English | عربی | Kurdî دواهەواڵ
ڕاستەوخۆ  
 
ئه‌و كه‌سه‌ی گرته‌ ڤیدیۆیەکی له‌سه‌ر شوتی پێنجوێن بلاوكرده‌وه‌ دانی نا به‌ تاوانه‌كه‌ی
2019-09-17 [08:25 AM]

ZNA- هه‌ولێر


زانا رەحمان، قایمقامی قەزای پێنجوێن  ڕایگەیاند ئەو کەسەی کە سەرەتای مانگی ڕابردوو گرتە ڤیدیۆیەکی بڵاو کردەکردەوە و ناوبانگی شووتی پێنجوێنی زڕاند، دانی بە تاوانەكەیدا ناوە و ئێستا كەیسەكەی لە دادگا‌یە.

 

گوتیشی: "ئەو کەسەی گرتە ڤیدیۆیەکەی بڵاو کردوەتەوە دەڵێت، بەبێ‌ هیچ مەبەستێكی شەخسی ئەو كارەم كردووە، بەڵام ئەگەر دوای بڵاوکردنەوەی ئەو گرتە ڤیدیۆییە زوو فریانەكەوتینایە، ئەوا زیانێكی زۆری بە پێگەی شووتی و جوتیارانی سنورەكەمان دەگەیاند، بۆیە ئێمە و دادگایش ئەو کەیسەمان زۆر بە جدی گرتووە و ڕێگە نادەین جووتیارانی سنوورەکەمان زەرەرمەند بن، بۆیە کەیسەکەمان ڕادەستی دادگا کردووە".

 

قایمقامی پێنجوێن ئاشکراشی کرد: "ئەو کەسەی کە ڤیدیۆکەی تۆمار کردووە و بڵاوی کردووەتەوە، خۆی خەڵکی پێنجوێن نییە، بەڵام فەرمانبەری دامەزراوەیەکی حکوومییە لە سنووری شاری پێنجوێن بەڵام، ئێستا کەیسەکەی لە دادگایە و داگا کاری خۆی لەسەر ئەو کەیسە دەکات".

 

سەرەتای مانگی ڕابردوو بەهۆی بڵاوکردنەوەی گرتەیەکی ڤیدیۆیی کە ھاووڵاتییەک لەناو بێستانێکی شووتی پێنجوێندا داوا دەکات هاووڵاتیان شووتیی پێنجوێن نەکڕن لەبەر ئەوەی خراپە و بە دەرمان گەشە دەکات و تووشی شێرپەنجەیان دەکات، دواتر  لیژنەی کشتوکاڵی پەرلەمانی کوردستان و وەزارەتی کشتوکاڵی حکوومەتی ھەرێمی کوردستان، بەدواداچوونی جددیان بۆ سەر شووتی پێنجوێن دەست پێکرد.





ئەم هەواڵە 3532جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad