English | عربی | Kurdî دواهەواڵ
ڕاستەوخۆ  
 
ئەو رۆژێن ئەڤرۆ دروستکرین
2019-09-09 [09:33 AM]

نڤیسینا : دیندار مستەفا


دهه‌یاما سالێن رابوریدا تا ئه‌ڤرۆكه‌ ژى دگه‌لدا بیت. رۆژ بۆ رۆژى هه‌رێم پێگه‌هێ خۆ بهێزتردكه‌ت دگوره‌پانا سیاسى ودبلوماسى و ئابورى و بازرگانى و كشتوكالی و جڤاكى دا، ل سه‌ر ئاستێ جیهانێ و ده‌ڤه‌را رۆژهه‌لاتا ناڤین بتایبه‌ت. خورتبوون و بهێزبوونا ئه‌ڤى پێگه‌هى ئاماژه‌یێن دیارن بۆ دانپێدانێن نه‌راسته‌خویێن وه‌لاتێن بیانى و ناوچه‌ى بۆ هه‌رێما كوردستانێ وه‌كو وه‌لاته‌ك سه‌ربه‌خۆ د نه‌خشه‌سازیا جیوپوله‌تیكا سیاسیدا. بێگومان خوجهكرن و بهێزكرنا ئه‌ڤى پێگه‌هى ب هه‌روه‌ نه‌هاتیه‌ هه‌بوونێ. به‌لكو به‌رجه‌سته‌بوونا ئه‌ڤێ ره‌وشێ پێتڤى ب كه‌سانێن دلسۆز و وه‌فادارێن ئاخ و وه‌لاتیه‌ كو به‌رده‌وام بزاڤێ بكه‌ن د هه‌مى كاودان و رۆژگارێن نه‌خوش دا وه‌لاتێ خۆ به‌ر ب كه‌نارێن ئارام ببه‌ن. حه‌تمه‌ن كه‌سێن میناكێن وه‌كو نێچیرڤان بارزانى رولگێره‌یه‌كا حه‌كیمانه‌ هه‌بوو د پاراستنا سه‌نگ و خورتبوونا پێگه‌هێ هه‌رێما كوردستانێ د پیڤاژویا سیاسیا ده‌ڤه‌رێ و جیهانێ بگشتى. ژبه‌ركو ئه‌ڤرۆكه‌ ل هه‌رێما كوردستانێ هه‌مى سێكته‌رێن گرنگێن ژیانێ تا راده‌یه‌كێ زۆر ژ دایكبوونه‌كا دى بخووڤه‌ دیتیه‌، هه‌ر بۆ میناك. 
دهه‌یاما سالێن بوری و دنهاژیدا  ب حكومداریا سه‌رۆك نێچیرڤان بارزانى و ئه‌زموونا وى هه‌رێما كوردستانێ دوارێ سیاسیدا به‌رده‌وام پێگه‌هێ خۆ د فه‌رهه‌نگا سیاسیا وه‌لاتێن بیانى و ناوچه‌ى بهێزتر لێ كرییه‌. بتایبه‌ت پشتى رویدانێن 16ێ ئكتوبه‌رێ ده‌رگه‌هێن گرتى ڤه‌كرن  لسه‌ر هه‌رێما كوردستانێ و پێنگاڤ به‌ره‌ڤ ئاسویێن گه‌شتر هاڤێتن. هه‌ردیسان دوارێ ئابورى و بازرگانیدا هه‌رێمێ به‌رده‌وام بزاڤ كرییه‌ ببیته‌ ناڤه‌نده‌كا ئابوریا بهێز بۆ ساخكرن و زیندكرنا كه‌ل و په‌لێن بیانى و ناڤخویى،  و دروستكرنا په‌یوه‌ندیێن ئابورى و بازرگانى دگه‌ل وه‌لاتێن ده‌ڤه‌رێ و یێن بیانى، ئه‌ڤه‌ زێده‌بارى هه‌بوونا هژماره‌كا بێ سنور یا مه‌زنه‌ كومپانیێن جیهانى و نێڤده‌وله‌تى دوارێ به‌رهه‌م ئینانێدا و گرێدا هه‌ڤبه‌ستان دگه‌ل وان نه‌مازه‌ د بیاڤێ نه‌فت و غازێ دا. ژلایه‌كێ دیڤه‌ نێچیرڤان بارزانى بۆ ئه‌گه‌ر كو ژین و ژیارا خه‌لكێ هه‌رێما كوردستانێ بتایبه‌ت د سالێن به‌ریا هاتنا داعشێ بگه‌هیته‌ ئه‌و په‌رى خوش گوزه‌رانیێ. دیسان ئه‌نجامدانا و دروستكرنا پروژێن مه‌زن بۆ خوش گوزه‌رانیا خه‌لكێ هه‌رێمێ بگشتى بێ جوداهیا ئولى و نه‌ته‌وه‌یى و مه‌زهه‌بى و خورتكرن و زیندیمانا كه‌لتورێ پێكڤه‌ژیانێ ل هه‌رێما كوردستانێ. 
دیسا به‌ره‌ڤ پێشبرن و ئه‌نجامدانا گورانكاریێن مه‌زن دسێكته‌رێ ساخله‌میێ دا و نویژه‌نكرن و ئاڤاكرنا نه‌خوشخانه‌یێن مودێرن و سه‌رده‌میانه‌ و دابینكرنا ستاڤێ پێتڤى و ئه‌نجامدان و رێكخستنا كونفرانسێن نوژدارى و رێگریكررن ل ده‌رمانێن ساخته‌ و ماوه‌ به‌سه‌رچوی و بهێزكرنا كونترولا جورى ژ هه‌مى لایه‌كێڤه‌، به‌ره‌ڤ پێشبرنا كه‌رتێ خواندنا بلند و په‌روه‌رده‌یى و نه‌هێلان و كێمكرنا رێژا نه‌خوێنده‌واریێ دناڤ جڤاكیدا. به‌ره‌ڤ پێشبرنا كه‌رتێ گه‌شتوگوزارى و بلندكرنا رێژا گه‌شتیاران بۆ هه‌رێما كوردستانێ، كو بڤێ رێژا زۆر داهاتێ هه‌رێمێ و یێ خه‌لكێ هه‌رێمێ زۆر دبوو و رێژا بێكاریێ كێم دبوو. گرنگیدان ب كه‌رتێ وه‌به‌رهێنانێ و كشتوكالى و برێكا پێدانا قه‌رزێن بچوك بۆ وه‌به‌رهێنانێ و دروستكرنا پرۆژێن پێتڤى. گورینا سه‌روسیمایێ گوند و باژێرێن هه‌رێمێ برێكا  هه‌مى ئه‌وان پرۆژه‌ و خزمه‌تگوزاریێن كو هاتینه‌ ئه‌نجامدا دبیاڤیێن جودا جودا یێن وه‌كو ئاڤ و كاره‌با و رێك و پر....هتد. 
دیسان گرنگیدان ب كه‌رتێ هونه‌رى و ره‌وشه‌نبیری ب ره‌نگه‌كێ گشتى وه‌كو ڤه‌كرنا په‌رتوكخانه‌یێن نێڤ ده‌وله‌تى و ئه‌نجامدانا كونفراس و كورو سمینارێن هه‌مه‌ جور و پالپشتیكرنا ده‌زگه‌هێن چاپ و چاپه‌مه‌نیێ بۆ به‌لاڤكرنا ره‌وشه‌نبیریا گشتى دناڤ جڤاكیدا. دیسا پالپشتیكرنا هونه‌رمه‌ند و فلمسازان وه‌كو ئه‌نجامدانا ڤیسته‌ڤالێن نێڤده‌وله‌تى ب ئه‌رك گرتنا خه‌رجیێن وان و لبه‌رچاڤ وه‌رگرتنا ماف و خواسته‌كێن وان. ئه‌ڤه‌ زێده‌بارى گرنگیدان ب كه‌رتێ راگه‌هاندنێ ب هه‌مى جورێن خویێن (نڤێسى، دیتى، بهیستى)ڤه‌. هه‌روه‌سا دبیاڤێ جڤاكیدا نێچیرڤان بارزانى رۆله‌كێ مه‌زن هه‌بوو ب پێدان و دابینكرنا پێتڤیێن هه‌ژار و نه‌دار و كه‌مئه‌ندام و دانعه‌مران و وه‌كو برینا مووچه‌یه‌كێ مه‌هانه‌ بۆ وان. ئه‌ڤه‌ زێده‌بارى گرنگیدان ب ته‌خا گه‌نجان و لاوان و ڤه‌ژاندنا كه‌رتێ وه‌رزشى و دروستكرن و نویژه‌نكرنا یاریگه‌هان و ڤه‌كرنا خولێن سالانه‌ و د هه‌مى بیاڤێن وه‌رزشى دا و ب ئه‌رك گرتنا هه‌مى خه‌رجیێن وان. كو دێ شیێن بێژین ئه‌ڤ كاروانێ خه‌بات و خزمه‌تكرنا به‌رده‌وام بوونه‌ ئه‌گه‌رێن سه‌ره‌كى و كو هه‌رێما كوردستانێ ژ هه‌مى رویه‌كێڤه‌ به‌ر پێشڤه‌بچیت و سه‌ر سێمایێ خۆ دگه‌ل هه‌وایێ گورانكاریێن سه‌رده‌م بگوڕیت و رۆژ بۆ رۆژێ به‌ر ب پێشڤه‌بچیت. دیسان بنیاته‌كێ گشتگیر ژى هاتیه‌ دانان كو حكومه‌تا نوى بشێت خۆ لسه‌رپیان بگریت و به‌رده‌وامیێ بده‌ته‌ هه‌مان رێیا ناڤبرى كرییه‌ د پلان و به‌رنامێ خۆ دا وه‌كو سه‌رۆكێ حكومه‌تێ د هه‌یاما سالێن بوریدا.





ئەم هەواڵە 292جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad