2019-08-27 [11:04 AM]

لە ھەواڵێکی چاوەڕواننەکراودا رۆژنامەکانی ئیسپانیا باس لەوە دەکەن گەر ھاتوو گفتوگۆکانی نێوان پاریس سانجێرمان و بەرشەلۆنە سەرکەووتوو بوو ، ئەمڕۆ بە فەرمی بۆندی نەیمار مۆر دەکرێت . 

بەپێی ھەواڵێکی رۆژنامەی سپۆڕتی ئیسپانی ، ئۆسکار گراو بەڕێوەبەری جێبەجێکار لە یانەی بەرشەلۆنە بەشداری دەکات لە گفتوگۆکانی گواستنەوەی نەیمار بۆ یانەی بەرشەلۆنە و ئەم بەڕێوەبەرە دەسەڵاتی واژۆ کردنی گرێبەستەکەی نەیماری ھەیە. 

لەھەواڵەکە ھاتووە ، ئەمڕۆ شاندی یانەی بەرشەلۆنە دوایین گرێبەستی خۆیان پێشکەش بە بەرپرسانی یانەی پاریس سانجێرمان دەکەن ، بۆندەکەش بریتیە لە خواستن بۆ ماوەی ساڵێک و ناچارکردن بە کڕین لە ساڵی داھاتوو لەبەرامبەر ١٧٠ ملیۆن یۆرۆ. 

لەھەواڵەکە ئاماژە بەوەکراوە ، گەر ھەردوو لا گەیشتنە رێککەوتن ھەر ئەمڕۆ بۆندەکە رادەگەیندرێت و ئەگەر بەرپرسانی پاریس سانجێرمانیش پێداگیری لەسەر داواکارییەکانیان بکەن ، ئەوا یانەی بەرشەلۆنە لە گرێبەستەکە دەکشێتەوە . 

یاسین ئەحمەد