English | عربی | Kurdî دواهەواڵ
ڕاستەوخۆ  
 
ئه‌مریكا خۆشحاڵی خۆی بە پێشکەوتنی نێوان هەولێر و بەغدا دەربڕی
2019-08-20 [01:09 AM]

ZNA-هه‌ولێر


سەرۆکی دیوانی ئەنجوومەنی وەزیران رایگەیاند، حکوومەتی هەرێمی کوردستان کاری جددی دەکات بۆ بە زیاتر دامەزراوەییکردنی حکوومەتی هەرێمی کوردستان و بە سەروەرکردنی یاسا.  

ئه‌مرۆ سێ شه‌ممه‌ دکتۆر ئومێد سەباح سەرۆکی دیوانی ئەنجوومەنی وەزیران، پێشوازیکرد لە (ستیڤ فاگین) کونسوڵی گشتی ویلایەتە یەکگرتووەکانی ئەمەریکا لە هەولێر و شاندێکی یاوەری.

لەو کۆبوونەوەیەدا، د. ئومێد سەباح ستایشی هاوکارییە سەربازی و تەکنیکییەکانی ئەمەریکای کرد کە پێشکەشی هەرێمی کوردستانی کردووە لە رووبەڕووبوونەوەی تیرۆریستان. هەروەها تیشکی خستەسەر ئەولەویەتەکانی کابینەی نۆیەمی حکوومەت، کە بریتین لە چاکسازی، سەروەری یاسا و زیاتر بە دامەزراوەییکردنی حکوومەتی هەرێمی کوردستان.

هەر لەو کۆبوونەوەیدا، ئاماژەی بە پەیوەندییەکانی هەولێر و بەغدا کرد، و رایگەیاند کە دەست بە گفتوگۆ و دانووستاندن کراوە لەگەڵ بەغدا بۆ دۆزینەوەی چارەسەری دەستووریی و ریشەیی بۆ کێشەکانی نێوان هەردوولا. هەروەها داوای لە کونسوڵی گشتی ئەمەریکا کرد کە ئەو هاوکارییانەی پێشکەشی حکوومەت و خەڵکی کوردستانی دەکەن فراوانتر بکەن.

لای خۆیەوە، ستیڤ فاگین پشتیوانی خۆی بۆ پرۆگرام و کارەکانی حکوومەتی هەرێمی کوردستان دەربڕی و خۆشحاڵی خۆی بە پێشکەوتنی گفتوگۆکانی نێوان هەولێر و بەغدا دەربڕی، و ئامادەیی وڵاتەکەی خستەڕوو بۆ هاوکاری کردنی حکوومەت لە بوارەکانی چاکسازی و بە زیاتر دامەزراوەییکردنی حکوومەتی هەرێمی کوردستان.

 





ئەم هەواڵە 3115جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad