English | عربی | Kurdî دواهەواڵ
ڕاستەوخۆ  
 
پارێزگاری هه‌ولێر: ڕه‌وشێكى دڵخۆشكه‌ر له‌ بووژانه‌وه‌ى قه‌ڵاى هه‌ولێر به‌ڕێوه‌ ده‌چێت
2019-09-03 [12:05 PM]

ZNA- هه‌ولێر


نه‌وزاد هادى پارێزگاری هه‌ولێر له‌ کاتی به‌سه‌ركردنه‌وه‌ى كاره‌كانى نۆژه‌نكردنه‌وه‌ى قه‌ڵاى هه‌ولێردا، كه‌ له‌ژێر چاودێریی ڕێكخراوى یونسكۆ و سه‌رپه‌رشتیكردنى كۆمیسیۆنى باڵاى بووژانه‌وه‌ى قه‌ڵاى هه‌ولێردا به‌ڕێوه‌ ده‌چێت، خۆشحاڵیى خۆی بۆ كاره‌كانى ئێستاى قه‌ڵاى هه‌ولێر ده‌ربڕى، كه‌ ئێستا به‌ كۆمه‌كى باڵیۆزخانه‌ى ویلایه‌ته ‌یه‌كگرتووه‌كانى ئه‌مەریكا له‌ عێراق و كۆمه‌كى تایبه‌تى كۆمپانیاى كارگرووپ، كاره‌كانى نۆژه‌نكردنه‌وه‌کەی به‌ڕێوه‌ ده‌چێت.

باڵیۆزخانه‌ى ئه‌مەریكا له‌ عێراق كۆمه‌كى نۆژه‌نكردنه‌وه‌ و بووژاندنه‌وه‌ى گه‌رماوه‌كه‌ى قه‌ڵاى هه‌ولێر به‌ هه‌مان دیزاین و شێوەی پێشووى خۆی و چه‌ند خانوویەكی له‌ئه‌ستۆ گرتووه‌ و ڕاسته‌وخۆ كاره‌كان له‌ لایه‌ن كۆمیسیۆنى قه‌ڵات و به‌ چاودێریی یونسكۆ به‌ڕێوه‌ دەچن.
كۆمپانیاى كارگرووپ ئه‌ركى نۆژه‌نكردنه‌وه‌ى سێ خانوو و چه‌ند ئۆفیس و ژێرخانى خزمه‌تگوزاریی پێویست، وەک‌ ئاو و ئاوه‌ڕۆ و كاره‌با له‌ئه‌ستۆ ده‌گرێت و ڕه‌وشێكى دڵخۆشكه‌ر له‌ بووژانه‌وه‌ى قه‌ڵات به‌ڕێوه‌ ده‌چێت.

پارێزگاری هه‌ولێر هیواى خواست بودجه‌ و كۆمه‌ك و پشتگیریی ماددیى زیاتری كۆمیسیۆنى باڵاى بووژانه‌وه‌ى قه‌ڵاى هه‌ولێر بكرێت بۆ بره‌ودان به‌ كاره‌كانى شیاندنه‌وه‌ و بووژانه‌وه‌ى قه‌ڵاتى هه‌ولێر كه‌ له‌وه‌ته‌ى حوزه‌یرانى ٢٠١٤ به‌فه‌رمى له‌ لایه‌ن ڕێكخراوى یونسكۆوە خراوه‌ته‌ لیستى كه‌له‌پووری جیهانى و جێگه‌ى گرنگیپێدان و بایه‌خى ناوه‌نده‌ شوێنه‌وارییه‌كان و زانكۆكانى دنیایه‌. هه‌روه‌ها  بووەته‌ ڕووگه‌یه‌كى گرنگى گه‌شتیاری بۆ كوردستان و ناوچه‌كه و جیهان.
 
له‌و سه‌ردانەدا‌ هه‌ریه‌ك له‌ تاهیر عه‌بدوڵڵا، جێگری پارێزگار و، نیهاد له‌تیف قۆجه،‌ سه‌رۆكى كۆمیسیۆنى باڵاى بووژانه‌وه‌ى قه‌ڵاى هه‌ولێر یاوه‌ریان بوون.





ئەم هەواڵە 1828جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad