English | عربی | Kurdî دواهەواڵ
ڕاستەوخۆ  
 
سەرۆك بارزانی پێشوازی لە كونسوڵی گشتیی فەرەنسا لە هەولێر دەكات
2019-09-04 [10:23 AM]

ZNA - هه‌ولێر


 

سەرۆك مەسعود بارزانی، ئه‌مڕۆ چوارشەممە لە سەلاحەددین پێشوازی لە ئۆلیڤییێ دیكۆتینی كونسوڵی گشتیی نوێی فەرەنسا لە شاری هەولێر كرد.

 

لە دیدارەكەدا كە سەفین دزەیی بەرپرسی فەرمانگەی پەیوەندییەكانی حكوومەتی هەرێم و پاتریس لۆغوا جێگری كونسوڵی گشتیی فەڕەنسا ئامادەی بوون، كونسوڵی گشتیی فەرەنسا لە هەولێر، سڵاوی سەرۆك و وەزیری دەرەوەی فەرەنسای بە سەرۆك بارزانی گەیاند و خۆشحاڵیی خۆیشی بە بوونی سەقامگیری لە هەرێمی كوردستان و دەستبەكاربوونی حكوومەتی تازەی هەرێم نیشاندا و جەختیشی لە دۆستایەتیی نێوان گەلی فەرەنسا و گەلی كوردستان كردووە.

 

هەروەها ئەوەیشی بە سەرۆك بارزانی راگەیاند، كە وڵاتەكەی بە ئیجابی سەیری باشتربوونی پەیوەندییەكانی نێوان هەولێر و بەغدا دەكات.

 

راشیگەیاند، سەقامگیریی هەرێمی كوردستان بەلای فەرەنساوە گرنگە و وڵاتەكەی ویستی پەرەپێدانی پەیوەندییەكان و بەردەوامبوونی لە پاڵپشتیكردنی هەرێمی كوردستانی هەیە.

 

لای خۆیەوە سەرۆك بارزانی سوپاسی سەرۆك و وەزیری دەرەوەی فەرەنسای كرد و هیوای سەركەوتنی بۆ كونسوڵی تازەی فەرەنسا لە هەولێر خواست.

 

وێڕای ئاماژەدان بە پەیوەندی و دۆستایەتیی مێژوویی گەلی كوردستان و گەلی فەرەنسا سوپاسی سەرۆك و حكوومەتەكانی فەڕەنسای كرد كە لە رۆژانی تەنگانە و شەڕی داعشدا پاڵپشتی گەلی كوردستان بوونە و ئەوەیشی خستەڕوو كە لە پەرەپێدانی پەیوەندییەكانی نێوان هەردوولا هیچ سەقفێك بوونی نییە.

 

هەڕەشەی تیرۆر و بارودۆخی سیاسی و دواپێشهاتەكان لەسەر ئاستی ناوچەكە و هەروەها بارودۆخی سووریا چەند تەوەری تری ئەو دانیشتنە بوون و، سەرۆك بارزانی وێڕای دەربڕینی پاڵپشتیی خۆی بۆ دەستپێشخەرییەكەی سەرۆك ماكرۆن لەمەڕ سووریا، نیگەرانی و تێبینییەكانی خۆیشی لەسەر بارودۆخ و داهاتووی گەلی كورد لە سووریا بە شاندی میوان راگەیاند.

 

 پەیوەست بە هەڕەشەی داعش و هزری توندڕۆیی سەرۆك بارزانی ئەوەی دووپات كردەوە كە ئەو هۆكارانەی كە بوونەتە هۆی سەرهەڵدانی داعش و هزری توندڕۆیی هێشتا چارەسەر نەكراون بۆیەشە مەترسیی بەهێزبوونەوەی تیرۆر لە ئارادایە.





ئەم هەواڵە 1825جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad