English | عربی | Kurdî دواهەواڵ
ڕاستەوخۆ  
 
هۆكارەكانی زیادبوونی كێشی لەش چیە
2019-09-11 [12:43 PM]

هەولێر _ ZNA


 

قەڵەوبوون بۆ هۆكاری زیندەزانی و هۆكاری دەوروبەری ژینگەيی دەگەڕێتەوە لەگەڵ
خواردنی بڕێكی زۆر چەوری، شێوازی ژیان كاریگەرییەكی زۆری هەیە لەسەر زیادبوونی كێشی لەش، خواردنی تەندروست، راهێنانی بەردەوام، نووستن بەشێوەیەكی تەندروست، پێویستە كۆنتڕۆڵ بكرێت، ئەگەر بەمشێوەیە بەدەوام بین بە درێژایی تەمەن كێش بە دروستی دەمێنێتەوە.
 

ئەو هۆكارانەی كە دەبنە هۆی زیادبوونی كێشی لەش:
یەكەم: پەڕاندنی ژەمەكان، بە پێچەوانەی ڕای زۆرینە وازهێنان لە ژەمی ئاسایی بۆ ماوەی سێ تا پێنج رۆژ كرداری دابەزاندنی كێش هان دەدات، بەڵام نەخواردنی ژەم یان پەڕاندنی كاریگەری خراپ لەسەر دابەزاندنی كێش دروست دەكات، بەشێوەیەكی ناتەندروست كار لە لەش دەكات، به‌گوێره‌ی توێژینەوەیه‌ك پەڕاندنی ژەمەكان دەبێتە هۆی ناچالاكی كرداری زیندەپاڵ و میتابۆلیزمی لەش و هیلاكبوونی مێشك، بەمەش بڕێكی زۆر چەوری كۆ دەبێتەوە و لە ئەنجامدا هەستیاری ئەنسۆلین دروست دەبێت.
 

دووەم: نانی بەیانی بخۆ، نانی بەیانی زۆر گرنگە بۆ لەش بۆ ئەوەی كێشی لەشت بە دروستی بمێنێتەوە باشترە خۆراكی تەندروست بخورێت لەبەیانیاندا، بۆ ئەوەی میتابۆلیزم چالاك بێت وەكو دانەوێڵەكان، شەربەتی پرتەقاڵی كەم كالۆری، میوەی تازە، بەدرێژایی رۆژ لەش دەپارێزێت.
 

سێیەم: رێكخستنی شێوازی نووستن، هەندێك كات زۆر نووستن یان كەم نووستن دەبێتە هۆی زیادبوونی كێش، چونكە كار لە كرداری زیندەپال دەكات، بەشێوەیەك هێواشی دەكاتەوە، چونیەتیی ڕێكخستنی شێوازی نوستن:

شێوازی نووستنی تەندروست پێویستە بەپێی تەمەنەكان بێت، تەمەنی منداڵ شه‌ش  تا13 ساڵ پێویستە نۆ تا 10 سه‌عات بخه‌ون، ته‌مه‌نی 14 تا 18 ساڵ پێویسته‌ هه‌شت بۆ 10 سه‌عات بخه‌ون، له‌ 18 تا 25 ساڵ پیویسته‌ حه‌وت بۆ نۆ سه‌عات بخه‌ون، له‌ 26 تا 64 پێویسته‌ حه‌وت بۆ نۆ سه‌عات بخه‌ون.

چوارەم: زانینی كێشی لەش، بۆ پێوانەكردنی كێشی لەش پێویست ناكات دوای هەر ژەمێك یان هەموو رۆژ كێشت پێوانە بكەیت، بەمشێوەیە باری دەروونی ناجێگیر دەكات و دەبێتە هۆی دروستبوونی دڵەراوكێ،‌ بۆیە باشترە هەفتەی یەك جار یان دووجار كێشت پێوانه‌ بكه‌یت.

پێنجەم: زیادبوونی تەمەن، زیاد بوونی تەمەن هۆكارێكە بۆ قەڵەوی، چونكە بەپێی كات كرداری زیندەپاڵ چالاكی كەم دەبێتەوە، بۆیە پێویستە لەو تەمەنەدا زیاتر خۆراكی تەندروست بخورێت و شێوازی ژیان رێك بخرێت لەگەڵ وەرزشكردنی بەردەوام، بۆ ئەوەی دووچاری زیادبوونی كێش نەبینەوە.





ئەم هەواڵە 2287جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad