English | عربی | Kurdî دواهەواڵ
ڕاستەوخۆ  
 
له‌ماوه‌یه‌كی كه‌مدا  300 هەزار خانووی زێدەڕۆ تاپۆ ده‌كرێت
2019-08-27 [07:32 AM]

​ZNA – هه‌ولێر


لەماوەیەكی كەمی داهاتوودا یاسایەك دەردەكرێت كە بەهۆیەوە ئەو خانووانەی بە زێدەڕۆیی دورست كراون كە زیاترن لە 300 هەزار خانوو و بینا تاپۆ دەكرێن.

نزارمەلاعەبدولغەفار، بڕیاردەری لیژنه‌ی شاره‌وانی پەرلەمانی کوردستان بە باسی راگەیاند:  پێشنیازی یاسای تاپۆکردنی خانووە زێدەڕۆکان خوێندنەوەی یەکەمی بۆ کراوە هه‌روه‌ها "لە پرۆژە پێشنیازکراوەکەدا جەخت كراوەتەوه‌ ئەو خانووانەی کە تاوەكو مانگی شووباتی 2018 لە سنووری ماستەرپلانی شارەوانییەکانی هەرێمی کوردستان دروستکراون تاپۆ بکرێن.  

ئه‌و گوتیشی: دەمانەوێت پێداچوونەوەیەك بكەین بۆ ئەوانەی دوای شوباتی 2018 دروستكراون ئه‌وانیش بگرێتەوە بۆ ئەوەی كێشەكە بە تەواوی چارەسەر بكرێت ".

بڕیاردەری لیژنه‌ی شاره‌وانی پەرلەمانی کوردستان ئاشكراشی كرد:" بەپێی ئەو زانیاریانەی لە وەزارەتی شارەوانی پێیمان دراوە، بە پێی خەمڵاندن زیاتر لە 300 هەزار خانووی زێدەڕۆریی لە هەموو پارێزگاكان دروست كراون، بۆیە بە دڵنیاییەوە پڕۆژەكە ببێتە یاسا خەڵكێكی زۆر سودمەند دەبن".  

مه‌لا عه‌بدولغه‌فار ده‌شڵێت: لە 184 شارەوانی لە كوردستان زیاتر لە 30 شارەوانی ماستەرپلانیان هەیە ئەوەی تر ماستەر پلانیانیان بە زێدەڕۆیی دروستكراون، لە ماوەیەكی كەمدا یاساكە دەردەچێت، پڕۆژەكە ئێستا لە سەرۆكایەتی پەرلەمانە، سەرۆكایەتی بۆ حكوومەتی دەنێرێت لە ماوەی كەمتر لە 30 رۆژ حكوومەت وەڵاممان دەداتەوە، یاساكە گرنگە چونكە هەمووشتەكان رێكدەخاتەوە و رێگر دەبێت لە زێدەڕۆیی، هاووڵاتی و حكوومەت سودمەند دەبن لێی و ماستەر پلانیش بەهۆیەوە دادەندرێت".  

بەپێی پرۆژ یاساکە، تاپۆکردن لە سەنتەری شارەکان بۆ هەر مەترێک زەوی 60 هەزار دینار وەردەگیرێت، لە سنووری قەزاکان 40 هەزار دینار و لە سنووری شارۆچکەکانیش 30 هەزار دینار وەربگیرێت.

 





ئەم هەواڵە 3079جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad