە 18034جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad