English | عربی | Kurdî دواهەواڵ
ڕاستەوخۆ  
 
زانیاری وورد لەسه‌ر پلە بەرزكردنەوەی پۆلیس و هێزه‌كانی ناوخۆ
2019-09-03 [06:01 AM]

ZNA – هه‌ولێر


بەرپرسێكی باڵای پۆلیس باس لە پلەبەرزكردنەوەی پۆلیس و دامەزراندنی پۆلیسی تازە دەكات و ئاشكرای دەكات ئەو مفەوەزانەی دەرچووی كۆلیژن دەكرێنە ئەفسەر.

لیوا بەختیار بابان بەرێوەبەری گشتی پۆلیسی هەرێمی كوردستان بە باسی راگەیاند: " بە فەرمانی وەزیری ناوخۆ لیژنیەك پێكهاتووە، بۆ دیراسەتكردنی كردنەوەی خول بۆ ئەو مفەوەزانەی بڕوانامەی كۆلیژیان هەیە تاوەكو پلەكانیان بەرزبكرێتەوە بۆ ئەفسەر".

بابان ئه‌وه‌شی گوت:  ئەوانە مافی خۆیانە خولیان بۆ بكرێتەوە و ببنە ئەفسەر، بەڵام ئەوە كارێكی ئاسان نییە چونكە پێویستی بە داهاتێكی زۆر هەیە، لەو چەند ساڵەی رابردووش حكومەت بەهۆی قەیرانی داراییەوە نەیتوانیوە خولیان بۆ بكاتەوە، هه‌روه‌ها لەرووی دارایش پلەبەرزكردنەوە تێچوو و باگرانی دەخاتە سەر حكوومەت، بۆیە دیراسە و لێكلۆڵینەوە دەكرێت، هەوڵ دەدەین كۆمەڵێك لەو پۆلیسانەی بڕوانامەیان هەیە و بڕوانامەكانیشیان خزمەتی پۆلیس دەكات بخرێنە نێو خول ".

بەرێوەبەری گشتی پۆلیسی هەرێمی كوردستان جەختی كردەوە: ئامانجیان ئەوەیە ئەو مفەوەزانەی دەرچووی كۆلیژی چوارساڵین و خزمەتیان هەیە ئەوانە خولی ئەفسەری باڵایان بۆ بكرێتەوە،" ئەوانەی بڕوانامەیان نەبێت یان بڕوانامەكانیان لە خوار كۆلیژ بێت جارێ خولیان بۆ ناكرێتەوە و پلەكانیان ناگۆڕدرێت".

ئاشكراشی كرد چاوەڕوان دەكرێت تاوەكو ناوەڕاستی ئەو مانگە دوای گەڵاڵەكردنی چەند خاڵێك بڕیار بۆ ئەو بابەتە دەربكرێت و ئەو كەسانە دەستنیشان بكرێن كە خولیان بۆ بكرێتەوە و پلەیان پێ بدرێت.

بابان، ئاماژەی بەوەشدا پێویستیان بە خولی زۆر هەیە چونكە رۆڵی پۆلیس زۆر فراوان بووە، بنكە و بەرێوەبەرایەتی زۆر كراونەتەوە و كارەكان فراوان بوونە ئەو شوێنانەش پێویستیان بە كارمەند و پۆلیس و ئەفسەری لێهاتوو هەیە.

بۆ دامەزراندنی پۆلیسی تازە لیوا بەختیار ده‌ڵێت:" ئەگەر كردنەوەی دەرگای دامەزراندن زەحمەت بێت ئەوە ئومێد هەیە و شتێكیش كراوە بۆ ئەوەی لە جێگە دانان بكرێتەوە، واتا لە شوێنی ئەوانەی وازیان هێناوە یان لادراون یان خانەنشین كراون خەڵكی تازە دابمەزرێت".

سەبارەت بەو پۆلیسانەی پلەیان بەرزكراوەتەوە و مووچە زیادەكانیان بۆ خەرج نەكراوە گوتی:" خەریكی ئەوەین لەگەڵ وەزارەتی دارایی بۆ ئەوەی ئەوانەی پلەیان پێ دراوە و جیاوازی مووچە و پلەكەیان پێ نەدراوە بۆیان خەرج بكرێت".

بەپێی زانیاریەكان زیاتر لە 5 هەزار مفەوەزی پۆلیس كە دەرچووی كۆلیژن 8 ساڵە چاوەڕوانی خول دەكەن.

 

 





ئەم هەواڵە 6073جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad