English | عربی | Kurdî دواهەواڵ
ڕاستەوخۆ  
 
پرسەنامەی دەزگای رۆشنبیریی و راگەیاندنی پارتی دیموكراتی كوردستان بۆ كۆچی دوایی هونەرمەند ئەنوەر شێخانی
2019-09-23 [08:45 AM]

ZNA- ھەولێر


بەڕێزان خانەوادەی هونەرمەند و شانۆكار (ئەنوەر شێخانی) 

خەمباربووین بەبیستنی هەواڵی كۆچی دوایی هونەرمەند و شانۆکاری ناسراوی گەلەكەمان (ئەنوەر شێخانی) بەو بۆنەیەوە پرسە و سەرەخۆشی لە ئێوەی بەڕێز و كەس وكار و بنەماڵەتێکۆشەرەکەتان و سەرجەم هونەرمەندانی کوردستان دەكەین.
 ھونەرمەند وشانۆكار (ئەنوەر شێخانی)ساڵی (1951)لە دایك بووە و لەتەمەنی(19)ساڵیدا دەستی بە كاری شانۆیی كردووە، لە ساڵی(1970)ئەندامی تیپی پێشڕەوی سەر بە سكرتاریەتی یەكێتی مامۆستایانی كوردستان بووە و دواتر بەڕێوەبەری هونەری كۆمەڵەی هونەر و وێژەی كوردی/ مەڵبەندی گشتی بووە.
ھەڤاڵی ناوبراو لە ساڵی(1991) رۆڵی دیاری ھەبووە لە دامەزرێنەراندنی كۆمەڵەی هونەرمەندانی كوردستان/ هەولێر و، لەساڵی(1992) یەکێک بووە لە دەستەی دامەزرێنەرانی تەلەفزیۆنی كوردستان(Ktv).

ھونەرمەند ئەنوەر شێخانی ماوەیەک سكرتێری گشتی رێكخراوی هونەرمەندانی كوردستان بووە و کەسایەتیەکی دیاری بواری شانۆ و دراما و فیلمی كوردی بوو و، لەو رێگایەوەش خزمەتێكی زۆری بەو بوارە كردووەو خاوەن ئەرشیف وگەنجینەیەكی هونەری تایبەت بەخۆیەتی و، چەندین خەڵاتی رێزلێنانی ناوخۆیی و بیانیی پێ بەخشراوە.

 بێگومان كۆچی دوایی ئەو هونەرمەندە زیانێكی گەورەیە بۆ هونەرو شانۆی كوردیمان، ئومێدەوارین هاوخەمیی هونەرمەندان وشانۆكارانی هاوپیشەی هونەرمەندی كۆچكردوو مایەی دڵنەوایی و سەبووری ئێوەوگشت لایەك بێت.
   جارێكی دیكە پرسە و سەرەخۆشی خۆمات دووپات دەكەینەوە و لەخودای گەورە داواكارین سەبووری بەهەموو لایەك ببەخشێت وگیانی كۆچكردوویش بەبەهەشتی بەرین شاد بكات..

دەزگای رۆشنبیریی و راگەیاندنی
 پارتی دیموكراتی كوردستان
23/9/2019





ئەم هەواڵە 1855جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad