English | عربی | Kurdî دواهەواڵ
ڕاستەوخۆ  
 
ناوه‌ڕۆكی كۆبوونه‌وه‌ی پارتی و گۆڕان
2019-09-01 [11:40 AM]

ZNA - هه‌ولێر


پێشنیوەڕۆی ئەمڕۆ لە هاوینەهەواری پیرمام پارتیی دیموکراتی کوردستان لەگەڵ بزووتنەوەی گۆڕان كۆبوونه‌وه‌، شاندەکەی بزووتنەوەی گۆڕان بەسەرپەرشتی عومەر سەید عەلی، رێکخەری گشتی بزووتنەوەکە بوو، لایه‌نی پارتیش فازل میرانی، سکرتێری مەکتەبی سیاسی پارتی و ژمارەیەک لە ئەندامانی مەکتەبی سیاسی شانده‌كه‌ی پارتیان پێك ده‌هێنا.

دوای کۆبوونەوەکە مه‌حموود محه‌مه‌د، گوته‌بێژی پارتی دیموكراتی كوردستان، رایگه‌یاند، له‌ كۆبوونه‌وه‌ی ئه‌مڕۆ پرسی هه‌ڵبژاردن و كه‌ركووك و ره‌وشی ئه‌و ناوچانه‌ له‌ دوای شازده‌ی ئۆكتۆبه‌ره‌وه‌ تاوتوێ كران.

 وتیشی، باس له‌ پرسە هەنووکەییەکان و پەیوەندییەکانی نێوان هەردوو لایان کردووە و پەیوەندییەکانی نێوان هەولێر و بەغدایان تاوتوێکردووە، بەتایبەتی یاسای هەڵبژاردنی ئەنجوومەنی پارێزگاکان.

گوتەبێژی پارتی ئاماژەی بەوەشکرد، سەرەڕای تاوتوێکردنی ئەو بابەتانە، کۆمەڵێک بابەتی دیکە هەیە پێویستە لەگەڵ یەکێتی نیشتمانی باسی لێبکەین و بۆ ئەومەبەستەش کۆبوونەوەیەکی سێ قۆڵی مان لەبەردەستە.

له‌ به‌رامبه‌ردا، ئاراس وه‌لی، ئه‌ندامی شاندی بزووتنه‌وه‌ی گۆڕان، رایگه‌یاند، كار ده‌كه‌ین بۆ سه‌ركه‌وتنی ئه‌م كابینه‌یه‌ بۆ ئه‌وه‌ی هاووڵاتیان لێی سوودمه‌ند بێت.

ئاراس وەلی ئاماژەی بەوەشکرد، باسیان لەوەشکردووە، لە ئەگەری ئەنجامدانی هەڵبژاردنی ئەنجوومەنی پارێزگاکان هەموو لایەنەکان بە یەک لیست بەشداری بکەن، تاوەکو سەنگ و قورسایی کورد لەو ناوچانە بپارێزن.

گوتیشی، کۆبوونەوەکەیان سەرکەوتوو بووە، هیواخوازیشە کۆبوونەوەی سێ قۆڵی بەمنزیکانە ئەنجامبدەن.

 





ئەم هەواڵە 1924جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad