English | عربی | Kurdî دواهەواڵ
ڕاستەوخۆ  
 
سەرۆکی هه‌رێمی كوردستان پێشوازى لە باڵیۆزی نوێی سوید کرد
2019-09-16 [09:37 AM]

ZNA-هەولێر



به‌ڕێز نێچیرڤان بارزانی سه‌رۆكی هه‌رێمی كوردستان پیرۆزباییی ده‌ستبه‌كاربوونی له‌ به‌ڕێز لارش ڕۆناس باڵیۆزی نوێی سوید له‌ عێراق كرد و هیوای سه‌ركه‌وتنی له‌ ئه‌ركی نوێیدا بۆ خواست و ئامادەییى هه‌رێمی كوردستانی بۆ هه‌ر هاوكاری و هه‌ماهه‌نگییه‌ك نیشان دا، هەروەها په‌یوه‌ندییەکانى هه‌رێمی كوردستان و سوید و به‌ره‌وپێشبردنى زیاتریان، به‌تایبه‌تی له‌بواری وه‌به‌رهێناندا، دووپات كرده‌وه‌.
له‌ دیدارێكدا كه‌ پێشنیوه‌ڕۆی ئه‌مڕۆ دووشه‌ممه‌ 16/9/2019 له‌ هه‌ولێر به‌ڕێوه‌ چوو، سه‌رۆك نێچیرڤان بارزانى پوخته‌یه‌كیشی ده‌رباره‌ی پرسه‌ گرنگه‌كانی قۆناغی ڕابردوو و ئێستا، به‌رده‌وامیی پرۆسه‌ی چاكسازى له‌ هه‌رێم، په‌یوه‌ندییه‌كانی هه‌ولێر ــ به‌غدا، خواستی هه‌ردوولا بۆ چاره‌سه‌ركردنی كێشه‌كان له‌سه‌ر بنه‌مای ده‌ستووری عێراق و هه‌ماهه‌نگیی نێوانیان له‌ بواری سه‌قامگیری و ئاسایشدا بۆ ڕووبه‌ڕووبوونه‌وه‌ی مەترسییەکانى سه‌رهه‌ڵدانه‌وه‌ی تیرۆر، پێشكه‌ش كرد.
لای خۆیه‌وه‌ باڵیۆزی نوێی سوید له‌ عێراق ئاماژه‌ی به‌وه‌ دا كه‌ به‌ گرنگییه‌وه‌ سه‌یری په‌یوه‌ندییه‌كانیان له‌گه‌ڵ عێراق و هه‌رێمی كوردستان ده‌كه‌ن و باسی ڕۆڵی وڵاتانی ئه‌ورووپی له‌ ناوچه‌كه‌ كرد.





ئەم هەواڵە 2362جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad