English | عربی | Kurdî دواهەواڵ
ڕاستەوخۆ  
 
بارزانی رابەر، خاوەن دۆزێكی رەوا و فاكتەری ئاشتی و ئاسایشی ناوچەكەیە..
2019-08-29 [08:15 AM]

نڤیسینا : رێبوار حەمەلاو شوانی


شۆڕشە یەك لە دوای یەكەكانی كورد لە سەر ئاستی كوردستان وەك زنجیرێك بەیەكەوە گرێدراوە مەبەستم ئەوەیە بۆ یەك ئامانج بووە بە پێی هەلومەرج و بارودۆخەكان لە پێناو رزگاری و رٍەتكردنەوەی ژێردەستی و بۆ سەربەخۆیی خاك و نیشتیمان بووە .میللەتی كورد خاوەنی ئیرادەیەكی پۆلاین و ھێزێكی لە بن نەھاتوویە، ئەگەر لە سەدساڵی رابردوو جیھان توانیبێتی بە كۆدەنگیەك و چەندین پیلانی ژێربەژێر و رێكەوتنی نھێنی ببێتە كۆسپ لە بەردەم سەربەخۆیمان ئەو سەردەمەی لای ئێمە و ئەوان باوی نەماوە حیسابی بۆ ناكرێت.لە ئێستاشدا بەرپرسیاریەتی ئەو كاروانە لە ژێر سەركردایەتی سیاسی كوردستان و پێشمەرگە ، سەرۆك بارزانی كە بە هەموو تواناوە تێدەكۆشێت بۆ ئەوەی كورد بگاتە دوایین وێستگە كەئەویش بەدەسهێنانی ماف و كیانێكی سەربەخۆییە. كاتێك پارتی و سەرۆك بارزانی دەبنە ئامانجی دوژمنانمان شتێكی سەیرنییە ، پارتی و بارزانی پشكی شێری خەبات و قوربانیدانیان بەركەوتووە، چونكە ئەركی پارتی بە سەرۆكایەتی بارزانی، هەمیشە قورسترین ئەرك بووە، ئەركی پارتی و بارزانی ئەركێكی پیرۆزی نەتەوەیی نیشتمانی بووە. لەسەر ئاستی كوردستانی گەورەدا، هەمیشە بە ئەركی خۆی زانیوە بەرگری لە مافە رەواكانی كورد بكات لەهەر بەشێكی كوردستان بێت بەبێ جیاوازی، كەواتە ستراتییژیەتی بارزانی و و پارتی دیموكراتی كوردستان زۆر فراوانترە لەوەی تەنها لە بەشی باشووری كوردستاندا قەتیس بكرێت، ئەمەش شانازییە بۆ پارتی و بارزانی كە هەموو تەمەنی خۆیان تەرخانكردووە بۆ پاراستنی كەرامەت و ناسنامە سیاسی و نەتەوەكەی. پارتی و بارزانی و خەڵكی دڵسۆزی كوردستان، زۆر باش دەزانن كە رێگای راستەقینە هەر ئەو رێگایەیە كە سەرۆك بارزانی لەسەری دەڕوات و هەنگاوی بۆ دەهاوێژێت و دڵسۆزان و نۆكەرانی وڵاتانی دوژمن زۆر بە جوانی لە یەكتر جیابكاتەوە و ئەوەی كە بۆ هەموو ئەو لایەنە سیاسییە خیانەتكارانە و ئەو كەسانە دەمینێتەوە هەر شكست و شەرمەزارییە و سەرفرازیش تەنها بۆ بەرەی ئازادی و سەربەرستیسەرۆك مەسعود بارزانی ،ئەو كەسایەتییە كارێزمایەی كە بزافی سیاسی هەر چوار پارچەی كوردستان چاوییان لە هەنگاوەكانیەتی ، ئەو سەرۆكەی ڕەوایی پرسی نەتەوەیی كە سەربەخۆ بوونە بە پرۆسەی ریفڕاندۆم گەیاندۆتە ناوەندە بریاربەدەستەكانی دونیا ، لە دوای سەركەوتنی جەنگی داعشیش دا ، بارزانی فریادرەسی چارەسەری پرسی كوردستانەبەكێشە وئاستەنگە ئابووری و جیۆسیاسییەكانی ناوچەكەوەش ، بە ڕادەی ئەوەی مێژووی سیاسی ناوچەكە لەم چارەگە سەدەیەیی دوایدا سەلماندویەتی بێ ئەو چارەسەری پرسەكان و ڕاگرتنی تەرازوی بەرژەوەندییەكان لاسەنگ دەبێ و لە غەفڵەتگیری گەورەكانیشدا ئەمریكا بە پلە یەك ، رووسیا بە پلە دوو ، نەك هەر هاوكێشەی ناوچەكە گرێ و گۆڵی تێدەكەوێ وەك ئە‌وەی بەم دوا دواییە لە سوریا وا گڵۆڵەكان دەكەونتە لێژی و ئەسەدیش رژتر ، و بەرژەوەندییەكانیش بەپێچەوانەی خواستی كورد ئاوەژوو دەبنەوە ، ، لەو ناوچەی پرە‌ لەجۆرە تۆتالیتاریزمێك كە هیچ پێكهاتەیەكی نەتەوەیی و تایفی لە ناوچەكەدا یەكتریان قبوڵ نییە ، كوردیش وەك نەتەوەی ژێر دەستە ی خۆیان سەیر دەكەن یا بە هاووڵاتی پلە دوو . یا بە پێكهاتەی خێل و پەرتەوازەی ناو تایفە و ئاینزاكانی نێۆكۆمەڵگای ئیسلامی و بە ژێر بەرداشی عەرەب و فارس و توركی دادەنێن . هەرێمی كوردستان دوورگەی سەقامگیری بووە لە نێو هەرێمێكی پركێشەدا ، هێزەكانی پێشمەرگەی كوردستان بەرگریان لە هەرێمی كوردستان لەهەمبەر داعش كردووە و كەمینەكانی پاراستووە و لەرێگەی هەناردەكردنی نەوتەكەیەوە توانیویەتی داهات بۆ میللەتەكەی دەستەبەر بكات و دروست بكات.كوردستان سەڵماندووە كە فاكتەری ئاشتی و سەقامگیری ناوچەكە بووە.هەروەها كوردستان دابینكاری ئاسایش بووە. كۆمەڵگای نێودەوڵەتی ئێستا باشتر دەزانێت كە هەرێمی كوردستان فاكتەری ئاشتی و ئاسایشی ناوچەكەیە.هەربۆَیە ، سەربەخۆیی كوردستان هەرگیز خەون نەبووە ، بەڵكو ستراتیژی هەرێمی كوردستان بووە.





ئەم هەواڵە 1861جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad