English | عربی | Kurdî دواهەواڵ
ڕاستەوخۆ  
 
دپلوماتكارێ پێشڤه‌برنا په‌یوه‌ندیێن هه‌ولێر و به‌غدا
2019-09-09 [08:50 AM]

نڤیسینا : ئاشتى فه‌تحى بێسفكى


پشتى كو حكومه‌تا عیراقا فیدرال ل سالا 2014  ل سه‌رده‌مێ سه‌روك وه‌زیرێن وى ده‌مى (نورى مالكى) ده‌ست ب پروسه‌یا سزادانا هاولاتیێن هه‌رێما كوردستانێ كرى ب برینا مووچه‌یێ هاولاتیێن هه‌رێما كوردستانێ و برینا پاریێ ژیانێ ژ پێخه‌مه‌ت هنده‌ك ئارمانجێن سیاسى ، ئێدى بێ هیڤى بون ژبو هاولاتیێن هه‌رێما كوردستانێ په‌یدابوو ژ بو مانا وان دگه‌ل وه‌لاتێ عیراقێ ، پاش هاتنا رێكخراوا تیرورستى یا ده‌وله‌تا ئیسلامى ل عیراق و شام (داعش) بو ناڤا خاكا عیراقێ دا گورزه‌كێ مه‌زن بوویه‌ ژبو تالانكرنا عیراقێ ب شێوه‌یه‌كێ گشتى و زیانێن مه‌زنێن مروڤایه‌تى ل دویڤ خو دا هێلان ، هه‌روه‌سان هه‌رێما كوردستانێ ژى ژ قوربانیێن ئه‌ڤى جه‌نگێ تیرورستى بێ به‌هر نه‌بوویه‌ ، هه‌رێما كوردستانێ د ئه‌ڤى جه‌نگێ مه‌زن دا د قوناغا مان و نه‌مانێ دا بوویه‌ ، پاش سه‌ركه‌فتنا پێشمه‌رگه‌یێن قه‌هره‌مان د شه‌رێ روى ب روى بونا تیرورستێن داعش و پشتى به‌رده‌وامبونا سیاسه‌تا نه‌ دروستا عیراقێ ل هه‌مبه‌ر هاولاتێن كوردستانێ و نه‌ پێگیریا وان ب یاسا و سوزێن بێ كریار ، ئێدى هاولاتیێن كوردستانێ به‌ره‌ڤ ئاراسته‌یه‌كێ دیروكى ڤه‌ چوون ، به‌ره‌ڤ ریفراندوما جودابونا هه‌رێما كوردستانێ ژ وه‌لاتێ عیراقێ ، پشتى ئه‌نجامدانا ریفراندوما جودابونێ ژ وه‌لاتێ عیراقێ ل 25 ى ئه‌یولا سالا 2017 كو هاولاتیێن هه‌رێما كوردستانێ ب زورینه‌یا ده‌نگێن به‌لێ داخازا جودابونێ ژ عیراقێ كر ، حكومه‌تا عیراقێ ژ سیاسه‌تا خوه‌ یا نه‌دروست به‌ره‌ڤ ئالاڤێن ترسناك تر و دژوار تر په‌نابر ، مینا گرتنا ده‌رگه‌هێن سنوورى و ئابلوقه‌یێن ئابوورى و دائێخستنا هێلێن ئه‌سمانى ، كو دخاستن گه‌لێ كورد بنبر بكه‌ن ، ئێدى پێشهاتێن روى ب روى بونا هێزێن پێشمه‌رگه‌ى دگه‌ل له‌شكه‌رێ عیراقێ هاته‌ پێش ، پشتى خوفروشێن 16 ى ئكتوبه‌را سالا 2017 ب پیلانه‌كا به‌رژه‌وه‌ندی كار دگه‌ل حكومه‌تا عیراقێ كه‌ركوك ئێخسته‌ ده‌ستێ هێزێن له‌شكرێ عیراقێ ، پاشان حكومه‌تا هه‌رێما كوردستانێ ل چریا ئێكى سالا 2017 بیروكه‌یا زێده‌تر خوین نه‌هێـته‌ رشتن بریارا سركرنا ئه‌نجامێن ریفراندومێ كر ، له‌وران ژ قوناغا روى ب روى بونا چه‌كى به‌ره‌ڤ قوناغا دان و ستاندنێ دناڤبه‌را هه‌ولێر و به‌غدا هاته‌پێش ، تایبه‌تى ژى رولێ سه‌روك وه‌زیرێن هه‌رێما كوردستانێ یێ وى ده‌مى (نێچیرڤان بارزانى) كو شیا روله‌كێ كاریگه‌ر بگێریت د پێشڤه‌چونا په‌یوه‌ندیێن دناڤبه‌را هه‌ولێر و به‌غدا دا ، كو شیا گه‌له‌ك ئه‌وان ئالوزى و گرفتێن جودا جودا برێكا دیالوك و دبلوماسیه‌تێ چاره‌سه‌ربكه‌ت ، پاش هه‌لبژارتنا سه‌روكێ نوى یێ هه‌رێما كوردستانێ (نێچیرڤان بارزانى) ل 25ى گولانا سالا 2019 ئێَكه‌مین سه‌ره‌دانا خو ژ بو به‌غدایێ ده‌ست پێكر ، كو ئه‌ڤ چه‌نده‌ ئاماژه‌یه‌كه‌ ژ بو نیازپاكیا كوردان د چاره‌سه‌ركرنا پرسگرێكێن دناڤبه‌را هه‌ولێر و به‌غدا یێن تانوكه‌ هه‌لاوییستى ماین ، له‌وران پێدڤیه‌ ئه‌م رولێ دبلوماسیه‌تا (نێچیرڤان بارزانى) هه‌ر ده‌م ل هزرا خوه‌ بینین كو د قوناغێن سه‌خت و دژوارێن روى ب روى هه‌رێما كوردستانێ بوین كو ئه‌و مینا زێره‌ڤانه‌كى  بوویه‌ د پاراستنا ئاخ و ده‌ستكه‌فتیێن هه‌رێما كوردستانێ .





ئەم هەواڵە 1870جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad