English | عربی | Kurdî دواهەواڵ
ڕاستەوخۆ  
 
كرێی خوێندن له‌ قوتابخانه‌ و زانكۆ و په‌یمانگا تایبه‌ته‌كان كه‌م ده‌كرێته‌وه‌
2019-09-11 [02:15 AM]

ZNA-هه‌ولێر


بڕیاره‌ لێژنەی پەروەردە و خوێندنی باڵا لە پەرلەمانی كوردستان لەگەل خاوەن زانكۆ، پەیمانگا و قوتابخانە ئەھلییەكان لە پەرلەمانی كوردستان سەبارەت بە كەمكردنەوەی كرێی خوێندن كۆببنەوە. بەشێك لە زانكۆ و پەیمانگاكانیش ئەم بریارەیان پێ باشە، بە مەرجێك حكوومەت ھاوكارییان بكات و لە ھەمان كاتیشدا ئەم بڕیارە لەم بارودۆخە بە ھەلێكی باش دەزانن بۆ پەرەپێدانی زیاتری پەروەردە و خوێندن لە هەرێمی كوردستان.

له‌مباره‌یه‌وه‌ گەلاوێژ عوبيد، بڕیارده‌ری لێژنەی پەروەردە و خوێندنی باڵا لە پەرلەمانی كوردستان ده‌ڵێت، ئەم بڕیارە لە كۆبونەوەى لێژنەی پەروەردە و خوێندنی بالاى  پەرلەمانی كوردستان پەسەند كراوە و لە داھاتویەكی نزیكدا لەگەل سەرۆكی زانكۆ، پەیمانگا و قوتابخانە ئەھلییەكان له‌مباره‌یه‌وه‌ كۆدەبنەوە.

سەبارەت بە كەمكردنەوەی كرێی خوێندن لە ناوەندەكانی خوێندن كە ئەھلین، بەشێك لە زانكۆ و پەیمانگاكان لەو بڕاویەدان، ئەمە بە قازانجی قوتابیە و بێگومان سودی دەبێ بۆ پەرە پێدانی خوێندن و پەروەردە بەڵام بە مەرجێك حكوومەت ھاریكاری ئەم ناوەندە ئەھلییانە بێت و رەچاوی بارودۆخی ئەو ناوەندانەش بكات.

وەزارەتی خوێندنی باڵاش كەمكردنەوەی كرێی خوێندن لەم كات و ساتەدا بە گونجاو ده‌زانێ و لە كۆنگرەیەكى رۆژنامەوانیشدا باسی ئەم بابەتەى بە تەواوی كرد. خه‌تاب شێخانی، بەرێوبەری گشتی فەرمانگەی كارگیری ئەم وەزارەتەش دەلێت: رێژەی كەمكردنەوەكە دیار نیە.

لە كابینەی نوێی حكوومەتی ھەرێمی كوردستان و بۆ كارئاسانی زیاتری قوتابیان و پەرەپێدانی رەوتی پەروەردە و خوێندن لە سەر ئاستی هه‌ريمى كوردستان، لێژنەی پەروەردە و خوێندنی باڵا لە پەرلەمانی كوردستان بریارێكیان بۆ كەمكردنەوەی كرێی خوێندن ده‌ركردووه‌ و لە داھاتویەكی نزیكدا دوا راوێژ و قسەكردن لە گەل سەرۆكی ناوەندەكانی خوێندنی ئەھلی ئەم بڕیارە دەچێتە بواری جێبەجێكردن.

 

K24





ئەم هەواڵە 5935جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad