English | عربی | Kurdî دواهەواڵ
ڕاستەوخۆ  
 
ھەوارا باکۆر ھاتەڤ سەنتەرێ ھەوار چوونێ
2019-09-16 [08:43 AM]

نڤیسینا : غیاس خالد زێباری


نێچیرڤان بارزانی سەرۆکێ ھەرێما کوردستانێ ، لدەمێ سەرۆکاتیا حکومەتا ھەرێما کوردستانێ ل ساڵێن بووری چەندین دەسکەفت و سەروەری بۆ گەلێ کورد د وارێن پەیوەندیێن دبلۆماسی و ئابووری و کارگێری دا ب دەست ڤەئینانە و تۆمار کرینە و ھەردەم جھێ شانازیێ نە . نەخاسمە د دووسیا پەیوەندیێن ل گەل تورکیا و ئاشتەوایی یا دناڤبەرا پارت و لایەنێن سیاسی یێن کوردستانێ ، لسەر دەستێ وی پەیوەندیێن ھەرێمێ لگەل تورکیا گەھشتینە ئاستێ پەیوەندیێن دناڤبەرا وەلاتان دا ، گەھشتیە وی ئاستی ھەلویستێن تورکیا بەرامبەر گەلێ کورد و بزاڤا رزگارخوازیا کوردستانێ ل ھەلویستەکێ نەرێنی و دژوار بگۆریت بۆ ھەلویستەکێ ئەرێنی و نەرم و دووستانە و ڤان پەیوەندیان کاریگەریەکا ئەرێنی لسەر پەیوەندیێن دناڤبەرا دەولەتا تورکیا کوردێن باکوور کر و بوویە ئەگەرێ دەسپێکرنا پرووسا ئاشتیێ دناڤبەرا تورکیا و پارتیا دیموکراتیا گەلان (H . D . P ) کو مەزنترین پارتیا باکوورێ کوردستانێ یە و گاڤێن باش ژی بۆ چارەسەرکرنا پرسا کوردی ل تورکیا ب رەنگەکێ ئاشتیانە ھاتنە ھاڤێتن . 
مخابن ڤان سالێن دووماھیێ ئەڤ پرۆسا ئاشتیێ راوەستایە و پەیوەندێن کوردێن باکوور و تورکیا ئاڵۆز بووینەڤە .
شاندێ ھەدەپێ بسەرۆکاتیا سزایێ تەمەللی ھەڤە سەرۆکێ ڤێ پارتیێ بۆ ھەرێما کوردستانێ و کۆمبوونێن وان لگەل نێچیرڤان بارزانی سەرۆکێ ھەرێما کوردستانێ و شاندێ ناڤبری داخاز ل سەرۆکێ ھەرێما کوردستانێ کر دووبارە ھەوڵ بدەتەڤە بۆ دەسپێکرنەڤا پرۆسا ئاشتیێ دناڤبەرا کوردێن باکوور و تورکیا و سەرۆکێ ھەرێمێ ژی تەکەز کر کۆ ئەوا پێتڤی بیت دێ کەت و درێغیێ ناکەت و پێتڤی یە پرسا کوردی ل تورکیا ب ئاشتیانە چارەسەر ببیت چونکی سەردەم سەردەمێ ئاشتی و دیالۆگێ یە و نابیت چ دەرفەتێن ئاشتیێ لدەست بدەین و شەر د بەرژەوەندا چ لایەکی دا نیە  .
ئەڤ داخازیا وان ل نێچیرڤان بارزانی سەرۆکێ ھەرێما کوردستانێ ، تەکەزیە کۆ سەرۆکێ ھەرێمێ کەسایەتیەکێ کاریگەرە لسەر پرسێن کوردستانی ب گشتی و دەڤەرێ ژی ، چونکی سەرپۆرێن بەرێ خۆیاکریە کۆ کەسایەتیا وی پێگەھەکێ مەزن د گۆرەپانا سیاسی یا دەڤەرێ دا ھەیە و کەسایەتیەکێ کاریزمایە و فاکتەرێ بەرپابوونا ئاشتیێ یە و ھەلگرێ خەما گەلێ کوردە ل ھەر جھەکێ ھەبیت . 
ژلایێ خۆرتکرنا پەیوەندیێن دناڤبەرا ئالیێن سیاسی یێن کوردستانی ژی پرا کۆمکرنا وانە ل ئێک ژوور و جە ژ پێخەمەت ئێک مەبەست ئەوژی بەرژەوەندێن گشتی یێن کورد و کوردستانی یە . 
ئەڤ داخازیێن ھەدەپێ ل نێچیرڤان بارزانی لسەر پرسا ئاشتیێ ل باکوورێ کوردستانێ ، بەڵگەیە کۆ سەرۆکێ ھەرێمێ کارگەری لسەر وەلاتێ تورکیا ھەیە و دشێت ب پەیوەندی و سیاسەتا خۆ دەولەتا تورکیا ژی دووبارە بۆ ئاشتیێ و دیالۆگێ راکێشیت ، ھەر وەکی ل ساڵێن بووری شیای بکەت ، ژلایەکێ دی نیشانە کۆ سەرۆک نێچیرڤان بارزانی  نە تنێ سەرۆکێ ھەرێما کوردستانێ یە بەلکی کلیلا ڤەکرنا دەرگەھێن ئێک رێزی کرنا گەلێ کوردە و داکۆکیکارێ ماف و بەرژەوەندێن گەلێ کوردە ل ھەرجھەکێ ھەبیت ، لێ پێتڤی یە لایەنێ کوردی ژی ل باکوور رێنما و ئامۆژگاریێن نێچیرڤان بارزانی بجە بینن داکۆ ڤێ جارێ پرۆسا ئاشتیێ ل باکوور سەربگریت و گاڤێن چارەسەرکرنا پرسا کوردی ل وێرێ بکەڤنە وارێ پراکتیزەکرنێ دا ، دا سەرۆکێ ھەرێمێ بشێت نەخشە رێکا ڤێ چەندێ دابرێژیت  . 
ئەگەر نە دبیت قۆناغا داھاتی د بەرژەوەندا کوردێن باکوور نەبیت ، ھەر وەکی پارتیا خۆ سەپێنەر ل دەسھەلاتا رۆژ ئاڤایێ کوردستانێ پشتی ل رێنما و نەخشە رێکا نێچیرڤان بارزانی دەرکەفتین تووشی زیان و کارەساتێن مەزن بووی . 
چونکی نێچیرڤان بارزانی سەرۆکێ ھەرێما کوردستانێ سەنتەرێ ھەوار چوونا گەلێ کوردە بۆ دابینکرنا بەختەوەریێ و ئاشتیێ و ئازادیێ ، پەیاما باکوور ژی گەھشتە سەنتەرێ ھەوار چوونێ .





ئەم هەواڵە 763جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad