English | عربی | Kurdî دواهەواڵ
ڕاستەوخۆ  
 
سه‌رۆكی هه‌رێمی كوردستان و جێگری نێرده‌ی ئه‌مه‌ریكا دۆخی عێراق تاتوێ ده‌كه‌ن‌
2019-09-11 [02:07 AM]

ZNA-هه‌ولێر


به‌ڕێز نێچیرڤان بارزانی سه‌رۆكی هه‌رێمی كوردستان پیرۆزبایی ده‌ستبه‌كاربوونی له‌ به‌ڕێز برایان مەکفیتێرز جێگری نوێی سەرۆکی نێردەی ئەمەریکا لە عێراق كرد و هیوای سه‌ركه‌وتنی بۆ خواست.

له‌ کۆبوونه‌وه‌یه‌کدا هه‌ردوولا په‌یوه‌ندیی ئه‌مه‌ریكا له‌گه‌ڵ عێراق و هه‌رێمی كوردستان، پرسی نه‌وت و ناوچه‌ جێناكۆكه‌كان و گرنگییان بۆ سه‌قامگیریی عێراق و دیالۆگی ته‌كنیكیی هه‌رێمی كوردستان و عێراقیان گفتوگۆ كرد.

له‌ كۆبوونه‌وه‌كه‌دا كه‌ پاشنیوه‌ڕۆی ئه‌مرۆ چوارشه‌ممه‌ 11/9/2019 له‌ هه‌ولێر به‌رێوه‌چوو و به‌ڕێز ستیڤ ڤاگن كونسولی گشتیی ئه‌مه‌ریكا له‌ هه‌رێمی كوردستان ئاماده‌ی بوو، به‌ڕێز مەکفیتێرز خۆشحاڵیی خۆی به‌ سه‌ردانی هه‌رێمی كوردستان ده‌ربڕی و پابه‌ندیی وڵاته‌كه‌ی به‌ كاركردن له‌گه‌ڵ حكوومه‌تی عێراق و ‌هه‌رێمی كوردستان دووپات كرده‌وه‌ بۆ بنبڕكردنی تیرۆر و گه‌ڕانه‌وه‌ی سه‌قامگیری بۆ ناوچه‌ جیاكانی عێراق و هه‌ماهه‌نگیی به‌غدا و هه‌ولێر له‌ بواری ئاسایشدا.

هه‌ردوولا دۆخی ئێستایان هه‌ڵسه‌نگاند و بیروڕایان ده‌رباره‌ی په‌یوه‌ندییه‌كانی هه‌ولێر و به‌غدا ئاڵوگۆڕ كرد.

له‌مباره‌یه‌وه‌ نێچیرڤان بارزانی سه‌رۆكی هه‌رێمی كوردستان ئاشكرای كرد كه‌ له‌ هه‌ردوولا خواستیان بۆ چاره‌سه‌ركردنی كێشه‌كان هه‌یه‌ و شانده‌كان سه‌ردانی یه‌كترییان كردووه‌، هه‌روه‌ها چڕكردنه‌وه‌ی زیاتری هه‌وڵه‌كانی له‌مباره‌یه‌وه‌ به‌ پێویست و گرنگ زانی.





ئەم هەواڵە 1237جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad