English | عربی | Kurdî دواهەواڵ
ڕاستەوخۆ  
 
تاقیکردنەوەکانى کۆتایى توانستى زمانى ئینگلیزى ئەنجامدەدرێت
2019-08-25 [12:26 PM]

ZNA - هه‌ولێر


 

بەڕێوەبەرایەتى ڕاگەیاندنى وەزارەتی خوێندنی باڵا له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، بەسەرپەرشتى وەزارەتى خوێندنى باڵا و توێژینەوەى زانستى لەسێنتەرەکانى زمانى زانکۆکان، (١٥٤٠) کاندیدى ماستەرو دکتۆراو خوازیارى نازناوى زانستى تاقیکردنەوەى ئاستى توانستى زمانى ئینگلیزى ئەنجامدەدەن.

ئەمڕۆ یه‌كشه‌ممه‌ ئارام محمد قادر وەزیرى خوێندنى باڵا و توێژینەوەى زانستى بەیاوەرى ئه‌حمه‌د دزه‌یی سەرۆکى زانکۆى سەڵاحەددین/ هه‌ولێر و، ئامانج سه‌عید ڕاوێژکاری وه‌زیری خوێندنی باڵا و توێژینه‌وه‌ی زانستی و، نه‌ژده‌ت ئاكرێی بەڕێوەبەرى گشتى فه‌رمانگه‌ی توێژینه‌وه‌ و په‌ره‌پێدان، هۆڵى تاقیکردنەوەى کۆتایى توانستى زمانى ئینگلیزى لەسێنەرى زمانى زانکۆى سەڵاحەددین/هه‌ولێری بەسەرکردەوە.

وەزیرى خوێندنى باڵا و توێژینەوەى زانستى لە بەسەرکردنەوەى هۆڵى تاقیکردنەوەکان لەگەڵ مامۆستا و سەرپەرشتیارانى سێنتەر گفتوگۆى لەبارەى کەشى تاقیکردنەوەکان و چۆنیەتى بەڕێوەچونى تاقیکردنەوەکان کرد، هەروەک د. ئارام محمد قادر داواشى لە بەڕێوەبەر و کارمەندانى سێنتەر کرد کەشێکى گونجاو و هێمن و له‌بار بۆ  هۆڵەکان بڕخسێنن و، سەرجەم پێداویستیەکان دابین بكه‌ن.

لەمیانى گفتوگۆیەکیشدا لەگەڵ بەشداربوانى تاقیکردنەوەکانى کۆتایى توانستى زمانى ئینگلیزى، کە کاندیدى ماستەر و دکتۆرا و خوازیارانى بەدەستهێنانى نازناوى زانستین لە زانکۆکانى کوردستان، وەزیرى خوێندنى باڵا و توێژینەوەى زانستى لە نزیکەوە گوێى لە تێبینى و پێشنیازەکان گرت و، بەڵێنیدا لەپێناو بەهێزکردن و پێشخستنى ئاستى زمانى ئینگلیزى و ڕەخساندنى دەرفەت بۆ پەرەپێدانى خولەکانى سێنتەرى زمان هاوکارى تەواویان بێت، له‌ كۆتایشدا هیواى سەرکەوتنى بۆ خواستن.

لە سێنتەرەکانى زمان لە زانکۆکانى (سەڵاحەددین/ هه‌ولێر، سلێمانى، دهۆک، ڕاپەڕین، سۆران و گەرمیان) لە یەک کاتدا لەماوەى هەفتەیەکدا (١٥٤٠) کاندیدى ماستەرو دکتۆرا و خوازیارى بەدەستهێنانى نازناوى زانستى لە ئاستەکانى (Advance , Upper-Intermediate, Intermediate, Pre-Intermediate, Elementary, Beginner) تاقیکردنەوە ئەنجامدەدەن.





ئەم هەواڵە 3340جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad