English | عربی | Kurdî دواهەواڵ
ڕاستەوخۆ  
 
په‌رله‌مانى كوردستان گرانی و خاویی ھێڵه‌كانی ئینتەرنێت تاوتوێ ده‌كات
2019-09-24 [11:22 AM]

ZNA-هەولێر


پێگه‌ى په‌رله‌مانى كوردستان بڵاوی كرده‌وه‌ كه‌ له‌له‌كۆبوونه‌وه‌ی ئاسایی خۆیدا لیژنه‌ی شارەوانی و گواستنەوە و گەیاندن و گەشتوگوزار و ئاوەدانکردنەوە و وەبەرھێنان پرسی گرانیى نرخ و خاویی هێڵه‌كانی ئینته‌رنێت و رێكخستنه‌وه‌ى پیشه‌ی تاكسی و كه‌میى رێژه‌ی سه‌وزایی له‌ شاروشارۆچكه‌كان تاووتوێ ده‌كات.

راشیده‌گه‌یه‌نن ، كاتژمێر 11 ى پێشنیوه‌ڕۆی ئەمڕۆ ٢٤/٩/٢٠١٩، لیژنەی شارەوانی و گواستنەوە و گەیاندن و گەشتوگوزار و ئاوەدانکردنەوە و وەبەرھێنان له‌ په‌رله‌مانى كوردستان بەسەرپه‌رشتیی ھاورێ مەلا ستار سه‌رۆكی لیژنه‌ و ئامادەبوونی جێگری سه‌رۆكی لیژنەو ئەندامان و ڕاوێژکارانی لیژنەكه‌ کۆبوونەوەی ئاسایی خوی ئەنجامدا.

پێگه‌ى په‌رله‌مانی كوردستان ده‌شڵێت له‌سەرەتای كۆبوونه‌وه‌كه‌  خوێندنەوە بۆ ئەو ڕاپورت و نووسراوانە کرا کە تایبەت بوون بە کێشەی ھاووڵاتییان، دواتر وەڵامی نووسراوەکانی سەرۆکایەتیی پەرلەمان خوێندارانه‌وه‌.

هه‌روه‌ها له‌كۆبوونه‌وه‌كه‌دا ، گرانی و خاویی ھێڵه‌كانی ئینتەرنێت و چۆنیەتیی پیشەى تاکسی و رێكخستنه‌وه‌ى، هه‌روه‌ها کەمیی رێژەی سەوزایی لە شارو شاروچکەکانی کوردستان گفتوگویان لەسەر کرا.

تەوەرێکی ترى كۆبوونه‌وه‌كه‌ قسەکردن بووه‌ لە سەر پەیڕەوی ناوخۆی پەرلەمان و ئەو بڕگه‌ و مادانەی کە پەیوەستن بە لیژنەکە.

هه‌ر له‌ كۆبوونه‌وه‌كه‌دا کێشەی پێوەری ئاوی ماڵان تاووتویًَ كرا و بریاردرا لیژنەیەکی لاوەکی بۆ وەزارەتی شارەوانی بنێردرێت بۆ به‌دواداچوون بۆ ئه‌و كێشه‌یه‌.

ھەروەھا بریاردراوه‌ نووسراوێک ئاراستەی وەزارەتی گواستنەوە و گەیاندن بکرێ بەمەبه‌ستی ناردنی زانیاری بۆ لیژنەكه‌ لەسەر ژمارەی کۆمپانیاکانی ھێڵی ئینتەرنێت و پەیوەندیکردن و نرخی ھێڵه‌كانی ئینتەرنێت و پەیوەندیکردن وچۆنیەتۆی کارکردنیان و چۆنیەتیی گرێبەستەکانیان.

 

1





ئەم هەواڵە 2494جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad