English | عربی | Kurdî دواهەواڵ
ڕاستەوخۆ  
 
٣١ ێ ئاب ، ب دیتنەکا نشتیمانیانە
2019-09-01 [09:10 AM]

نڤیسینا : غیاس خالد زێباری


حزب و لایەنێن دژبەر و رکەبەرێن پارتی دیموکراتی کوردستان ، روودانا ٣١ ێ ئاب یا سالا ١٩٩٦ ب خیانەتەکا مەزن و نشتیمانی پارتی تاوانبار دکەن ، ژبەر کۆ لەشکرێ عیراقێ بکارئینایە ل شەرێ نافخۆیی دژی ئێکەتیا نشتیمانی کوردستان . 
لێ دبنەڕەت دا ، ئەڤە دەسکەفت و سەرکەفتنەکا مەزن بۆ ، بۆ خەلکێ کوردستانێ و حکومەتا ھەرێما کوردستانێ .
چونکی دوی دەمی دا پلانەکا نیڤ دەولەتی بسەرپەرشتیا ئیرانێ و دیڤەلانکێن وان بۆ ناڤبرنا قەوارێ سیاسی یێ ھەرێما کوردستانێ ھاتبو دارشتن .
لدەمێ شەرێ نافخۆیی دناڤبەرا ھەردوو حزبێن دەسھەلات ( پارتی و ئێکەتی ) ، ھەر لوی دەمی سەرانێن دەسھەلاتێن ئێکەتیێ ب تەمامی کەفتبوونە بن ئەجندا و رێنمایی یێ ئیرانێ ژبو شکاندنا پارتی . ژلایەکێ پاسدار و ئتیلاعاتێن ئیرانی دناڤ باژارێن ھەولێر و سلێمانیێ ، کۆ لژێر کونترۆلا ئێکەتیێ دا بوون بەلاڤ بوون و ژلایەکێ دیتر لەشکرێ ئیرانێ ب چەکێن گران دگەل وان بەشداری شەرێ دگەل پارتی بوون و ژلایێ حاجی ئۆمەران پیلان دارشت بوو بۆ ھێرش کرنە سەر دەڤەرا بارزان داکو ھەمی دەڤەرێ بن دەسھەلاتا پارتی دەربینن و گەفێن دژوار ل پارتی دکرن.
ھەرچەندە سەرۆک مەسعود بارزانی بھەلکەفتا یوبیلا زێرینا دامەزراندنا پارتی دیموکراتی کوردستان پەیامەکا ئاشتیێ راگەھاند ، لێ لایەنێن بەرامبەر ب شەر و پیلانان بەرسڤا ڤێ پەیاما ئاشتیانەیا سەرۆک بارزانی دایەڤە .
ھەر دوی دەمی دا ب بجە ئینانا وێ پیلانا رێکخستی دژی پارتی ، پارتیا کرێکارێن کوردستانێ ( پ . ک . ک ) ب نەشخافلی ھێرش کرە سەر ژمارەکا زۆرا بارەگایێن پارتی و پێشمەرگەھێن کوردستان بتایبەت ل دەڤەرا بەھدینان . 
ھەولێرا پایتەختیش ببو باژارێ دز و جەچیا و ژمارەکا بەرپرسێن ئێکەتی وەک دەسکەفتێن شەرێ سەرەدەری دگەل خەلکی دکر و نە ئێمناھی و ترسەکا زۆر بەرپا ببو .
لێ پارتی بەرامبەر ڤان پیلانا خۆ راگر و پیلانگێر نەشیان مەرەمێن خۆ بجە بئینن .
ژلایەکێ دیتر وی دەمی ژیێ پەرلەمانێ کوردستانێ بەرەڤ دووماھی دچو و ژ بەر وێ پلانا داگیرکاری دەلیڤە درێژکرنەڤا ژیێ پەرلەمانی نەبوو . 
ژبووی پاراستنا قەوارێ سیاسی یێ ھەرێما کوردستانێ و رێگریکرن ل داگیرکاریا ئیرانێ ، ب رەزامەندیا ئەمریکا پارتی نەچار بوو رێکێ بدەتە لەشکرێ ئیراقێ بۆ رزگارکا ھەولێرا پایتەخت بۆ چەند دەم ژمێرەکان خۆ رانەگرت ، نە تنێ پایتەخت ھاتە رزگارکرن ، بەلکی داگیرکار و خیانەتکارا خۆ ل سنووری ژی ڤەنەگرت .
( ٣١ ) ێ ئاب سەرکەفتنەکا مەزن بۆ ، بۆ پارتی و خەلکێ کوردستانێ چونکی ئێکەم جارە لەشکرێ عیراقێ د بیتە ئامراز د دەستێ پارتی و پێشمەرگەھێن کوردستانێ بۆ پاراستنا دەسکەفتێن نەتەوی و نشتیمانی یێن خەلکێ کوردستانێ .
ئەگەر ئەو رۆژ نەبا ھەرێما کوردستانێ وەک لبنان و سووریا و یەمەن لێھێت و میلیشیانێن ئیرانێ کونترۆلێ لسەر ھەرێما کوردستانێ کەن و حکومەتا ھەرێمێ ژی دا ھێتە ھەلوەشاندن و چ قەوارە بناڤێ ھەرێما کوردستانێ نەدمان . ئەگەر سیە و ئێکێ ئاب نەبا خیانەتا ( ١٦ ) ێ ئکتۆبەرا سالا ٢٠١٧ ل کەرکووکێ دا لسالا ١٩٩٦ ێ روودەت .
راستە رژێما سەدامی رژێمەکا فاشی و دکتاتۆر بوو و کارەساتێن مەزن ب سەرێ مللەتێ کورد ئینابوون ، لێ بەرامبەر وێ رژێما ئیرانێ ژی چ جوداھی دگەل وان نینە و مە بڤێت و نەڤێت ھێشتا ب یاسایی و دەستووری ئەم ھەرێمەکا عیراقی نە و عیراقیەکێ باشترە ل ئیرانیەکێ خراب و داگیرکار .
ئەرێ بکارئینانا لەشکرێ عیراقێ وەک جاشێن کوردستانێ بۆ چەند دەمژێرەکا ...؟ یان لدەستدانا قەوارێ سیاسی یێ ھەرێما کوردستانێ ئەوێ ب ھزاران شەھید ژ پێخەمەت ھاتیە دان و چەندین سالە خەباتێ بۆ دکەین ، بکەڤینە بن دەسھەلاتداریا داگیرکارا ..! 
پشتی روودانا ٣١ ێ ئاب و دزڤراندنا دەسھەلاتا پارتی دیموکراتی کوردستان بۆ ھەولێرا پایتەخت و پرانیا دەڤەرێن ھەرێمێ ، تەناھی و ئێمناھی و ئازادی و ئاڤەدانی لسەرانسەرێ ھەرێمێ بەرپا بوو و ژلایێ سیاسی ژی ب حیکمەتا سەرۆک مەسعود بارزانی و پاشان سەرۆکێ حکومەتا ھەرێما کوردستانێ رێزدار نێچیرڤان بارزانی پێگەھێ ھەرێما کوردستانێ رۆژ ب رۆژ لسەر ئاستێ جیھانێ بھێزتر دبیت و پلانێن دیفرا ژی ھاتنە شکاندن و ئەڤرۆ دەڤەرێن دیتر یێن عیراقێ و دەڤەرێ ھیڤی خوازن بگەھنە ئاستێ ھەرێمێ ژلایێ ئێمناھی و ئاڤەدانیێ و بەختەوەریێ .
ب کورت و کرمانجی پارتی ل ٣١ ێ ئاب د چەند دەمژمێرەکان دا کلیلا داگیرکرنا کوردستانێ و ناڤبرنا قەوارێ ھەرێما کوردستانێ ددەستێ داگیرکار و دیڤەلانکێن وان شکاند ، ئیدی نەشێن مەرامێن خۆ یێن بڤی ئاوایی بجە بئینن ، لەوما ل بەردەوامیا ڤان ھەولێن وان ل ١٦ ێ ئکتۆبەرا سالا ٢٠١٧ ێ ل کەرکووکێ ژی مەزنترین شکەستن خوار ، چونکی کلیل د دەستان دا نەمابوو . دەرگەھێن ئازادی و رزگاریا ئێکجاریا کوردستانێ ب دەستێن پارتی دیموکراتی کوردستانێ دێ ھێتە ڤەکرن .





ئەم هەواڵە 1870جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad