English | عربی | Kurdî دواهەواڵ
ڕاستەوخۆ  
 
چیرۆکی ئەو کوڕ و کچەی دوێنێ لە زێی بچووک خنکان 
2019-08-24 [12:22 PM]

ZNA- ھەولێر



رۆژی ھەینی کچ و کوڕێک لە ئاوی زێی بچووک لە سنووری قەزای پشدەر خنکان، ئەمەش دوای ئەوەی کچەکە دەکەوێتە نێو ئاوەکە و کوڕەکەش خۆی فڕێدەدات بۆ ئەوەی رزگاری بکات. بەڵام ھەردووکیان لە ئاوەکەدا دەخنکێن.

کوڕە ناوی رێبین بەکرە و کوڕە گەورەی ماڵەوە بووە و خوشک و برایەکی دیکەشی ھەن، کچەکەش ناوی عائیشە ئیبراھیم عەلییە و دەستگیرانداربووە. 

خدر محەممەد، مامی رێبینە و چیرۆکی رووداوەکەی گێڕایەوە و گوتی: "رێبین لەگەڵ چەند ھاوڕێیەکی بەمەبەستی راوکردنی ماسی سەردانی زێی بچووک دەکەن لەنزیک گوندی کەویی لە سنووری قەزای پشدەر، لەوێ خێزانێکی لێدەبێت ئەوانیش بۆ گەشت و سەیران سەردانی ئەو شوێنەیان کردووە، رێبین گوێی لە دەنگی کچێک دەبێت کە ھاوار دەکات بۆ ئەوەی کەسێکی دیکە کە لەگەڵ ئەودا بووە رزگاری بکەن، بەڵام دواتر کچە خۆی پێناگیرێت و بۆ کوڕەکە کە (دەستگیرانی) بووە خۆی فڕێدەداتە نێو ئاوەکە و دواتر رێبین بەدوای کچەکەدا خۆی دەخاتە نێو ئاوەکە بۆ ئەوەی کچەکە رزگار بکات".

مامی رێبین دەڵێت: "بەداخەوە ھەرچەندە دەستگیرانی کچەکە رزگاری بووە، بەڵام کچەکە (عائیشە) و رێبین ھەردووکیان لەئاوەکەدا دەخنکێن".

پێشتر حوسێن عەبدوڵڵا، گوتەبێژی بەرگریی شارستانی راپەڕین  رایگەیاندبوو، کە سەرەتا کچەکە خنکاوە و دواتریش کوڕەکە ھەوڵیداوە رزگاری بکات، بەڵام خۆیشی خنکاوە.

کچەکە و کوڕە دانیشتووی قەڵادزێن و تەمەنیان ٢٠ ساڵە، کوڕەکە خوێندکارە و کچەکەش کچی ماڵەوەیە.

 مامی رێبین دەڵێت: کچ و کوڕە خنکاوەکە بەھیچ شێوەیەک خزمی یەکدی نەبوون و ھەر یەکدیشیان نەناسیووە. رێبین تەنیا ھاوکاریی کردووە بۆ ئەوەی رزگاری بکات، بەڵام دواتر ئەویش لەگەڵ کچەکەدا خنکاوە.

ی.ا 
سەرچاوە | رووداو 
 





ئەم هەواڵە 5062جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad