English | عربی | Kurdî دواهەواڵ
ڕاستەوخۆ  
 
ئەنجومەنی ناوەندی هاوبەشی هەماهەنگیی قەیرانەكان كۆ بووەوە
2019-09-24 [12:34 PM]

ZNA- هه‌ولێر


ئەمڕۆ، سێشەممە ٢٤/٩/٢٠١٩، ئەنجومەنی ناوەندی هاوبەشی هەماهەنگیی قەیرانەكانی هەرێمی كوردستان بە ئامادەبوون و سەرپەرشتیی بەڕێز ڕێبەر ئەحمەد، وەزیری ناوخۆ كۆ بووەوە.

 

لە كۆبوونەوەكەدا كە نوێنەری وەزارەتەكانی دارایی و بازرگانی و تەندروستی و كار و كاروباری كۆمەڵایەتی و پلاندانان و پەروەردە و شارەوانی و فەرمانگەی پەیوەندییەكانی دەرەوە ئامادەی بوون، پلانی ئەنجومەن بۆ ساڵی داهاتوو سەبارەت بە پێداویستییە مرۆیی و تەندروستی و جڤاكییەكانی ئەو ئاوارە و پەنابەرانەی لە هەرێمی كوردستاندا دەژین و پێداویستییەكانی خەڵكی كوردستان لە سووتەمەنی و خوێندن و تەندروستی خرانە بەرباس، بەتایبەتیش بەهۆی دەستپێكردنی وەرزی خوێندن و نزیكبوونەوە لە وەرزی زستان، بۆ ئەوەی لەگەڵ نوێنەرانی ئاژانسەكانی نەتەوە یەكگرتووەكان و وڵاتە بەخشەرەكان و حكوومەتی فیدراڵیی بەغدا گفتوگۆی لەسەر بكرێت و دابین بكرێن.

لەبەشێكی دیكەی كۆبوونەوەكەدا نوێنەرانی وەزارەتەكان پێداویستییەكانی تایبەت بە سێكتەری وەزارەتەكانیان خستە ڕوو، دوای گفتوگۆكردن گەڵاڵەی پلانێك كرا بۆ دیاریكردنی پێداویستییە مرۆییەكانی ئاوارە و پەنابەران و هاووڵاتیانی هەرێمی كوردستان.





ئەم هەواڵە 2191جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad