English | عربی | Kurdî دواهەواڵ
ڕاستەوخۆ  
 
وەزیری ناوخۆ و كۆنسووڵی گشتیی ئەمەریكا كۆبوونەوە
2019-08-20 [01:13 AM]

ZNA-هه‌ولێر


وەزیری ناوخۆی حكوومەتی هەرێمی كوردستان و  كۆنسووڵی گشتیی ئەمەریكا، لە دیدارێكدا جەختیان لە هەماهەنگی و پەرەپێدانی پەیوەندییە دووقۆڵییەكانی نێوان هەولێر و واشنتۆن كردەوە.

ئەمڕۆ سێشەممە 20/8/2019 بەڕێز ڕێبەر ئەحمەد، وەزیری ناوخۆی حكوومەتی هەرێمی كوردستان، لە دیوانی وەزارەت پێشوازیی لە بەڕێز (ستیڤن ڤایگن) كۆنسووڵی گشتیی ئەمەریكا لە هەرێمی كوردستان و شاندێكی یاوەری كرد.

سەرەتا بەڕێز كۆنسووڵی گشتیی ئەمەریكا لە هەرێمی كوردستان پیرۆزبایی خۆی ئاڕاستەی وەزیری ناوخۆ كرد بە بۆنەی دەستبەكاربوونی لە ئەركی نوێیدا و هیوای سەركەوتنی بۆ خواست، هەروەها سوپاسی دامودەزگاكانی حكوومەتی هەرێم بە گشتی و وەزارەتی ناوخۆشی بە تایبەتی كرد بۆ هەماهەنگی و هاوكارییان لە راپەڕاندنی كارەكانیان لە هەرێمی كوردستان و، هیواشی خواست ئەم هەماهەنگی و هاوكارییانە بەردەوام بن و زیاتریش پەرە بستێنن.

لە بەرامبەریشدا، بەرێز وەزیری ناوخۆ خۆشحاڵیی خۆی بەم دیدارە نیشان دا و سوپاسی گەل و حكوومەتی ئەمەریكاشی كرد بۆ ئەو هاوكارییانەی لە ماوەی شەڕی داعشدا پێشكەش بە هێزی پێشمەرگە و هەرێمی كوردستانیان كردووە و، راشیگەیاند كە هەرێمی كوردستان بە گرینگییەوە دەڕوانێتە پەیوەندیی لەگەڵ وڵاتێكی گەورەی وەك ئەمەریكا و هیواشی خواست پەیوەندییە دووقۆڵییەكان بەردەوام بن و سەرجەم بوارەكانیش بگرێتەوە.

 





ئەم هەواڵە 2770جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad