English | عربی | Kurdî دواهەواڵ
ڕاستەوخۆ  
 
ئه‌مرۆ ولاتانی G7 له‌ فه‌ره‌نسا كۆده‌بنه‌وه‌
2019-08-25 [06:15 AM]

ZNA- هه‌ولێر


حەوت وڵاتی گەورەی پیشەسازیی جیهان (G7) ئەمڕۆ (یەکشەممە، 25-8-2019) لە شاری بیارێتزی فەرەنسا کۆدەبنەوە.

لە کۆبوونەوەکەی وڵاتانی جی حەوت کە پێکهاتوون لە: ئەمریکا، بەریتانیا، فەرەنسا، ئەڵمانیا، ئیتاڵیا، کەنەدا و ژاپۆن، پرسەکانی پەیوەست بە: شەڕی بازرگانی، نیگەرانییە ژینگەییەکان، هەروەها پرسی نادادپەروەری و نایەکسانی لەنێوان ژن و پیاواندا لە بازاڕی کار تاوتوێ دەکرێن. 

یەکێکی دیکە لەو تەوەرانەی بڕیارە باسی لێوەبکرێت؛ چۆنییەتی مامەڵەکردنە لەگەڵ ئێران، بەتایبەتی دوای ئەوەی ئەمریکا زیاتر لە ساڵێکە تاکلایەنە لە رێککەوتنی ئەتۆمی ئێران پاشگەزبووەتەوە.

ئیمانوێل ماکرۆن، سەرۆکی فەرەنسا کە میوانداریی کۆبوونەوەکانی لووتکەی جی حەوت دەکات، لە پەیامێکیدا هۆشداری دایە سەرکردەکانی جیهان لە تەشەنەکردنی شەڕی بازرگانی و، رایگەند شەڕی بازرگانی لە قازانجی هیچ وڵاتێکدا نییە.

هاوکات لەگەڵ دەستپێکردنی کۆبوونەوەکانی جی حەوت، چالاکوانانی سیاسی و ژینگە دژی سیاسەتەکانی گرووپەکە خۆپیشاندانیان لە چەند شارێکی فەرەنسا دەستپێکرد و تووندوتیژی دروست بوو، بەجۆرێک تاوەکو ئێوارەی دوێنێ پۆلیسی فەرەنسا 17 خۆپیشاندەری دەستگیرکردووە.





ئەم هەواڵە 4390جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad