English | عربی | Kurdî دواهەواڵ
ڕاستەوخۆ  
 
شاندێكی ئه‌نجومه‌نی دادوه‌ری عێراق له‌گه‌ڵ ئه‌نجومه‌نی دادوه‌ری هه‌رێمی كوردستان كۆبووه‌وه‌
2019-09-08 [11:52 AM]

ZNA-هەولێر



شاندێكی ئه‌نجومه‌نی دادوه‌ری عێراق گه‌یشتنه‌ هه‌رێمی كوردستان و له‌گه‌ڵ سه‌رۆكی ئه‌نجومه‌نی دادوه‌ری و لیژنه‌ی هه‌ماهه‌نگی ئه‌نجومه‌نی دادوه‌ری هه‌رێمی كوردستان كۆبووه‌وه‌.
ئه‌مڕۆ شاندێكی باڵای ئه‌نجومه‌نی دادوه‌ری عێراق گه‌یشتنه‌ هه‌رێمی كوردستان و له‌لایه‌ن به‌ڕێز دادوه‌ر به‌نگین قاسم محه‌مه‌د سه‌رۆكی ئه‌نجومه‌نی دادوه‌ری و عه‌لی عه‌ولا ئه‌حمد جێگری سه‌رۆكی ئه‌نجومه‌نی دادوه‌ری پێشوازی كران.

له‌ دانیشتنێكدا هه‌ماهه‌نگی و هاوكاری نێوان هه‌ردوولا و به‌هێزتركردنی ئه‌و هه‌ماهه‌نگیه‌ به‌ تایبه‌ت له‌نێوان دادگاكانی تێهه‌لچوونه‌وه‌ی پارێزگاكانی هه‌رێم و پارێزگاكانی دیكه‌ی عێراق به‌ پێویست زانرا

دوای پێشوازی كردن له‌لایه‌ن سه‌رۆكی ئه‌نجومه‌نی دادوه‌رییه‌وه‌، شاندی ئه‌نجومه‌نی دادوه‌ری به‌غدا له‌گه‌ڵ لیژنه‌ی هه‌ماهه‌نگی ئه‌نجومه‌نی دادوه‌ری هه‌رێم كۆبووه‌وه‌ و له‌ كۆبوونه‌وه‌كه‌دا ژماره‌یه‌ك پرسی هاوبه‌شی نێوانیان كه‌ له‌ راییكردنی كاروباری رۆژانه‌دا پێویستیان به‌ هه‌ماهه‌نگی و هاوكاری دوولایه‌نه‌ هه‌یه‌، تاوتوێ كرا.

 شاندی ئه‌نجومه‌نی دادوه‌ری عێراقی پێكهاتبوون له‌ به‌ڕێزان موفق محمود محمد سه‌رۆكی داواكاری گشتی عێراقی و دادوه‌ر جاسم محه‌مه‌د عه‌بود، سه‌رۆكی ده‌سته‌ی سه‌رپه‌رشتی دادوه‌ری عێراق و سالم محه‌مه‌د نوری سه‌رۆكی دادگای تێهه‌لچوونه‌وه‌ی نه‌ینه‌وا و عه‌بدولكه‌ریم خدر عه‌زیز  سه‌رۆكی دادگای تێهه‌لچوونه‌وه‌ی كه‌ركوك كه‌ به‌رێگه‌ی فڕۆكه‌خانه‌ی نێوده‌وڵه‌تی هه‌ولێر گه‌یشتنه‌ هه‌رێمی كوردستان و له‌لایه‌ن لیژنه‌ی باڵای هه‌ماهه‌نگی ئه‌نجومه‌نی دادوه‌ری پێشوازی كران كه‌ پێكهاتبوو له‌  دادوه‌ر ئازاد حه‌سه‌ن خۆشناو سه‌رۆكی داواكاری گشتی هه‌رێمی كوردستان و دادوه‌ر برایم ئیسماعیل حه‌مه‌د سه‌رۆكی دادگای تێهه‌لچوونه‌وه‌ی ناوچه‌ی هه‌ولێر و دادوه‌ر جاسم جه‌زا جافر سه‌رۆكی دادگای تێهه‌لچوونه‌وه‌ی ناوچه‌ی سلێمانی.

 





ئەم هەواڵە 2539جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad